Ɨnû 10:1 - Ikan feg

¹ Mə ya bàd angirə̀ ka ka ndəŋ ne swìʼe ikaŋ àbɔ̀ŋɔ. Pàʼ ya nib məd icheg ndwi màʼi ne wə̀d zi. Tènàbà ya bə̀ dù ikaŋ, chè kad atog ibo. Ìfe məd yaya zḛ kwàʼ icheg achwi. Ighog məd ya yaʼ icheg inemi iywid ne temi kwàʼ icheg ìte.

Meta’

¹ Mə nyaʼa zə aŋgɨrə̀ cherə nɨ berɨ ɨka nɨ nyaʼə swiʼə rɨkaŋ yeʼe. Ngywɨ̌ aŋgɨrə̀ we yɨə nyaʼə pàʼ. Tə̀nàbə nyaʼa kad ətu əməd. Ɨfě məd wɨə nyaʼə te ɨchî nɨ nyùmə̀ ə teə. Ɨwu məd mbɨə nyaʼa ɨghabɨ ə təʼ nɨə berɨə ɨchî nɨ ɨwid ə berɨə.

Ɨnû 10:1 ပူးပေါင်းရင်းမြစ်များ

Matìyò 17:2

Anyumə̀ ne mbɔb ya pe angu, məd ya bə̀ŋə̀ inɔb imbìghè. Ìfe məd yaya se zùʼə kwàʼ icheg nyùmə̀. Ndwi məd yaya bə̀ se njàndi njandi.

Lk 21:27

Anyumə̀ we, mbi biri bàd Ŋwan Wə̀d inga pàʼ ne we yèʼe tì ika fɔrɔ ighumni kyen.

Ɨ̀fàʼì 26:13

Mbè, à yaya àngɔŋ tisi aneg ze ne mə̀ yaya ghò, ne mə̀ ya bàri ìzḛzḛ ne ya nɔ̀ʼi ikaŋ ne ya zuʼi chè nyùmə̀. Ìzḛzḛ we ya zuʼ kad mə bə̀ kad mbaŋà te ne ya yaʼi abɔ̀ʼ inum.

Ɨnû 1:7

Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.

Ɨnû 18:1

Mə ya bàd angirə̀ ndəŋ ne ya swiʼi ikaŋ àbɔ̀ŋɔ. Wì ya taŋ bèrì ika. Ìzḛzḛ we ne yaya zùʼə ane məd ya ghì isiŋi ijìm igun isəg zen.

Ɨnû 18:21

Angirə̀ ne beri ika ya bèʼì iteg kyen ne yaʼi icheg iteg ngə̀ŋ, màʼ inga igyi tìbà. Wì ya màʼ ane gha, “À ya icheg ne tì biri màʼ Babilɔ̀n aseg ane ika. Chəyi bəd biri nɔʼ ywiri bàd aməd.

Ɨnû 20:1

Mə ya bàd angirə̀ ne ya swiʼi tikaŋ àbɔ̀ŋɔ. Wì ya nyimi afiʼì ane ichug ibighi kyen we ne chəyi ìnwḭ. Wì ya bə̀ nyìmi chen kyen mɔ̀ʼɔ.

Ɨnû 4:3

Wə̀d we ne ya chughi igun atən ifɔn ze yaya zḛ njànda icheg iteg mɔ̀ʼɔ ne mbe kàrà ane jaspà kə̀ kàmelìyàn. Tènàbà mɔ̀ʼɔ ne yaʼi icheg aghi mɔ̀ʼɔ ne mbe kàrà ane emeràd ya kad atən ifɔn ze chuʼ.

Ɨnû 5:2

Mə ya bə̀ bàd angirə̀ ka ka mɔ̀ʼɔ ne yaya ghàmà ane gì ka ka gha, “Wə̀d ne koʼi ni chi ìnen we fìʼì àŋwàʼrì ze àkə we?”

Ɨnû 8:13

Ane, mə̀ ya nɔ̀ atog bàd fìnən kyen mɔ̀ʼɔ icheg izam ne yaya bàrà ibə̀m ikaŋ nè dèghè kwàʼ ane gì ka ka gha, “Wo ngəʼə! Wo ngəʼə! Wo ngəʼ kyen ne biri nyi igun bəd igun isəg anyumə̀ ne mbè angirə̀ mətad mbe ne si nwḭ̀yḛ̀ biri fə ìtɔb tì tàŋ!”