Ɨnû 1:7 - Ikan feg

⁷ Mbə̀ nḛ, məd we yèʼe inga pàʼ. Bəd məjìm biri bàd aməd, fɔrɔ bèyi bəd mbe ne ya zùmi məd ane ighɔŋ, zweti. Tinəbi tijìm igun isəg biri dèg imbə̀ʼ aməd. À ya icheg ne ze biri yaʼ! À ya ane.

Meta’

⁷ Mbə̀ zə, ɨ wɨə yeʼe ɨŋga pàʼ. Bə̂d mɨjìm bɨrɨ zə əməd, ka àbei mbe nɨ nyaʼa zum əməd. Mɨnəbɨ jìm rɨ ɨgwɨ ə si bɨrɨ di ɨmbə̀ʼ əməd. À yɨ ɨchî nɨ zɨə bɨrɨ yeʼ we! À yɨ əne.

Ɨnû 1:7 ပူးပေါင်းရင်းမြစ်များ

Matìyò 16:27

Ŋwan Wə̀d tì ìmbi mbè angirə̀ biri yeʼe tì ighumni we ne Mbaʼ məd nàʼi ibo, pè nàʼ chùd abə wə̀d imɔʼ imɔʼ icheg ne ìfàʼì wə̀d chwi.

Matìyò 16:28

Mə gha tesiʼ inən gha, bəd mɔ̀ʼɔ mbe abɔ̀ʼ ina aŋa ne chəyi mbi biri ku witì mbi bàd Ŋwan Wə̀d ne we yèʼe icheg ifɔn.”

Matìyò 24:30

Nyùmə̀ we mə̀ kòʼ, aneni ni chwi gha Ŋwan Wə̀d fə se yèʼe biri dù aton àbɔ̀ŋɔ. Bəd məjìm igun iseg biri zə̀ʼ anyumə̀ ne mbi biri bàd aməd ne we yèʼe inga pàʼ tì ika fɔrɔ ighumni kyen məd.

Matìyò 25:31

Yeso ya chè imbìghè ghà abə mə̀mə̀nənùg məd tì inɔ̰ bəd we gha, “Anyumə̀ ne Ŋwan Wə̀d ywirì yèʼe icheg Ifɔn tì ìmbi mbè angirə̀ məjìm, wì biri chughi igun àze atən ifɔn.

Matìyò 26:64

Yeso ya ywìtì ibo gha, “À ya icheg ne àghò gha. Mə ghà inən gha, nɔ̀ʼ tèchɔ̀ŋ, mbə biri bàd Ŋwan Wə̀d ne wì chùghi aba abo jəghi Ŋwiye we ne beri ika ijìm. Mbə̰ biri bə bàd icheg ne məd we yèʼe inga pàʼ ikaŋ àbɔ̀ŋɔ.”

Mk 13:26

Ane nyùmə̀ we, bəd biri bàd Ŋwan Wə̀d ne yèʼe inga pàʼ, bàd ika kyen we ne wì beri bə̀ bàd ighumni we ne wì bə bèri.

Mk 14:62

Yeso ya ywìtì gha, “Mo ya ìwiwən. Ane, mbə̰ biri bàd Ŋwan Wə̀d ne chughi aba abo jəghi Ŋwiye ne beri ika ijìm, bə̀ bàd icheg ne we swìʼe ikaŋ àbɔ̀ŋɔ inga pàʼ.”

Lk 21:27

Anyumə̀ we, mbi biri bàd Ŋwan Wə̀d inga pàʼ ne we yèʼe tì ika fɔrɔ ighumni kyen.

Jn 19:34

Si ya gha, sogyì mɔ̀ʼɔ inga mə̀sogyì mbe, ya zùm iban ìbèn məd ane ighɔŋ. Wì ya zùm ane, anəm fɔrɔ mənib dù ane məd.

Jn 19:37

Asiŋi ndəŋ inga Àŋwàʼrì Ŋwiye bə̀ gha, “Bəd biri nèn aməd we ne mbi ya zùmi.”

1 Tèsàlonikà 1:10

Mbɔb mbe mə̀tə̀ icheg ne mbə̰ mbe se ghɔ̀mɔ̀ Ŋwan Ŋwiye we ne biri nɔ̀ʼ ikaŋ àbɔ̀ŋɔ yèʼe. Ŋwan Ŋwiye we ya Yeso we ne Ŋwiye ya ghi wì zwème ane iwu. À ya məd ya chi awa inga ngəʼ ze ne Ŋwiye biri gaŋ, si sɔb isaʼi zì igun bəd inug tibɔ̀ŋ.

1 Tèsàlonikà 4:17

Anyumə̀ ne mbi zweme, Ŋwiye biri si niŋ awa mba mbe ne si bùʼ igun isəg, ne yaʼi izɔm, tì gho fɔ̀ti abɔ̀ʼ inɔb inga pàʼ ikaŋ. Mba məjìm biri si bɔ̀mbì tì Anɔŋisəg inga ifə, ikaŋ. Tì biri si yaʼ tì məd ane ighə̀m imɔʼ.

Mə̀Hibrù 10:29

Àsi wə̀d ne wèghè Ŋwan Ŋwiye, ne bə̀ wèghè anəm ze ne Ŋwan Ŋwiye nìŋi wàd ikan we ne ghi tì zen, bə̀ wèghè Azwighi Ŋwiye ze ne ghi ìchɔ̀mì ina, mbə kɔ̀ndi gha Ŋwiye biri si chə awɔb iye?

Mə̀Hibrù 6:6

Aton ya gha, icheg ne mbɔb mbe ywìrè bə̀ndə̀ anjìm ghìyə̀ inug tibɔ̀ŋ, ane ya gha, mbɔb mbe ywìrè kɔ̀mbɔ̀ Yeso ŋwan Ŋwiye igun azed abaʼri bə̀ ywìrè zìyè tìnìrètog igun məd asaŋ asaŋ ighəm ndəŋ.

1 Jɔn 3:2

Ìmbum mə̀sə̀ʼ ne mə̀ taŋ kɔ̀ŋ, amad anìŋ, mba ya bɔn Ŋwiye. Chəyi tì kiri kyeri icheg ne tì biri ghum yaʼ. Si ya gha, tè kyèri gha anyumə̀ ne Yeso yèʼe tì biri yaʼ icheg məd imbə̀ʼ icheg ne tè bàd aməd icheg ne wì yaʼi.

Jûd 1:14

Enɔ̀g ne mbi ya gwi aməd inga ikəri bəd ne pè ane ìsàmbe nɔ̀ʼ ane Adàm, ya ghà ikən Ŋwiye imbə̀ʼ bəd mbo̰ gha, “Nḛ! Anɔŋisəg biri yeʼe tì mbè angirə̀ ìzḛzḛ məd chuʼ tì chuʼ

Ɨnû 22:20

Wə̀d we ne ghà inug mbo̰ ijìm, wì gha, “À ya tesiʼ! Mə biri zàmbi yeʼe!” À ya ane, Anɔŋisəg Yeso yeʼe!

Ɨnû 22:4

Mbɔb biri bàd ìfe Ŋwiye. Mbi biri bə ŋwàʼrì ikum Ŋwiye igun ìmbɔb ikəŋi isi.