Ɨnû 1:5 - Ikan feg

⁵ Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

Meta’

⁵ Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 1:5 ပူးပေါင်းရင်းမြစ်များ

Matìyò 20:28

Chəyi Ŋwan Wə̀d ya yeʼe gha bəd faʼa ibo. Wì ya yeʼe ni fàʼ abə bəd. Wì ya bə̀ yèʼe ni ku si nàʼ ìwi ìtḛ̀ ni zeri bəd nɔʼ nɔʼ.”

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Jn 13:1

À ya yaʼ igun aneg ze ne nàʼà abə aneg ne mbe jə̀ghə Iteri Chègun. Yeso ya fə kyeri gha, nyùmə̀ fə kòʼ ibo ni sàŋì isəg gho̰, ghò yi abɔ̀ʼ ìwi Mbaʼ. Wì ya kɔ̀ŋ bəd mbe igun isəg gho̰ ne ya ìmbi məd anene ghò pè ane ìnwḭ.

Jn 13:34

Mə ya anìŋ nàʼà ikə feg inən gha, “Mbə̀ kɔŋɔ wə̀d imɔʼ imɔʼ. Icheg ne mə̀ kɔ̀ŋ awən, mbə̀ bə̀ kɔ̀ŋ mə̀mbin.

Jn 15:9

Mə kɔ̀ŋ awən kwàʼ icheg ne ìmə Mbaʼ kɔ̀ŋi amə. Mbə̀ che imbìghè ni yaʼ ane anug amɔʼ tì inum imbə̀ʼ mə bə chè imbìghè ni kɔ̀ŋ awən.

Jn 18:37

Payilèd ya si bìri ibo gha, “Àghò kə anìŋ yaʼ ifɔn?” Yeso ya ywìtì gha, “Àghò ya anìŋ ghà kwàʼ tesiʼ gha mo ya ifɔn. À ya kwàʼ tesiʼ gha, aŋa ya aton ze ne mbi ya gwi amə igun isəg aŋa, gha mə yeʼe ghà tesiʼ. Wə̀d ijìm ne kɔ̀ŋi tesiʼ ya zùghə anug ne mə̀ ghà.”

Jn 3:11

Mə ghà tesiʼ ine gha, tì ya ghà inug ne tì kyeri bə̀ ghà inug ne tì bari, si ya gha, chəyi mbə̰ bəd ne chwìte inug mbe kə̀bə̀ ni bḛ inug ne te ghà.

Jn 3:16

Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 3:32

Wì ya ghà anug ne wì bàri bə̀ zug, si ya gha, chəyi wə̀d mɔ̀ʼɔ ne bḛ anug məd.

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Ɨ̀fàʼì 26:23

Mbɔb ya ghà gha Wə̀d we ne Ŋwiye zɔ̀ʼi bèrì ni zən ngəʼ. Mbi ya bə̀ ghà gha, icheg ne məd ya wə̀d mbègtog ni zweme ane iwu, wì biri ghà inug imbə̀ʼ ìzḛzḛ abə mə̀Ju bə̀ ghà abə bəd ne kayi mə̀Ju.”

Rm 3:25

Ŋwiye ya chà aməd icheg aghi àfàtì ina atog ni ghì gha anəm məd so ìmba inug tibɔ̀ŋ. Ane ya anjìm icheg ne tì nɔŋi ìwa ibḛfiŋ igun Yeso. Ŋwiye ya chwi anjìm inyimbifiŋ gha zìye we ghìyə̀ inug ne koʼi imbə̀ʼ icheg ne anyumə̀ ne chəyi wì ya kiri naʼi mə̀nɔ̀ʼɔ̀, chəyi wì ya chə bəd mbe ne yaya bə̀ ghìyə̀ inug tibɔ̀ŋ.

Rm 8:37

Si ya gha, inga inug mbo̰ ijìm, tì ya icheg bəd ne màʼi ibid chè anjìm Yeso Kristo ne kɔ̀ŋi awa.

1 Kɔrèn 6:11

Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Efesùs 2:4

Si ya gha, Ŋwiye we ne dìgrè igun bəd kwàʼ icheg chɔm, ne bə̀ kɔ̀ŋɔ̀ bəd kwàʼ icheg chɔm, məd ya ghì gha,

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

Kòlosè 1:18

Məd ya Atog ane ifeti bəd Kristo. Ifeti bəd Kristo ya nyàmnyɔd məd. À ya məd ko anug ifeti bəd Kristo. Məd ya ŋwan mbègtog ne Ŋwiye zwemni ane iwu ni ghì gha wì bere ika igun ighi ijìm.

1 Timotì 6:13

Mə ya anìŋ ghàmà ine imbìghè abə Ŋwiye we ne nàʼà ìtḛ̀ abə ighi ijìm fɔrɔ imbìghè abə Yeso Kristo we ne ya gha tesiʼ imbìghè abə Pɔntiyos Payilèd. Anug ne mə ghà ine ya gha,

1 Timotì 6:15

Nyùmə̀ mə kòʼ, Ŋwiye we ne bəd mbe ghùmnə biri ghì Kristo yèʼe. À ya məyi məd yaʼi Atumbisəg ne yaʼi Ifɔn abə məfɔn bə̀ yaʼ Anɔŋisəg abə itog bəd ijìm.

Mə̀Hibrù 10:29

Àsi wə̀d ne wèghè Ŋwan Ŋwiye, ne bə̀ wèghè anəm ze ne Ŋwan Ŋwiye nìŋi wàd ikan we ne ghi tì zen, bə̀ wèghè Azwighi Ŋwiye ze ne ghi ìchɔ̀mì ina, mbə kɔ̀ndi gha Ŋwiye biri si chə awɔb iye?

Mə̀Hibrù 9:14

Ane ya gha, anəm Kristo ze ne Azwighi Ŋwiye ze ne yaʼi ane ighə̀m imɔʼ, ze ya ghi wì tutì ni sò ìmba inug tibɔ̀ŋ ne chəyi məd ya gùghi anug, ze bèrì ika ni chì awa inga inug mbe ne ghìyə̀ iwu yèʼe igun ina. Ze bə̀ bèrì ika ni ghì gha tì ya fàʼà abə Ŋwiye we ne yaʼi izɔm.

1 Pità 1:19

Ŋwiye ya zon awən ane anəm àka inun ze ne Yeso Kristo ya chəmni. Yeso Kristo ya icheg ŋwan njə̀g ne chəyi gəʼ angu.

1 Jɔn 1:7

Tì mə̀ yaʼ inga ìzḛzḛ icheg ne məd bə̀ yaʼ inga ìzḛzḛ, nji tì biri yaʼ ane ifɔti mba mba, anəm Yeso Ŋwan Ŋwiye bə̀ sò ìmba inug tibɔ̀ŋ ijìm.

1 Jɔn 4:10

Aŋa ya aghi ne àkɔ̀ŋì yaʼ àzewən: Kayi mba ya bì kɔ̀ŋ Ŋwiye. À ya məd ya bi kɔ̀ŋ awa, chà ìwi Ŋwan ina gha wì yaʼ aghi àfàtì ne biri sò ìmba inug tibɔ̀ŋ.

Ɨnû 11:15

Angirə̀ we ne pè ane ìsàmbe ya fə ìzi tì tàŋ. Gì ka ka ti nɔʼ nɔʼ si ghàm ikaŋ àbɔ̀ŋɔ gha, “À ya ìwa Anɔŋisəg fɔrɔ Wə̀d məd we ne məd zɔ̀ʼi si bèrì ika ijìm amad anìŋ ni tùmbì isəg ijìm kwàʼ ane ighə̀m imɔʼ.”

Ɨnû 11:3

Mə biri nàʼ ika abə ìmbum bəd məbe mbe ne ya zə̰ ati. Mbɔb biri zì ndwi ni chwi gha mbɔb ya inga ngəʼ ghò dènì ikən we ne mə̀ biri chà awɔb gha mbe dène ane tituʼ titad tì aba.”

Ɨnû 17:14

Mbi biri màʼ ibid tì Ŋwan njə̀g. Si ya gha, Ŋwan njə̀g tì bəd mbe ne wì kàrì awɔb bə̀ chɔʼ awɔb fɔrɔ bəd mbe ne nɔ̀ŋɔ̀ fìŋ igun məd biri màʼ ibid chè awɔb. Mbi biri màʼ ibid chè imbə̀ʼ icheg ne məd ya Anɔŋisəg abə itog bəd ijìm fɔrɔ Ifɔn abə məfɔn.”

Ɨnû 19:11

Mə ya bàd icheg ne ikaŋ àbɔ̀ŋɔ fiʼe, bə̀ bàd nyam mə̀kara fu fu mɔ̀ʼɔ angu. Mbi ya kàrà mbaŋà ze ne kɔ̀ʼɔ nyam mə̀kara ze ane Wə̀d inug tesiʼ bə̀ kàrà ane Wə̀d ne ghà anug bə̀ fàʼà. À ya wə̀d ne sàʼa bəd bə̀ màʼà ibid ane icheg ne koʼi.

Ɨnû 19:16

Ikum we ne yaʼi igun ndwi məd bə̀ fɔrɔ igun ìtìb aghog məd ya, “Ifɔn abə məfɔn fɔrɔ Anɔŋisəg abə itog bəd ijìm.”

Ɨnû 2:13

Mə kyèri asiŋi ze ne àghò we chùghə angu. À ya asiŋi ze ne atən ifɔn àzi Sàtàn yaʼi angu. Si ya gha, àghò nyìmi ìmə ikum ane ìze fìŋ ijìm. Chəyi àghò ya waʼi anug ni nɔŋi fìŋ igun inum, ka bèyi ane nyùmə̀ Antipàs we ne yaya ghà inug imbə̀ʼ amə ane ìzi fìŋ ijìm. Mbi ya zweti aməd inga àzən aben, asiŋi ne Sàtàn we chùghə.

Ɨnû 3:14

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼrè ifeti bəd Kristo we a Làwùdisìyà gha, ‹Ìngam gho̰ nɔ̀ʼ abə wə̀d we ne ikum məd ya À ya ane. Məd ya ghàmà tesiʼ. Məd ya bə̀ ghìyə̀ inug mbe ne wì gha. Ŋwiye ya chè anjìm məd tàngi ighi ijìm.

Ɨnû 7:14

Mə ya ywìtì ibo gha, “Masà, Chəyi mə̀ kyeri. À ya àghò kyèri.” Wì ya ghà inum gha, “Aŋa ya bəd mbe ne fə che inga ngəʼ ze ne chè abo, si ya gha, chəyi mbi ku. Mbi fə sò ìtɔb ndwi maʼi inga anəm ze Ŋwan njə̀g ti se fùyə.