Ɨnû 1:3 - Ikan feg

³ Ŋwiye zì àbɔrɔ̀bɔd igun wə̀d we ne fɔ̀ŋɔ ikən Ŋwiye gho̰. Ŋwiye bə̀ zì àbɔrɔ̀bɔd igun bəd mbe ne zùghə bə̀ fàʼà inug mbe ne mbi ŋwaʼri inga àŋwàʼrì azo̰ imbə̀ʼ icheg ne nyùmə̀ we ne inug mbo̰ biri dù fə tinde.

Meta’

³ Ŋwìə̀ zɨ əbɔrəbɔd ɨgun ə wə̀d we nɨ foŋ mɨŋgam mbɔ̂ ɨmbə̀ʼ ɨnû mbe nɨ bɨrɨ ghɨ̀. Ŋwìə̀ zɨ əbɔrəbɔd ɨgun ə bə̂d mbe nɨ zu mɨŋgam mbɔ̂ bə̀ ghɨ̀ ɨnû mbe nɨ mbɨ ŋwàʼnɨ̀, ɨmbə̀ʼ ɨghəm nɨ nyùmə̀ we nɨ ɨnû mbɔ̂ bɨrɨ ghɨ̀ fə tiinə.

Ɨnû 1:3 ပူးပေါင်းရင်းမြစ်များ

Matìyò 24:15

Yeso ya chè imbìghè ghà abə mə̀mə̀nənùg məd gha, “Ane, mbə biri bàd ‹Anug tibɔ̀ŋ ze ne ghìyə̀ gha bəd se nyète mbàn Ŋwiye› ne ya anug ze ne wə̀dkə̀n Ŋwiye Daniyè ya fə ŋwàʼri. (Wə̀d ne fɔ̀ŋɔ anug azo̰, atog məd zen!)

Lk 11:28

Yeso ya ywìtì gha, “Ŋwiye zì àbɔrɔ̀bɔd yaʼ igun wə̀d we ne zùghə Ìngam Ŋwiye bə̀ ghìyə̀ inug mbe ne we ghà.”

Rm 13:11

Àghò mənyìʼ ghì ane imbə̀ʼ icheg ne àghò kyèri gha nyumə̀ fə kòʼ ine ni nɔ̀ʼ angwḛ. À ya ane imbə̀ʼ icheg ne nyumə̀ we ne Ŋwiye biri pumni awa fə tinde. Nyumə̀ we fə tinde amad anìŋ chè icheg ne wì ya yaʼi anyumə̀ ne tì ya kiri bḛ Yeso Kristo bḛ.

Rm 13:12

Ituʼ fə se chə̀ghə. Aneg feg fə se pè. Ane, tì waʼ inug tibɔ̀ŋ mbe ne bəd ne yaʼi inga afub mbe ghìyə̀ si niŋ ighi ibid. Ighi ibid mbe ya inug chɔm mbe ne bəd mbe ghìyə̀ inga ìzḛzḛ.

1 Pità 4:7

Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.

2 Pità 3:8

Ìmbum məfi fɔrɔ ìtum njàbi ne mə̀ taŋ kɔ̀ŋ, imbə̀ʼ mbə̰ si to̰ awən anug azo̰ afibì. Anug angu ya gha, abə Anɔŋisəg, aneg amɔʼ ya icheg tituʼ chuʼ ifibì, tituʼ chuʼ ifibì ya bə̀ icheg aneg amɔʼ.

Ɨnû 22:10

Wì ya bə̀ ghà inum gha, “Imbə̀ʼ àghò nəmbə awe inug mbe ne mbi ŋwaʼri inga àŋwàʼrì azo̰ imbə̀ʼ icheg ne nyùmə̀ ne inug mbe biri dù fə tinde.

Ɨnû 22:12

Yeso ya ghà inum gha, “Zug, mə we se zàmbi yeʼe! Mə biri yeʼe tì chùd ne mə̀ biri nàʼ abə wə̀d imɔʼ imɔʼ icheg ne ìfàʼì wə̀d chwi.

Ɨnû 22:20

Wə̀d we ne ghà inug mbo̰ ijìm, wì gha, “À ya tesiʼ! Mə biri zàmbi yeʼe!” À ya ane, Anɔŋisəg Yeso yeʼe!

Ɨnû 3:11

Mə biri zàmbi yeʼe. Àghò nɔŋɔ fìŋ igun inum, ni ghì gha imbə̀ʼ wə̀d mɔ̀ʼɔ si niŋ yi ineʼi we ne àghò bèri.