Ɨnû 1:20 - Ikan feg

²⁰ Anug ze ne yaʼi inə̀mbi imbə̀ʼ titəm iməg te ìsàmbe ne àghò bàri inga àmə abo jəghi bə̀ fɔrɔ imbə̀ʼ ìtən inam mbe ìsàmbe ne mbi tangi ane gol ya gha: Titəm-məg te ìsàmbe ya mbè angirə̀ mbe ne kyèʼè tifeti bəd Kristo te ìsàmbe. Itən inam mbe ìsàmbe ya tifeti bəd Kristo te ìsàmbe.”

Meta’

²⁰ Ənû ze nɨ yeʼ ənə̀mə ɨmbə̀ʼ rɨtəmɨ te sambe nɨ à zə ɨŋga mɨ əbɔ ə jɨgɨ bə̀ fɔrɨ ɨmbə̀ʼ ɨghɨ mbe sambe nɨ mbɨə te ɨnam ɨgun yɨ ni: rɨtəmɨ te sambe yɨ mbɨ̀aŋgɨrə̀ mbe nɨə nəŋgɨ rɨfetɨ bə̂d Kristo te sambe, ɨghɨ mbe sambe nɨ mbɨə te ɨnam ɨgun, nɨ mbɨ nyaʼa tekɨ ənɨ ə gôl yɨ rɨfetɨ bə̂d Kristo te sambe.”

Ɨnû 1:20 ပူးပေါင်းရင်းမြစ်များ

Matìyò 13:11

Wì ya ywìtì gha, “Aton ya gha, Ŋwiye fə nàʼ iwe inən ni kyeri inug ne yaʼi inə̀mbi imbə̀ʼ anug ìfɔ̀n ikaŋ. Àsi abə mbin tì bəd, chəyi wi nàʼi iwe we inɔb.

Lk 8:10

Wì ya ywìtì inɔb gha, “Ŋwiye fə fìʼì àzən atog ni kyeri inug imbə̀ʼ anug ìfɔ̀n ikaŋ. Àsi abə mbin tì bəd, mə ya ghàmà yaʼ ìngam məgri inɔb. Anìŋ ya ni ghì gha, ‹Mbi biri nèn, chəyi mbi biri bàd. Mbi biri bə zug, chəyi mbi biri bə kyeri.›

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

Ɨnû 1:11

“Ŋwàʼra inug mbe ne àghò we bàrà inga àŋwàʼrì. Àghò ŋwaʼra inug mbe chà abə tifeti bəd Kristo te ìsàmbe ne yaʼi a Efesùs, tì Sìmayinà, tì Pègamùm, tì Tìyàtirà, tì Sadìs, tì Fìlàdefìyà fɔrɔ Làwùdisìyà.”

Ɨnû 1:16

Wì ya nyimi titəm iməg ìsàmbe inga àzi abo jəghi. Ibeg ibid ne tɔ iba ijìm ya dù ibo inga ichug. Ìfe məd yaya zùʼə kwàʼ icheg ne nyùmə̀ we zùʼə ane àngɔŋ tisi.

Ɨnû 1:4

À ya mo Jɔn ŋwàʼri àŋwàʼrì azo̰ abə tifeti bəd Kristo te ìsàmbe ne yaʼi inga aba aben ze a Esìyà. Məd we ne yaʼi amad anìŋ, ne ya bi yaʼ, ne biri ywìri yèʼe, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Izwighi mbe ìsàmbe ne yaʼi imbìghè atən ifɔn məd mbe bə ghì ìchɔ̀mì inən bə̀ ghì mbə̀ chughi ane àbɔrɔ̀bɔd.

Ɨnû 17:5

Mbi ya ŋwàʼrì ikum mɔ̀ʼɔ igun akəŋi isi məd ne chəyi wə̀d mɔ̀ʼɔ kyeri aton. Aton ane ikum we ya gha, “Babilɔ̀n kyen, ngɔb ìkwàrì ijìm tì ngɔb inug tibɔ̀ŋ yeti yeti mbe ne yaʼi igun isəg.”

Ɨnû 17:7

Angirə̀ we ya biri inum gha, “Àghò kə yète aghə? Mə biri ghà anug ze ne yaʼi inə̀mbi imbə̀ʼ àyi gho̰ ine. Mə biri bə ghà anug imbə̀ʼ nyam kyen ze ne məd we kɔ̀ʼɔ, ne beri itog ìsàmbe tì ndɔŋ ìghum.

Ɨnû 2:1

Anɔŋisəg ya ghà inum gha, “Ŋwàʼra abə angirə̀ we ne kyèʼè ifeti bəd Kristo we a Efesùs gha: ‹Wə̀d we ne nyìmi titəm iməg te ìsàmbe inga àzi abo jəghi, ne wì ya yḛ̀ inga itən inam mbe ìsàmbe ne mbi tangi ane gol, wè gha,

Ɨnû 2:12

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Pègamùm gha, ‹Ìngam gho̰ nɔ̀ʼ abə wə̀d we ne beri ibeg ibid we ne tɔ iba ijìm.

Ɨnû 2:18

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Tìyàtirà gha, ‹Ìngam gho̰ nɔ̀ʼ abə Ŋwan Ŋwiye we ne aghə məd ze bère icheg inemi iywid, ne tikye ighog məd te zùʼə icheg atə̰ brons ne mbe taŋ tòn.

Ɨnû 2:5

Ane, kɔndi icheg ne àghò ya bi yaʼ bɔŋ se bə̀ndə̀ anjìm! Bə̀ŋə ìze fìŋ se ywìrè ghìyə̀ inug mbe ne àghò yaya bè ghìyə̀ a mbègtog. Àghò mə ton awe ni kɔpɔ, mə biri yeʼe ine, pè chì atən anam ze ne àghò we nɔ̀ŋɔ̀ àze anam igun.

Ɨnû 2:8

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Sìmayinà gha, ‹Ìngam gho̰ nɔ̀ʼ abə wə̀d mbègtog ne bə̀ yaʼ wə̀d ne si nwḭ̀yḛ̀, ne ya ku ywìrì zwème ane iwu.

Ɨnû 3:1

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Sadìs gha, ‹Ìngam gho̰ nɔ̀ʼ abə wə̀d we ne nyìme izwighi Ŋwiye mbe ìsàmbe bə̀ nyìme titəm iməg te ìsàmbe. Mə kyèri inug mbe ne àghò we ghìyə̀; mə kyèri gha àghò we ghìyə̀ icheg ni gha àghò we kiri biri izɔm, si ya gha, àghò fə ku.

Ɨnû 3:14

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼrè ifeti bəd Kristo we a Làwùdisìyà gha, ‹Ìngam gho̰ nɔ̀ʼ abə wə̀d we ne ikum məd ya À ya ane. Məd ya ghàmà tesiʼ. Məd ya bə̀ ghìyə̀ inug mbe ne wì gha. Ŋwiye ya chè anjìm məd tàngi ighi ijìm.

Ɨnû 3:7

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Fìlàdefìyà gha, ‹Ìngam gho̰ nɔ̀ʼ abə wə̀d ìzḛzḛ we ne yaʼi tesiʼ. Məd bèrì afiʼì ze ne yaʼi àzi ifɔn Dèvid. Wì mə fìʼì nəb, chəyi wə̀d ne tì wì wùbì. Wì mə wùbì nəb, chəyi wə̀d ne tì wì fiʼì.