Ɨnû 1:2 - Ikan feg

² Jɔn fə ŋwàʼrì inug ijìm mbe ne wì ya bàri ne ya inug imbə̀ʼ Ìngam Ŋwiye tì inug imbə̀ʼ Yeso Kristo.

Meta’

² Jɔ̌n fə ghà ɨnû jìm mbe nɨ wɨ̀ nyaʼa zə, əne yɨ ɨnû ɨmbə̀ʼ ɨŋgam Ŋwiə̀ mbɨ ɨnû ɨmbə̀ʼ ə Yeso Kristo.

Ɨnû 1:2 ပူးပေါင်းရင်းမြစ်များ

Jn 1:32

Jɔn ya ghà anug ne wì ya bàri imbə̀ʼ aməd gha, “Mə ya bàd Azwighi Ŋwiye ne ze ya swiʼi ikaŋ àbɔ̀ŋɔ icheg bupə pè nàŋa igun məd.

Jn 12:17

Inɔ̰ bəd we ne ya yaʼi tì məd anyumə̀ ne wì ya kàri Lazarɔ̀s inga iseg, zwemni aməd ane iwu, mbi ya chè imbìghè ni chètì anug ne ya du.

Jn 19:35

Wə̀d ne ya bàri anug azo̰ fə ghà àzewən ni ghì gha mbə̀ bə bḛ. Məd zìye fə kyeri yi gha, anug ze ne wì ya ghà ya tesiʼ.

Jn 21:24

Aŋa ya àmə̀nənùg we ne ya gha inug mbo̰ ijìm. À ya məd bə ŋwàʼrì inug mbo̰. Ane, tè kyèri gha anug ne wì gha ya tesiʼ.

Jn 3:11

Mə ghà tesiʼ ine gha, tì ya ghà inug ne tì kyeri bə̀ ghà inug ne tì bari, si ya gha, chəyi mbə̰ bəd ne chwìte inug mbe kə̀bə̀ ni bḛ inug ne te ghà.

Ɨ̀fàʼì 22:15

Wì ghì ane imbə̀ʼ icheg ne àghò biri se ghà inug ijìm mbe ne àghò fə bàri bə̀ zug imbə̀ʼ aməd abə bəd məjìm.

Ɨ̀fàʼì 26:16

Nɔ̀ʼɔ təm titighe. Mə fə dù ìmə ìfe ine, ni chɔʼ awe gha àghò yaʼ ìmə wə̀d àfàʼì. Àghò biri se chètè inug mbe ne àghò bàri imbə̀ʼ amə bə̀ chètè inug mbe ne mə̀ biri chwi ine.

Ɨ̀fàʼì 4:20

Mbə̀ kyeri gha chəyi tì biri ton ni chètì anug ne tì bari bə̀ zug.”

1 Kɔrèn 1:6

Anìŋ ya ni chwi gha inug ijìm mbe ne mə̀ ya gha inən imbə̀ʼ Kristo, mbə fə zug bə̀ bḛ kwàʼ icheg chɔm.

1 Kɔrèn 2:1

Ìmbum məfi fɔrɔ ìtum njàbi, anyumə̀ ne mə̀ ya yeʼe ni ghàm inug mbe ne yaʼi inə̀mbi imbə̀ʼ Ŋwiye inən, chəyi mə̀ ya ghàmi inug mbe ane tìngam kyen kyen kə̀ ane iwe kyen.

1 Jɔn 1:1

Tì ya ŋwàʼrà àŋwàʼrì azo̰ inən anìŋ ni ghà inug imbə̀ʼ Ìngam we ne ghìyə̀ bəd jəghə ìtḛ̀. À ya Ìngam we ne ya yaʼi bɔŋ Ŋwiye ya se tànga isəg. Tì ya zug inug kwàʼ ibo ichug anyumə̀ ne wì yaya ghàmà ina. Tì ya bàd aməd kwàʼ mba mba. Tì ya taŋ nèn aməd. Tì ya bə̀ bètì aməd kwàʼ ane ìmba ibo.

1 Jɔn 4:14

Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.

3 Jɔn 1:12

Si ya gha, bəd Kristo məjìm mbe ghà inug chɔm imbə̀ʼ Dèmitrùs. Məd we ghìyə̀ inug kwàʼ icheg ne Àŋwàʼrì Ŋwiye chwi. Mə kyèri gha məd ya wə̀d inug chɔm. Mbə̰ inən bə̀ kyèri gha, anug ne mba mbe ghà imbə̀ʼ aməd ya tesiʼ.

Ɨnû 1:11

“Ŋwàʼra inug mbe ne àghò we bàrà inga àŋwàʼrì. Àghò ŋwaʼra inug mbe chà abə tifeti bəd Kristo te ìsàmbe ne yaʼi a Efesùs, tì Sìmayinà, tì Pègamùm, tì Tìyàtirà, tì Sadìs, tì Fìlàdefìyà fɔrɔ Làwùdisìyà.”

Ɨnû 1:19

Ane, ŋwàʼra inug ijìm mbe ne àghò fə bàri. À ya inug mbe ne yaʼi amad anìŋ tì inug mbe ne biri si dù anjìm.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.

Ɨnû 12:11

Mbɔb fə màʼ ibid chè aməd anjìm iwu Ŋwan njə̀g bə̀ fɔrɔ anjìm ikən chɔm we ne mbɔb yaya ghà. Chəyi mbi yaya bɔ iwu, ka ya bè anyumə̀ ne mbi yaya kə̀bə̀ ni zweti awɔb.

Ɨnû 12:17

Tìsɔ̀ʼ jo ze ya gaŋ abɔ̀ʼ àyi we. Ane, zì ya ghò ko ni màʼ ibid tì bɔn ne si bùʼ abə àyi we. Bɔn mbe ya bəd mbe ne nɔ̀ŋɔ̀ mə̀nɔ̀ʼɔ̀ Ŋwiye bə̀ nyìme tesiʼ imbə̀ʼ Yeso kwàʼ icheg chɔm. [

Ɨnû 20:4

Mə ya bàd itən ifɔn ne bəd mbe ne mbi ya nàʼi ika inɔb ni saʼ bəd ya chughi igun. Mə ya bə̀ bàd bəd mbe ne mbi ya sɔpi ìmbɔb itog imbə̀ʼ icheg ne mbɔb mbe bḛ Yeso fɔrɔ imbə̀ʼ icheg ne mbɔb mbe ghàmà Ìngam Ŋwiye. Chəyi bəd mbo̰ ya ghumni nyam kyen ze kə̀ ghumni aghi-ŋwiye məd. Chəyi mbi ya bə̀ niŋ aneni aməd igun ìmbɔb ikəŋi isi kə̀ igun ìmbɔb ibo. Mbi ya zweme ane iwu bə̀ tùmbì iben tì Kristo ane tituʼ chuʼ ifibì.

Ɨnû 22:21

Anɔŋisəg Yeso ghiyə ìchɔ̀mì abə bəd Ŋwiye məjìm. À ya ane.

Ɨnû 6:9

Anyumə̀ ne wì ya fìʼì afeni ìnen ne pè ane ità̰, mə̀ ya nèn aton ikwijə̀ŋ àfàtì, bàd izwighi abə bəd mbe ne mbi ya zweti awɔb anjìm icheg ne mbi yaya chètè Ìngam Ŋwiye fɔrɔ anjìm icheg ne mbɔb ya nyimi anug ni chètì Ìngam Ŋwiye kwàʼ icheg chɔm.