Ɨnû 1:18 - Ikan feg

¹⁸ Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.

Meta’

¹⁸ Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.

Ɨnû 1:18 ပူးပေါင်းရင်းမြစ်များ

Matìyò 11:23

Àsi awe, àghò Kàpenàwum, mbi wa biri nɔ̀rì awe ikaŋ? Indèʼ ka, mbi biri swi awe màʼ inga aben iwu bəd. À ya ane imbə̀ʼ icheg ne iyeti inug mbe ne mə̀ ya ghi inən kə mə̀ ya ghi a Sodòm, nji aben Sodòm kiri biri pè tèchɔ̀ŋ!

Matìyò 16:19

Mə biri nàʼ afiʼì anug ìfɔ̀n ikaŋ ine. Anug ne àghò to̰ igun isəg, Ŋwiye biri bə ton ikaŋ àbɔ̀ŋɔ. Anug ne àghò bḛ igun isəg, Ŋwiye biri bə bḛ ikaŋ àbɔ̀ŋɔ”.

Lk 24:5

Mbi ya binde se bɔ, si gùndi itog aseg. Bəd mbe ya ghà inɔb gha, “Aton ne mbə̰ mbe kə̀bə̀ wə̀d zɔm inga iwu bəd àkə gha?

Jn 11:25

Yeso ya ghà ibo gha, “Mo ya wə̀d we ne zwèmne bəd iwu bə̀ nàʼà ìtḛ̀ abə bəd. Wə̀d ne nɔŋi ibḛfiŋ igun inum biri yaʼ izɔm, ka wi ku.”

Jn 14:19

Àsi bùʼ məyi ikə nyumə̀ ne chəyi bəd igun isəg biri ywiri bàd amə. Si ya gha, mbə̰ biri bàd amə. Icheg ne mə̀ yaʼi izɔm, à ya bə̀ icheg ne mbə biri yaʼ izɔm.

Rm 6:9

Icheg ne tì kyeri gha, Ŋwiye ya ghì Kristo zwème, chəyi wì biri ywiri ku ighəm ndəŋ. Chəyi iwu bə ywìrì bèrì ika igun məd.

2 Kɔrèn 13:4

Tesiʼ ya gha, mbi ya kɔ̀mbì aməd igun azed abaʼri ane wì ya bɔri, si ya gha, ika Ŋwiye ya nàʼ ìtḛ̀ ibo. Icheg ne tì yaʼi ane ifɔti tì Kristo, tì we bə̀ bɔ̀rɔ. Si ya gha, Ŋwiye we nàʼà ika ina ni yaʼ izɔm abɔ̀ʼ məd imbə̀ʼ fàʼ inən

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Kòlosè 3:3

Mbə̀ nɔŋɔ ikɔndi ane imbə̀ʼ icheg ne mbə̰ ya fə ku abə ighi igun isəg. Si ya gha, Ŋwiye fə nə̀m ìwən ìtḛ̀ ikye abo abə Kristo.

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 7:16

Məd ya wə̀d mbàn Ŋwiye anjìm ika we ne yaʼi inga ìtḛ̀ ne chəyi tì aghi mɔ̀ʼɔ nimni. Məd kayi wə̀d mbàn icheg ne mə̀nɔ̀ʼɔ̀ Muse chwi.

Mə̀Hibrù 7:25

Ane, Yeso we tì wì pùmni bəd mbe ne yeʼe abə Ŋwiye anjìm məd mà nyumə̀ ijìm imbə̀ʼ icheg ne məd we dèghè abə Ŋwiye atog inɔb.

Ɨnû 10:6

Wì ya nɔ̰ abo ikaŋ ane, bḛ zɔ̀m gha, “Chəyi mbi biri ywìri chìkì nyumə̀.” Wì ya ghàm ane ane ikum Ŋwiye we ne yaʼi izɔm kwàʼ ane ighə̀m imɔʼ, ne ya tangi ikaŋ fɔrɔ ìseg bə̀ tàngi igyi tìbà bə̀ tàngi ighi ijìm mbe ne yaʼi inga isiŋi mbo̰ ijìm.

Ɨnû 15:7

Ane, aghi azɔm mɔ̀ʼɔ abɔ̀ʼ ighi izɔm mbe ikwè ya nàʼ ikaŋ gol ìsàmbe abə mbè angirə̀ mbe ìsàmbe. Aghi ne ya sweghi inga ikaŋ mbe ya agaŋ Ŋwiye we ne yaʼi izɔm kwàʼ ane ighə̀m imɔʼ.

Ɨnû 2:8

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Sìmayinà gha, ‹Ìngam gho̰ nɔ̀ʼ abə wə̀d mbègtog ne bə̀ yaʼ wə̀d ne si nwḭ̀yḛ̀, ne ya ku ywìrì zwème ane iwu.

Ɨnû 20:13

Bəd mbe ne ya ku inga igyi tìbà ya zweme ane iwu. Iwu fɔrɔ aben iwu bəd ya sàŋì iwu bəd mbe ne ya yaʼi angu gha mbe zweme. Ŋwiye ya saʼ wə̀d imɔʼ imɔʼ icheg ne ìtɔb tìghinùg ya chwi.

Ɨnû 20:14

Ane, mbi ya màʼ iwu fɔrɔ aben iwu bəd inga atəŋ iywid kyen. Atəŋ iywid kyen ze ya iwu we ne pè ane ibe.

Ɨnû 3:7

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Fìlàdefìyà gha, ‹Ìngam gho̰ nɔ̀ʼ abə wə̀d ìzḛzḛ we ne yaʼi tesiʼ. Məd bèrì afiʼì ze ne yaʼi àzi ifɔn Dèvid. Wì mə fìʼì nəb, chəyi wə̀d ne tì wì wùbì. Wì mə wùbì nəb, chəyi wə̀d ne tì wì fiʼì.

Ɨnû 4:9

Ighəm ijìm, ighi izɔm mbo̰ ikwè ya zə̀ʼə̀ ikyeg ghùmnə wə̀d we ne chughi igun atən ifɔn ze bə̀ nàʼà məyakà ibo, məd we ne yaʼi izɔm kwàʼ ane ighə̀m imɔʼ.

Ɨnû 5:14

Ighi izɔm mbe ikwè ya ywìtì gha, “À ya ane!” Itog bəd mbe ya gundi aseg ghùmni Ŋwiye bə̀ ghùmni Ŋwan njə̀g.

Ɨnû 6:8

Mə ya nèn bàd nyam mə̀kara ne ika̰ nyàmnyɔd məd yaʼi icheg agyen zu. Ikum wə̀d we ne ya yaʼi igun nyam mə̀kara ze ya Iwu. Aben iwu bəd ya bə̀ bèni kwàʼ ibo anjìm. Mbi ya nàʼ ika inɔb gha mbe zweti aba bəd amɔʼ inga iba ikwè ane bəd ne yaʼi igun isəg. Mbɔb biri zweti bəd mbo̰ ane ibeg ibid, tì nyumə̀ njèg, tì ngəʼ ka ka, fɔrɔ ane nyam tɔ tɔ te ne yaʼi igun isəg.

Ɨnû 9:1

Angirə̀ we ne pè ane ità̰ ya fə ìzi tì tàŋ. Mə ya bàd fitəm-məg ne fi fḛ igun isəg. Mbi ya nàʼ afiʼì ane ibighi kyen we ne chəyi ìnwḭ abə fitəm-məg fe.