Ɨnû 1:16 - Ikan feg

¹⁶ Wì ya nyimi titəm iməg ìsàmbe inga àzi abo jəghi. Ibeg ibid ne tɔ iba ijìm ya dù ibo inga ichug. Ìfe məd yaya zùʼə kwàʼ icheg ne nyùmə̀ we zùʼə ane àngɔŋ tisi.

Meta’

¹⁶ Wɨ̀ nyaʼa yim rɨtəmɨ sambe ɨŋga e əbɔ ə jɨgɨ. Ɨbi bid ɨba jìm nɨ nyaʼə tɔə wɨə nyaʼə jwɨ̀ rɨŋga ɨchû məd. Ɨfě məd wɨə nyaʼə te ɨchî nɨ nyùmə̀ ə teə kwàʼ rɨkǎ.

Ɨnû 1:16 ပူးပေါင်းရင်းမြစ်များ

Matìyò 17:2

Anyumə̀ ne mbɔb ya pe angu, məd ya bə̀ŋə̀ inɔb imbìghè. Ìfe məd yaya se zùʼə kwàʼ icheg nyùmə̀. Ndwi məd yaya bə̀ se njàndi njandi.

Ɨ̀fàʼì 26:13

Mbè, à yaya àngɔŋ tisi aneg ze ne mə̀ yaya ghò, ne mə̀ ya bàri ìzḛzḛ ne ya nɔ̀ʼi ikaŋ ne ya zuʼi chè nyùmə̀. Ìzḛzḛ we ya zuʼ kad mə bə̀ kad mbaŋà te ne ya yaʼi abɔ̀ʼ inum.

Efesùs 6:17

Mbə̀ niŋ icheg ne Ŋwiye fə pumni awən ze yaʼ icheg aghi atog atə̰ ne kə̀ndə atog. Mbə̀ bə nyìmi Ìngam Ŋwiye icheg ibeg ibid ne Azwighi Ŋwiye ze nàʼà.

Mə̀Hibrù 4:12

Aton ya gha, Ìngam Ŋwiye bèrì ika ni fàʼ inug mbe ne Ŋwiye we kə̀bə̀. Ìngam Ŋwiye bèrì ika. Wi ya bə̀ tɔ iba ijìm icheg ibeg ibid. Wi ya mə̀ zùm wə̀d, wì ya ghàpà nyàmnyɔd tì azwighi bə̀ ghàpà iwu tì isɔŋ. Wi bə̀ taŋ bèrì ika ni kyeri inug mbe ne bəd mbe kɔ̀ndɔ bə̀ kyèri inug mbe ne yaʼi inga fìŋ abə bəd.

Ɨnû 1:20

Anug ze ne yaʼi inə̀mbi imbə̀ʼ titəm iməg te ìsàmbe ne àghò bàri inga àmə abo jəghi bə̀ fɔrɔ imbə̀ʼ ìtən inam mbe ìsàmbe ne mbi tangi ane gol ya gha: Titəm-məg te ìsàmbe ya mbè angirə̀ mbe ne kyèʼè tifeti bəd Kristo te ìsàmbe. Itən inam mbe ìsàmbe ya tifeti bəd Kristo te ìsàmbe.”

Ɨnû 10:1

Mə ya bàd angirə̀ ka ka ndəŋ ne swìʼe ikaŋ àbɔ̀ŋɔ. Pàʼ ya nib məd icheg ndwi màʼi ne wə̀d zi. Tènàbà ya bə̀ dù ikaŋ, chè kad atog ibo. Ìfe məd yaya zḛ kwàʼ icheg achwi. Ighog məd ya yaʼ icheg inemi iywid ne temi kwàʼ icheg ìte.

Ɨnû 12:1

Iyeti inug ne che ibo ya dù ikaŋ àbɔ̀ŋɔ. Àyi mɔ̀ʼɔ ya yaʼ angu ne ya zi nyùmə̀ ane ìzi ndwi. Wì ya nɔ̀ŋì ìmbi ighog igun iməg bə̀ zì aghi atog ifɔn ne beri titəm iməg ìghum chɔ̀b ibe.

Ɨnû 19:15

Ibeg ibid tɔ tɔ ya dù ibo inga ichug. À ya ibeg ibid ne wì biri niŋ màʼ ibid chè iben ijìm angu. Wì biri tùmbì awɔb ane ika ijìm. Wì biri mḭ̀ titam vayìn inga asiŋi ze ne mbe mḭ̀yḛ̀ mənoʼ. Àzo̰ ya chwìye icheg ne Ŋwiyekɔʼ we taŋ gàŋa.

Ɨnû 19:21

Anyumə̀ ne mbi ya ghi ane, wə̀d we ne kɔʼi nyam mə̀kara ze ya zweti məfɔn məjìm igun isəg bə̀ zwèti ìmbɔb mə̀sogyì məjìm ane ibeg ibid we ne dùwə̀ ibo inga ichug. Tìnən te tijìm ya kud nyàmnyɔd iwu bəd mbe ìtɔb tibum sweg.

Ɨnû 2:1

Anɔŋisəg ya ghà inum gha, “Ŋwàʼra abə angirə̀ we ne kyèʼè ifeti bəd Kristo we a Efesùs gha: ‹Wə̀d we ne nyìmi titəm iməg te ìsàmbe inga àzi abo jəghi, ne wì ya yḛ̀ inga itən inam mbe ìsàmbe ne mbi tangi ane gol, wè gha,

Ɨnû 2:12

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Pègamùm gha, ‹Ìngam gho̰ nɔ̀ʼ abə wə̀d we ne beri ibeg ibid we ne tɔ iba ijìm.

Ɨnû 2:16

Ane, bəŋi ìze fìŋ! Àghò mə ton awe ni bə̀ŋə̀, mə biri zàmbì yèʼe ine pè zɔ̀ŋ tì inɔb ane ibeg ibid we ne yaʼi inga ìmə ichug.

Ɨnû 3:1

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Sadìs gha, ‹Ìngam gho̰ nɔ̀ʼ abə wə̀d we ne nyìme izwighi Ŋwiye mbe ìsàmbe bə̀ nyìme titəm iməg te ìsàmbe. Mə kyèri inug mbe ne àghò we ghìyə̀; mə kyèri gha àghò we ghìyə̀ icheg ni gha àghò we kiri biri izɔm, si ya gha, àghò fə ku.