Ɨ̀fàʼì 9:36 - Ikan feg

³⁶ Anyumə̀ we ne Pità ya yaʼi a Lidà, àyi mɔ̀ʼɔ ne ya bḛ Kristo yaya chùghə a Jopà. Ikum məd ya Tàbità. Ikum məd ane ìngam Grig ya Dòkas. Wì yaya ghìyə̀ inug chɔm bə̀ wètè bəd ne chəyi àzɔb.

Meta’

³⁶ À nyaʼa ənɨ ə nyùmə̀ we, əyi mɔʼɔ nɨ nyaʼa ben ə Kristo wɨə nyaʼə chub ə Jopà. Ɨkum məd yɨə nyaʼə Tabità. Ɨkum məd ənɨ ɨŋgam Grik yɨə Dokàs. Ɨ wɨə nyaʼə ghɨ̀ ɨnû chɔ̀m. Ɨ wɨə nyaʼə bə̀ wèèrɨ̀ə̀ bə̂d ɨkwaŋ.

Ɨ̀fàʼì 9:36 ပူးပေါင်းရင်းမြစ်များ

Matìyò 25:17

À ya bə̀ ane ne wə̀d àfàʼì we ne ya niŋi ìbàn ikab gol ibe ya bə̀ ghò ghì iywin, bə̀ jəg njìm ìbàn ndəŋ ibe.

Jn 15:5

Mo ya azed vayìn. Mbə̰ ya tìtab. Mbə̰ mə̀ chùghi ane anug amɔʼ tì inum icheg ne mə bə yaʼ ane anug amɔʼ tì inən, mbə biri ya ko titam kwàʼ ti ndan ndàn. Àmə chəyi mo, chəyi aghi mɔ̀ʼɔ ne tì mbə̰ ghì.

Jn 15:8

Mbə mə̀ ya ko titam ndan ndàn ne chwìye gha mbə̰ ya ìmbum mə̀mə̀nənùg, ìmə Mbaʼ ya nìŋə ighumni.

Ɨ̀fàʼì 10:23

Pità ya zug ane, niŋ mbaŋà te mbɔb fɔrɔ neg. Àsi isu abɔ̀ʼ, Pità ya nɔ̀ʼ ghò abɔ̀ʼ inɔb. Bəd mɔ̀ʼɔ abɔ̀ʼ bəd mbe ne ya bḛ Kristo a Jopà ya ghò tì Pità.

Ɨ̀fàʼì 10:31

Wì ya təm inum imbìghè ghà inum gha, ‹Kònilìyùs! Ŋwiye fə zug àze àdìghì. Wì fə bə̀ bàd ighi mbe ne àghò we nàʼà abə bəd ne chəyi àzɔb.

Ɨ̀fàʼì 10:8

Wì ya mə̀tì inug ne ya dù tì məd inɔb, si tɔm awɔb a Jopà gha mbe gho kàra Pità.

Ɨ̀fàʼì 11:13

Wə̀d we ya mə̀tì icheg ne wì ya bàri angirə̀ Ŋwiye ne ya du ibo imbìghè, ibo inga nəb, si ghà ibo gha, ‹Tɔm bəd mbe gho a Jopà, ghò gha abə Sayimùn we ne mbe kàrà ane Pità gha wì yeʼe.

Ɨ̀fàʼì 11:5

Wì ya ghà inɔb gha, “Mə ya yaʼ amə ikye aben Jopà chàʼrà Ŋwiye. Iki anatì ngwḛ mɔ̀ʼɔ ya chìŋ amə. Mə ya si bàd anatì njə̀m ne chwi aghi mɔ̀ʼɔ icheg abo ndwi kyen. Abo ndwi ze yaya swìʼè tikaŋ àbɔ̀ŋɔ icheg ni gha mbe nyìmi ane tibɔg tikwè. Ze ya swiʼi yèʼe pè təm inum imbìghè.

Ɨ̀fàʼì 9:38

Lidà ya asiŋi ne yaʼi iban Jopà. Anyumə̀ ne bəd mbe ne ya bḛ Kristo ya zughi gha Pità we a Lidà, mbi ya tɔm mbaŋà mɔ̀ʼɔ tibe gha mbe gho abə Pità, pè boʼ ibo gha, “Ìwa ifi, zàmba yèʼe ina a Jopà.”

Ɨ̀fàʼì 9:42

Bəd ya chètì anug ze inga isiŋi ijìm inga Jopà. Ane, bəd nɔʼ nɔʼ ya bḛ Anɔŋisəg.

Efesùs 2:10

Mba ya abo àfàʼì Ŋwiye ne wì ya tangi ni gha tì chughi ane ifɔti tì Yeso Kristo ni se ghìyə̀ inug chɔm mbe ne Ŋwiye ya fə bi chùʼri nɔ̀ŋì ina gha tì ghiyə.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

1 Tèsàlonikà 4:10

À ya tesiʼ gha mbə̰ mbe taŋ kɔ̀ŋɔ̀ ìmbən məfi məjìm fɔrɔ ìtən njàbi tijìm ne yaʼi inga isiŋi ijìm a Màsèdonìyà. Ìmba məfi fɔrɔ ìta njàbi, tì ya kiri boʼo ibo inən gha, mbə̀ che imbìghè se taŋ kɔ̀ŋɔ̀ ìmbən məfi fɔrɔ ìtən njàbi.

1 Timotì 5:10

Bəd bèrì ni kyeri aməd ane inug chɔm məd. Wì bèrì ni yaʼ àyi ne nḛ ìmbi bɔn icheg chɔm, àyi ne nìŋə bəd ibo inga achan, bə̀ yaʼ àyi ne sò ighog abə bəd Ŋwiye. Wì bèrì ni yaʼ àyi ne wète bəd mbe ne yaʼi inga ngəʼ, bə̀ yaʼ àyi ne nàʼà ìwi nyɔd ane anug ni ghì inug chɔm ane tiku inɔnjì ijìm.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Tayitùs 2:7

Àghò ine, ya ghìyə̀ yaʼ inug chɔm gha mbɔb bara, kɔ̀pi ìtɔb fìŋ. Àghò chwiti tesiʼ inɔb ane ìzi fìŋ ijìm.

Tayitùs 3:8

Aŋa ya ajiʼi anug ne tì beri ni niŋ. Mə kə̀b gha àghò gha inug mbo̰ abə bəd ywìrì kɔ̀mbì ni ghì gha bəd mbe ne bḛ Ŋwiye mbe we awɔb bə̀ ya ghìyə̀ inug chɔm. Inug mbo̰ ya inug chɔm bə̀ yaʼ inug ne biri weti bəd məjìm.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

Jems 1:27

Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.