Ɨ̀fàʼì 9:27 - Ikan feg

²⁷ Bànabàs ya niŋ Sɔl mbi ghò abɔ̀ʼ bədtɔm mbe, pè tòʼrì icheg ne Anɔŋisəg ya du ghàm abə Sɔl igun inɔnjì anyumə̀ ne wì yaya ghò a Dàmaskòs. Wì ya bə̀ mə̀tì icheg ne Sɔl yaya ghàmà Ìngam Ŋwiye a Dàmaskòs ane ikum Yeso kwàʼ ne chəyi we bɔ.

Meta’

²⁷ Banabàs nyaʼa nɨŋ ə Sɔ̂l mbɨ wo əsɨ bə̂d tom mbe, pè tòʼrɨ̀ ɨchî nɨ Sɔ̂l nyaʼa zə Ə̀nùŋɨ̀sɨg ɨnə̂njɨ̀, Ə̀nùŋɨ̀sɨg gham ɨ bɔ. Wɨ̀ nyaʼa bə̀ tòʼrɨ̀ ɨchî nɨ Sɔ̂l nyaʼə ghà ɨŋgam Ŋwiə̀ ə Dàmaskɔ̀s ənɨ ɨkum Yeso ənɨ fîŋ nɨ kǎ.

Ɨ̀fàʼì 9:27 ပူးပေါင်းရင်းမြစ်များ

Ɨ̀fàʼì 11:22

Bəd Kristo mbe a Jèrusalèm ya zug icheg ne bəd a Antìyɔ̀g fə bḛ ikən chɔm bə̀ nɔ̀ŋì fìŋ igun Anɔŋisəg. Ane, mbi ya chà Bànabàs a Antìyɔ̀g.

Ɨ̀fàʼì 11:25

Bànabàs ya si nɔ̀ʼ ghò a Tasɔ̀s ni kə̀b Sɔl.

Ɨ̀fàʼì 12:25

Anyumə̀ ne Bànabàs tì Sɔl ya màni àfàʼì ze ne mbi ya cha awɔb gha mbe gho fàʼ a Jèrusalèm, mbi ya bə̀ndì ghò a Antìyɔ̀g. Anyumə̀ ne mbi yaya bə̀ndə̀, mbi ya niŋ Jɔn Mag ghò tì məd.

Ɨ̀fàʼì 13:2

Anyumə̀ ne mbi yaya ghùmnə Anɔŋisəg bə̀ chùghə njèg bə̀ chàʼrà Ŋwiye, Azwighi Ŋwiye ya ghà inɔb gha, “Mbə̀ chiye Bànabàs tì Sɔl icha, nɔ̀ŋì awɔb ane àfàʼì ze ne mə̀ kari awɔb gha mbe faʼa.”

Ɨ̀fàʼì 15:2

Ane, Pɔl tì Bànabàs ya gwì achɔb ka ka se tàŋà inug mbe tì bəd mbe. Achɔb ze ya ghì mbi chɔʼ Pɔl tì Bànabàs fɔrɔ bəd Kristo ndəŋ tɔm awɔb gha mbe kɔʼ ghò a Jèrusalèm ghò nwèndi anug ze abə bədtɔm Kristo fɔrɔ abə itog bəd inga ifeti bəd Kristo.

Ɨ̀fàʼì 4:13

Anyumə̀ ne mbi ya bàri icheg ne Pità tì Jɔn mbe ghàmà ne chəyi mbe bɔ, bə̀ kyèri gha mbɔb ya inati bəd ne chəyi mbi nyi àŋwàʼrì, anug ya chè awɔb. Itog bəd mbo̰ ya bə̀ kyèri gha Pità tì Jɔn ya kweʼì yaʼ abɔ̀ʼ Yeso.

Ɨ̀fàʼì 4:29

Àghò, Anɔŋisəg, nḛ icheg ne mbe sìbè awa, si nàʼ ika abə ìmbe bəd àfàʼì mbe chete ìwe ìngam ne chəyi mbe bɔ.

Ɨ̀fàʼì 4:36

Jòseb ne ya ŋwan inga inəbi Levì ya wə̀d mɔ̀ʼɔ abɔ̀ʼ bəd mbe ne ya bḛ Kristo. Məd ya nɔ̀ʼ a Sayiprùs. Bədtɔm Kristo ya chùb ikum məd ane Bànabàs. (Ikum gho̰ ya ni gha, ŋwan ne nə̀rə fìŋ abə bəd.)

Ɨ̀fàʼì 9:17

Ane, Ànàniyàs ya ghò nyi inga nəb ze, pè nɔ̀ŋì ìmbi ibo igun Sɔl, si ghà ibo gha, “Sɔl, ìmə ifi, Anɔŋisəg Yeso we ne du ghàm ine inɔnjì icheg ne àghò we kə̀ yèʼe aŋa, wì fə chà amə ine ni ghì gha àghò ywirì bàd isiŋi, Azwighi Ŋwiye bə yèʼe igun ine.”

Ɨ̀fàʼì 9:29

Wì yaya ghàmà ane, tàŋà inug inga Ìngam Ŋwiye tì mə̀Ju mbe ne yaya ghàmà Grig. Si ya gha, mbi yaya kə̀bə̀ yaʼ ni zweti aməd.

1 Kɔrèn 15:8

Wì ya bə̀ si nwḭ̀yḛ̀ dù ìwi ìfe inum. Mo ya icheg wə̀d ne mbi ya gwi waʼ nyumə̀.

1 Kɔrèn 9:6

Kə̀ àkə məyi mo tì Bànabàs ne beri ni fàʼ ane ìmba ibo bɔŋ se jə̀ghə?

Gàlesìyà 2:13

Anyumə̀ ne Pità ya fùbri inug ane, mə̀Ju ndəŋ ne ya zi ibḛfiŋ igun Kristo ya bə̀ bène abɔ̀ʼ məd se fùbrə̀ inug. Ka bèyi Bànabàs, wì ya bə̀ bène abɔ̀ʼ inɔb fùbrì inug, ane fèbè.

Gàlesìyà 2:9

Ane, anyumə̀ ne Jem tì Pità fɔrɔ Jɔn ne yaʼi bəd kyen kyen ne nyìme ifeti bəd Kristo ya bàri ìchɔ̀mì ne Ŋwiye ghi inum, mbi ya te abo ina, mo tì Bànabàs, ni chwi gha tì we ane anug amɔʼ tì inɔb. Mbɔb ya bḛ gha tì gho abə bəd mbe ne kayi mə̀Ju, mbɔb si ghò abə mə̀Ju.