Ɨ̀fàʼì 9:22 - Ikan feg

²² Tesiʼ ya gha, aziŋ ìngam ne Sɔl yaya ghàmà yaya kà ghò gho imbìghè. Wì ya kubi məchug abə mə̀Ju mbe ne yaya chùghə a Dàmaskòs icheg ne wì yaya tòʼrò inga Àŋwàʼrì Ŋwiye ze dùwə̀ zḛ gha Yeso ya Wə̀d we ne Ŋwiye zɔ̀ʼi.

Meta’

²² Àyɨə Sɔ̂l wɨə nyaʼə ghà ɨŋgam Ŋwiə̀ ənɨ ɨka. Wɨ̀ nyaʼa bə̀ kubrɨ mɨchû mɨ̀Jû mbe nɨ nyaʼə chub ə Dàmaskɔ̀s ɨchî nɨ wɨ̀ nyaʼa chwi ni Yeso yɨə Wə̀d we nɨ Ŋwiə̀ zɔʼɔ.

Ɨ̀fàʼì 9:22 ပူးပေါင်းရင်းမြစ်များ

Lk 21:15

Imbə̀ʼ mbə̰ nwìʼè awən nyɔd ane imbə̀ʼ icheg ne mə̀ biri nàʼ iwe fɔrɔ ìngam inən ne chəyi tì ìwən wə̀d ìpàb mɔ̀ʼɔ chè awən.

Ɨ̀fàʼì 17:3

Wì ya tòʼrì Ìngam Ŋwiye inɔb chwi icheg ne Wə̀d we ne Ŋwiye zɔ̀ʼi biri zə̰ ngəʼ, ku, Ŋwiye zwèmni aməd ane iwu. Pɔl ya chè imbìghè ni ghà inɔb gha, “Yeso gho̰ ne mə ghàmà inən imbə̀ʼ aməd anìŋ ya Wə̀d we ne Ŋwiye zɔ̀ʼi.”

Ɨ̀fàʼì 18:5

Anyumə̀ ne Sayilàs tì Timotì ya nɔ̀ʼi à Màsèdonìyà yèʼe a Kɔrèn, Pɔl ya si zì atog məyi ni ghàm Ìngam Ŋwiye bə̀ fɔrɔ ni tòʼrì abə mə̀Ju gha Yeso ya Wə̀d we ne Ŋwiye zɔ̀ʼi.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Ɨ̀fàʼì 9:20

Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

Ɨ̀fàʼì 9:21

Bəd məjìm mbe ne ya zughi anug ne wì yaya ghà, ya yeti se bìre gha, “Àkə kayi wə̀d we ne yaya nàʼà ngəʼ abə bəd mbe a Jèrusalèm ne kàrà ikum gho̰? Imbə̀ʼ wì yèʼe aŋa anìŋ ni gwìtì bəd mbe ne ghùmnə wə̀d we ne mbe kàrà ane Yeso? Wì biri gwìti kɔd, si niŋ ghò nàʼ abə itog bəd mbàn Ŋwiye.”

Ɨ̀fàʼì 9:23

Anyumə̀ ne inun ineg mɔ̀ʼɔ ya fə che, mə̀Ju nɔʼ nɔʼ ya taŋ mənaŋ gha mbe zweti Sɔl.

Ɨ̀fàʼì 9:27

Bànabàs ya niŋ Sɔl mbi ghò abɔ̀ʼ bədtɔm mbe, pè tòʼrì icheg ne Anɔŋisəg ya du ghàm abə Sɔl igun inɔnjì anyumə̀ ne wì yaya ghò a Dàmaskòs. Wì ya bə̀ mə̀tì icheg ne Sɔl yaya ghàmà Ìngam Ŋwiye a Dàmaskòs ane ikum Yeso kwàʼ ne chəyi we bɔ.

1 Kɔrèn 1:27

Si ya gha, Ŋwiye ya chɔʼ bəd mbe ne bəd igun isəg mbe nḛ̀ gha chəyi mbi beri iwe, ni ghì gha bəd mbe ne kɔ̀ndɔ gha mbɔb bèrì iwe, mbi si bèrì tìnìrètog. Ŋwiye ya bə̀ chɔʼ bəd mbe ne bəd igun isəg mbe nḛ̀ gha à ya ighi ako, ni ghì gha bəd mbe ne kɔ̀ndɔ gha mbɔb ya aghi mɔ̀ʼɔ, mbi si bèrì tìnìrètog.

Gàlesìyà 1:18

Anyumə̀ ne tituʼ titad ya che, mə̀ ya kɔʼ ghò a Jèrusalèm ni taŋ kyeri Pità. Mə ya pè chùghi tì məd ane ineg ìghum chɔ̀b ita̰.

Fìlipì 4:13

Tesiʼ ya gha, mə we tì mə fàʼ inug ijìm anjìm Kristo ne nàʼà ika inum.

1 Timotì 1:12

Mə nàʼ məyakà abə Yeso Kristo, ìwa Anɔŋisəg ne nàʼi ika inum. Wì ya niŋ gha mə kòʼ, chɔʼ amə gha mə̀ faʼa ibo.