Ɨ̀fàʼì 9:20 - Ikan feg

²⁰ Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

Meta’

²⁰ Wɨ̀ nyaʼa nɔ̀ʼ əwu əwən wò nyɨ ɨŋga nəb ə̀kàtɨ̀ ze rɨ əsɨ ze kɔ gha ɨŋgam Ŋwiə̀ ɨmbə̀ʼ ə Yeso. Ɨ wɨə nyaʼə ghàə̀ ni, “Yeso yɨə Wan Ŋwìə̀.”

Ɨ̀fàʼì 9:20 ပူးပေါင်းရင်းမြစ်များ

Matìyò 27:43

Məd nɔ̀ŋì fìŋ igun Ŋwiye, ane Ŋwiye mə kə̀b, wì pumni aməd kwàʼ tèchɔ̀ŋ icheg ne wì yaya gha zìye ya Ŋwan Ŋwiye.”

Matìyò 27:54

Anyumə̀ ne atog wə̀d igun mə̀sogyì tì mə̀sogyì mbe ne yaya kyèʼè Yeso ya bàri icheg ne ìseg yaya ghùrə̀ fɔrɔ inug ijìm mbe ne ya du, mbɔb ya binde, si kyen gha, “Kwàʼ tesiʼ, wə̀d gho̰ ya yaʼ Ŋwan Ŋwiye.”

Matìyò 4:3

Debrə̀ ya ghò ibo pè ghà ibo gha, “Àghò mə yaʼ Ŋwan Ŋwiye, ghàma abə iteg gho̰ we bəŋə ane ngə̀ŋ.”

Jn 1:49

Nàtanìyè ya kyen gha, “Àchwitìnùg! Àghò ya Ŋwan Ŋwiye! Àghò ya ifɔn mə̀Izre!”

Jn 19:7

Itog bəd mə̀Ju ya ywìtì gha, “Tè bèrì nɔ̀ʼɔ̀ ne chwìye gha, wì mənyìʼ ku imbə̀ʼ icheg ne wè gha zìye ya Ŋwan Ŋwiye.”

Jn 20:28

Tòmas ya si ghà ibo gha, “Ìmə Anɔŋisəg, ìmə Ŋwiye!”

Jn 20:31

Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.

Ɨ̀fàʼì 13:14

Mbi ya nɔ̀ʼ a Pegà ghò a Antìyɔ̀g we ne yaʼi inga aba aben ze a Pìsidìyà. Ane aneg àzwètì mə̀Ju ya pe, mbi ya ghò nyi inga ichamì Ŋwiye mə̀Ju chùghi aseg.

Ɨ̀fàʼì 13:33

wì fə ghì ze dù ane tesiʼ ina mba mbe ne yaʼi bɔn ane àzɔb aghaŋ inəbi. Wì fə ghì ane icheg ne wì zwèmne Yeso ane iwu. Ŋwiye ghà imbə̀ʼ Yeso inga Àŋwàʼrì mə̀Sam akwiri kyen kyen abe gha, ‹Àghò ya ìmə Ŋwan; tèchɔ̀ŋ, mo fə si ìwe Mbaʼ.›

Ɨ̀fàʼì 13:46

Anyumə̀ ne mbi ya gha ane, Pɔl tì Bànabàs ya ywìtì inɔb ane fìŋ ka ka gha, “Ze kə̀ kòʼ gha tì bi ghà Ìngam Ŋwiye gho̰ inən. Icheg ne mbə̀ to̰ awən ìngam gho̰ bə̀ niŋ ìwən nyɔd ane bəd ne chəyi mbi koʼi ni jəg ìtḛ̀ ighə̀m imɔʼ, tè fə sàŋì awən se ghò ni ghà abə bəd mbe ne kayi mə̀Ju.

Ɨ̀fàʼì 13:5

Anyumə̀ ne mbi ya pe a Sàlamìs, mbi ya ghàm Ìngam Ŋwiye inga məchamì Ŋwiye mə̀Ju. Mbi ya yaʼ angu tì Jɔn Mag ne yaya wètè awɔb.

Ɨ̀fàʼì 14:1

Pɔl tì Bànabàs ya ghò a Ìkonìyùm, chè ghò nyi inga ichamì Ŋwiye mə̀Ju we ne yaʼi angu icheg ne mbi yaya nḛ ghò. Mbi ya ghàm Ìngam Ŋwiye inga ichamì Ŋwiye we ane icheg ne ya ghì gha mə̀Ju nɔʼ nɔʼ tì bəd nɔʼ nɔʼ ne kayi mə̀Ju mbe bḛ Kristo.

Ɨ̀fàʼì 16:13

Igun aneg àzwètì mə̀Ju, tì ya dù inga ikye aben ghò iban igyi kyen imbə̀ʼ icheg ne tì ya kɔndi gha à ya asiŋi ne mə̀Ju mbe angu yaya ghò fète ni chàʼra Ŋwiye. Tì ya pè chùghi, si ko se mùghə̀ tì mə̀yi mbe ne ya fete angu.

Ɨ̀fàʼì 17:10

Àsi tizimi, bəd Tèsàlonikà mbe ne ya bḛ Kristo ya niŋ Pɔl tì Sayilàs chà a Bèriyà. Anyumə̀ ne mbi ya pè angu, mbi ya ghò inga ichamì Ŋwiye mə̀Ju.

Ɨ̀fàʼì 17:17

Ane, wì ya nɔ̀ʼ ghò inga ichamì Ŋwiye mə̀Ju. Wì ya pè se tòʼrò Ìngam Ŋwiye abə mə̀Ju fɔrɔ abə bəd mbe ne kayi mə̀Ju ne ghùmnə Ŋwiye, gha mbe taŋ kyèri anug ne we ghà. Ineg ijìm, məd yaya bə̀ ghò chùghə aseg inga isiŋi iywin tòʼrò Ìngam Ŋwiye abə bəd ne wì kɔ̀ti angu.

Ɨ̀fàʼì 17:2

Pɔl ya ghò nyi inga ichamì Ŋwiye we icheg ne wì yaya nḛ ghò aghəm ijìm. Wì yaya tòʼrò Ìngam Ŋwiye abə mə̀Ju mbe ne ya yaʼi angu igun ineg àzwètì mə̀Ju ane ìkàb itad.

Ɨ̀fàʼì 18:19

Anyumə̀ ne mbi ya pè à Efesùs, wì ya sàŋì Prìsilà tì Àkwilà angu. Wì ya ghò yi tèzìʼì ghò nyi inga ichamì Ŋwiye, pè ko se tòʼrò inug tì mə̀Ju.

Ɨ̀fàʼì 18:4

Wì yaya tòʼrò inug abə mə̀Ju inga ichamì Ŋwiye igun ineg àzwètì mə̀Ju ijìm. Wì ya ghì ane fìʼì itog abə mə̀Ju fɔrɔ abə bəd mbe ne ya bḛ Kristo ne mbɔb kayi mə̀Ju.

Ɨ̀fàʼì 19:8

Pɔl ya ghò nyi inga ichamì Ŋwiye se ghàmà abə bəd kwàʼ ane fìŋ ka ka. Wì yaya ghàmà ane ane aməg atad. Wì yaya tòʼrò inug mbi taŋ zḛ ghìyə̀ gha mbe kyeri gha anug ìfɔ̀n Ŋwiye ya anug tesiʼ.

Ɨ̀fàʼì 8:36

Icheg ne mbi yaya yḛ̀ ghò igun inɔnjì we, mbi ya pè ane asiŋi mɔ̀ʼɔ ne igyi ya yaʼi angu. Ane, wə̀d kyen we ya ghà abə Filip gha, “Nḛ! Mənib mbo̰. Aghi ne tì ze ghì gha imbə̀ʼ àghò naʼa awe mənib inum àkə aghə?” [

Ɨ̀fàʼì 8:37

Filip ya ghà ibo gha, “Àghò mə bḛ gha Yeso Kristo ya Ŋwan Ŋwiye, mə we tì mə nàʼ mənib ine.” Wə̀d kyen we ya ywìtì gha, “E! Mə bḛ gha Yeso Kristo ya Ŋwan Ŋwiye.”]

Ɨ̀fàʼì 9:22

Tesiʼ ya gha, aziŋ ìngam ne Sɔl yaya ghàmà yaya kà ghò gho imbìghè. Wì ya kubi məchug abə mə̀Ju mbe ne yaya chùghə a Dàmaskòs icheg ne wì yaya tòʼrò inga Àŋwàʼrì Ŋwiye ze dùwə̀ zḛ gha Yeso ya Wə̀d we ne Ŋwiye zɔ̀ʼi.

Rm 1:4

Si ya gha, ane icheg Azwighi ìzḛzḛ, Ŋwiye ya chwi gha Yeso Kristo Anɔŋisəg ya ìwi Ŋwan. Wì ya chwi ane icheg ne wì ya zwemni aməd ane iwu ane ika Azwighi məd.

Gàlesìyà 1:16

Wì ya taŋ kɔ̀ŋ, ghì mə̀ bàd Ŋwan məd kwàʼ ane àmə aghə. Wì ya ghì ane ni gha, mə̀ si ghò chètì ikən chɔm imbə̀ʼ Ŋwan məd we abə bəd ne kayi mə̀Ju. Ane, chəyi mə̀ ya biri anug imbə̀ʼ ikən chɔm gho̰ abə wə̀d mɔ̀ʼɔ ka.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Ɨnû 2:18

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼè ifeti bəd Kristo we a Tìyàtirà gha, ‹Ìngam gho̰ nɔ̀ʼ abə Ŋwan Ŋwiye we ne aghə məd ze bère icheg inemi iywid, ne tikye ighog məd te zùʼə icheg atə̰ brons ne mbe taŋ tòn.