Ɨ̀fàʼì 9:15 - Ikan feg

¹⁵ Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Meta’

¹⁵ Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Ɨ̀fàʼì 9:15 ပူးပေါင်းရင်းမြစ်များ

Matìyò 10:18

Mbi biri sùŋì awən ghò imbìghè abə mə̀gɔbnà fɔrɔ imbìghè abə məfɔn imbə̀ʼ amə. Àze biri ghì gha mbə̀ bere apan ni ghà ikən chɔm inɔb bə̀ fɔrɔ abə bəd mbe ne kayi mə̀Ju.

Jn 15:16

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Ɨ̀fàʼì 13:2

Anyumə̀ ne mbi yaya ghùmnə Anɔŋisəg bə̀ chùghə njèg bə̀ chàʼrà Ŋwiye, Azwighi Ŋwiye ya ghà inɔb gha, “Mbə̀ chiye Bànabàs tì Sɔl icha, nɔ̀ŋì awɔb ane àfàʼì ze ne mə̀ kari awɔb gha mbe faʼa.”

Ɨ̀fàʼì 21:19

Pɔl ya pè chàʼrì awɔb bə̀ mə̀tì inug mbe ne Ŋwiye che anjìm məd fàʼ abə bəd mbe ne kayi mə̀Ju.

Ɨ̀fàʼì 22:14

Wì ya si ghà inum gha, ‹Ŋwiye ìmba mə̀mbaʼ aneg fə chɔʼ awe gha àghò kyeri inug mbe ne wì kə̀bi, bə̀ ghì gha àghò bàd Wə̀d we ne təmi kòʼ. Wì fə bə̀ ghì gha àghò zug ìngam kwàʼ ibo ichug.

Ɨ̀fàʼì 22:21

Anɔŋisəg ya ghà inum gha, ‹Ndò imbə̀ʼ icheg ne mə̀ biri chà awe a sà agha abə bəd mbe ne kayi mə̀Ju.› ”

Ɨ̀fàʼì 25:22

Ifɔn Agripà ya ghà abə Gɔbnà Festùs gha, “Mə biri kɔ̀ŋ ni zug inug abə mbaŋà ze mo mo.” Gɔbnà Festùs ya ywìtì ibo gha, “Àghò biri zug inug məd ibo ichug isu.”

Ɨ̀fàʼì 26:1

Ifɔn Agripà ya ghà abə Pɔl gha, “Niŋ apan azo̰ gha inug mbe ne àghò beri ni ghà.” Anyumə̀ ne wì ya ghà ane, Pɔl ya təm titighe boʼ ibo, ko ghàm ni tàŋì ìwi nyɔd. Wì ya ghàm gha:

Ɨ̀fàʼì 26:32

Ifɔn Agripà ya ghà abə Gɔbnà Festùs gha, “Àkə aghi ne chəyi mbaŋà ìzo̰ fə chà ìwi isaʼi abə Kayisà, nji àghò chì aməd sàŋì.”

Ɨ̀fàʼì 27:24

ghà inum gha, ‹Pɔl, imbə̀ʼ àghò bɔ awe imbə̀ʼ icheg ne àghò bèrì ni ghò təm imbìghè abə Kayisà. Nḛ! Ŋwiye fə ghì ìchɔ̀mì ine. Ane, wì fə bə̀ ghì gha bəd məjìm mbe ne yḛ̀ tì ine mbe tḛ̀.›

Ɨ̀fàʼì 28:17

Anyumə̀ ne ineg ya che itad, Pɔl ya kàrì itog bəd mə̀Ju. Anyumə̀ ne mbi ya fete, wì ya ghà inɔb gha, “Ìmbum məfi, ka chəyi mə̀ ya bi ghì anug tibɔ̀ŋ mɔ̀ʼɔ abə ìmba bəd, kə̀ bì ghà anug tibɔ̀ŋ mɔ̀ʼɔ imbə̀ʼ məcheg aben ìmba mə̀mbaʼ aneg, mbi ya gwì amə a Jèrusalèm zì inga tikye ibo abə məRom.

Ɨ̀fàʼì 28:28

Ane, mə we kə̀bə̀ gha mbə̀ kyeri gha Ŋwiye fə chà ikən imbə̀ʼ icheg ne we pùmnə bəd abə bəd mbe ne kayi mə̀Ju. Mbi biri zug.” [

Rm 1:1

À ya mo Pɔl, wə̀d àfàʼì Yeso Kristo ŋwàʼri àŋwàʼrì azo̰. Ŋwiye ya chɔʼ amə gha mə yaʼ wə̀dtɔm Kristo. Wì ya bə̀ chɔʼ amə ane ni gha mə̀ chete ikən chɔm imbə̀ʼ Yeso Kristo.

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Rm 11:13

Mə ya bə̀ ghàmà inən mbə̰ mbe ne kayi mə̀Ju. Icheg ne mo ya wə̀dtɔm Kristo abə bəd ne kayi mə̀Ju, mə ya kə̀bə̀ ni zì atog ane àfàʼì ze ne Ŋwiye chɔ̀ʼi amə gha mə faʼa.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

1 Kɔrèn 9:16

Tesiʼ ya gha, chəyi tì mə kɔ̀m igo imbə̀ʼ icheg ne à ya àfàʼì ne mə mə̀nyiʼ fàʼ. Àmə chəyi mə̀ chètì ikən chɔm imbə̀ʼ Kristo, ngəʼ kyen biri nyi igun inum.

Gàlesìyà 1:1

À ya mo Pɔl, wə̀dtɔm Kristo, ŋwàʼri àŋwàʼrì azo̰. Kayi bəd kə̀ wə̀d mɔ̀ʼɔ ya chɔʼi amə, tɔm inən. À ya Yeso Kristo fɔrɔ Ŋwiye we ne yaʼi Mbaʼ we ne ya zwemne Yeso Kristo ane iwu, mbi tɔmi amə.

Efesùs 3:1

À ya imbə̀ʼ anug azo̰ ne Ŋwiye fɔ̀ti bəd məjìm ane ìmbi imɔʼ, ne mo Pɔl yaʼi wə̀d ndəŋ. Mo ya wə̀d ndəŋ imbə̀ʼ awən mbə̰ mbe ne kayi mə̀Ju anjìm icheg ne mə chètè ikən chɔm imbə̀ʼ Yeso Kristo.

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

2 Timotì 1:11

Ŋwiye ya chɔʼ amə ane wə̀dtɔm gha mə̀ che imbìghè ghò ghà ikən chɔm gho̰ bə̀ chwìti inug imbə̀ʼ Kristo abə bəd.

2 Timotì 2:4

Chəyi mə̀sogyì ne fàʼà beri ni zì ìwɔb nyɔd ane inug ne chè inga aben. Aton ya gha, mbi mə̀ ghì ane, chəyi tì mbi ghì gha atog wə̀d igun mə̀sogyì we ne chɔʼi awɔb wè gyendi.

Ɨnû 17:14

Mbi biri màʼ ibid tì Ŋwan njə̀g. Si ya gha, Ŋwan njə̀g tì bəd mbe ne wì kàrì awɔb bə̀ chɔʼ awɔb fɔrɔ bəd mbe ne nɔ̀ŋɔ̀ fìŋ igun məd biri màʼ ibid chè awɔb. Mbi biri màʼ ibid chè imbə̀ʼ icheg ne məd ya Anɔŋisəg abə itog bəd ijìm fɔrɔ Ifɔn abə məfɔn.”