Ɨ̀fàʼì 8:5 - Ikan feg

⁵ Filip ya swiʼi ghò inga asiŋi mɔ̀ʼɔ inga aba aben ze a Sàmarìyà. Wì ya pè ko ghà anug imbə̀ʼ Wə̀d we ne Ŋwiye zɔ̀ʼi abə bəd mbe ne ya yaʼi inga asiŋi ze.

Meta’

⁵ Filip nyaʼa swiʼi wò ɨŋga əsɨ ə mɔʼɔ əbà əbeŋ ze rɨ ə Sàmàriyà. Wɨ̀ nyaʼa pè kɔ ghà ənû ɨmbə̀ʼ Wə̀d we nɨ Ŋwiə̀ zɔʼɔ əmbɨ ə bə̂d mbe nɨ nyaʼa əsɨ ze.

Ɨ̀fàʼì 8:5 ပူးပေါင်းရင်းမြစ်များ

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

Ɨ̀fàʼì 21:8

Tì ya nɔ̀ʼ isu abɔ̀ʼ ghò a Kàserìyà. Tì ya pè angu chùghi abɔ̀ʼ Filip we ne yaya chètè ikən chɔm. Məd ya yaʼ wə̀d mɔ̀ʼɔ abɔ̀ʼ mbaŋà ìsàmbe te ne Azwighi Ŋwiye ya chɔʼi gha mbe wete ni ghàpì ighijəg.

Ɨ̀fàʼì 5:42

Mbi ya chè imbìghè ni chwiti inug abə bəd ineg ijìm bə̀ ghà ikən chɔm inga mbàn Ŋwiye fɔrɔ anəb anəb gha Yeso ya Wə̀d we ne Ŋwiye zɔ̀ʼi.

Ɨ̀fàʼì 6:5

Anug azo̰ ne mbi ya gha ya bɔ̀ŋ abə inɔ̰ bəd we ijìm. Ane, mbi ya chɔʼ Stifə̀n ne ibḛfiŋ məd ya taŋ kà. Azwighi Ŋwiye ya bə̀ sweg inga məd. Mbi ya bə̀ chɔʼ Filip tì Prokorùs tì Nìkanò tì Timòn tì Pàmenà fɔrɔ Nikolàs we a Antìyɔ̀g ne ya bḛ anug Ŋwiye mə̀Ju.

Ɨ̀fàʼì 8:1

Sɔl ya bḛ gha mbe zweti Stifə̀n. Kwàʼ igun aneg ze ne mbi ya zweti Stifə̀n, bəd ya taŋ zì atog ane anug ni chɔʼ ibɔʼì ighog abə bəd Kristo a Jèrusalèm. Bəd Kristo mbe məjìm ya sàkà ghò inga iba iben mbe a Jùdeyà fɔrɔ a Sàmarìyà. À ya məyi bədtɔm Kristo ya si tèn a Jèrusalèm.

Ɨ̀fàʼì 8:26

Angirə̀ Anɔŋisəg ya ghà abə Filip gha, “Àghò chuʼri ìwe nyɔd ghò aba ze a achɔŋɔ, igun inɔnjì we ne nɔʼi a Jèrusalèm se swìʼe ghò a Gazà.” Inɔnjì ghò ya inɔnjì we ne chè inga ibad zɔbi.

Ɨ̀fàʼì 8:30

Ane, Filip ya nòrò ghò iban mətwə̀ we, pè zug icheg ne wə̀d kyen we yaya fɔ̀ŋɔ àŋwàʼrì ze ne wə̀dkə̀n Ŋwiye Àzayà ya ŋwàʼri. Wì ya zug ane bìri ibo gha, “Àghò fɔŋ ìngam we ane, àze atog zen inga?”

Ɨ̀fàʼì 8:40

Azwighi Ŋwiye ya niŋ Filip ane wi si dù yaʼ a Àzotùs, se yḛ̀ nè ghà ikən chɔm inga isiŋi ijìm. Wì yaya yḛ̀ nè ghà ikən chɔm we ane anene ghò pè a Kàserìyà.

Ɨ̀fàʼì 8:6

Anyumə̀ ne tinɔ̰ bəd ya zughi bə̀ bàd inug yeti yeti ne Filip yaya ghìyə̀, mbi ya zì atog ni zweri inug mbe ne wì yaya ghà.

Ɨ̀fàʼì 9:20

Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

1 Kɔrèn 1:23

Si ya gha, tì ya ghàmà imbə̀ʼ Kristo we ne mbi ya kɔ̀mbi igun azed abaʼri, ne chəyi mə̀Ju mɔ̀ʼɔ ya kɔ̀ŋi ni zug. Bəd ne kayi mə̀Ju ya nìŋə ane anug ne chəyi iwe inga.

1 Kɔrèn 2:2

Aton ya gha, anyumə̀ ne mə̀ ya yaʼi abɔ̀ʼ inən, mə ya nɔ̀ŋì inum inga fìŋ gha, chəyi mə̀ biri gha anug ndəŋ chèyi ane anug imbə̀ʼ Yeso Kristo fɔrɔ anug imbə̀ʼ icheg ne mbi ya kɔ̀mbì aməd igun azed abaʼri wì ku.

1 Kɔrèn 3:11

Ane, chəyi tì wə̀d zèg ati ndəŋ igun àze ne mbi ya fə zèghi. Ati ze ya Yeso Kristo.