Ɨ̀fàʼì 8:1 - Ikan feg

¹ Sɔl ya bḛ gha mbe zweti Stifə̀n. Kwàʼ igun aneg ze ne mbi ya zweti Stifə̀n, bəd ya taŋ zì atog ane anug ni chɔʼ ibɔʼì ighog abə bəd Kristo a Jèrusalèm. Bəd Kristo mbe məjìm ya sàkà ghò inga iba iben mbe a Jùdeyà fɔrɔ a Sàmarìyà. À ya məyi bədtɔm Kristo ya si tèn a Jèrusalèm.

Meta’

¹ Sɔ̂l nyaʼa ben ni mbɨ zwiirɨ ə Stɨfɨ̀n. Àmei əni ze nɨ mbɨ nyaʼa zwiirɨ ə Stɨfɨ̀n, mbɨ nyaʼa kɔ nwèndɨ̀ tɨkyerɨ-ɨwu bə̂d Kristo ə Jèrusalèm kwàʼ ənɨ ɨkǎ. Bə̂d Kristo mbe mɨjìm nyaʼa jàŋ wò ɨŋga ɨba ɨbeŋ mbe rɨ ə Jùdeyà fɔrɨ ə Sàmàriyà. Àmei bə̂d tom nyaʼa ten ə Jèrusalèm.

Ɨ̀fàʼì 8:1 ပူးပေါင်းရင်းမြစ်များ

Matìyò 22:6

Mə̀mbin ya gwìtì bəd àfàʼì məd mbe ne wì ya cha, chə awɔb, zwèti.

Matìyò 23:34

Ane, mə̀ ya anìŋ chà ìmbum bədkə̀n tì ìmbum bəd iwe fɔrɔ ìmbum mə̀chwitì mə̀nɔ̀ʼɔ̀ inən. Mbə̰ biri zweti bəd mɔ̀ʼɔ abɔ̀ʼ inɔb, kɔ̀mbì mbi mɔ̀ʼɔ igun azed abaʼri, bə̀ ywìri bəd mɔ̀ʼɔ abɔ̀ʼ inɔb inga ìmbən məchamì Ŋwiye. Mbə̰ biri bə kamni ìmbum bədtɔm mɔ̀ʼɔ chà mbi sàkà ghò iben iben.

Matìyò 5:13

Yeso ya chè imbìghè gha, “Mbə̰ ya icheg fìngwaŋ abə bəd ne yaʼi igun isəg. Si ya gha, fìngwaŋ kə mə̀ fə tu, mbi kə ywìri ghənə ni ghì gha fe ywirì nə̀m? Chəyi aghi ne tì mbi ywìrì ghì tì fìngwaŋ fe chèyi ni tù aseg, bəd se chè tə̀ʼə̀ yḛ̀ igun.

Jn 15:20

Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Jn 16:2

Bəd biri kamni awən inga məchamì Ŋwiye. Nyùmə̀ we yèʼe ne wə̀d ne zwète awən biri kɔndi gha zìye ya fàʼà yaʼ àfàʼì ne Ŋwiye kə̀bi.

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

Ɨ̀fàʼì 13:1

Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.

Ɨ̀fàʼì 13:36

Anyumə̀ ne ifɔn Dèvid yaya kiri izɔm, wì ya ghì inug mbe ne Ŋwiye ya kə̀bi gha wì ghiyə. Wì ya ku mbi twəŋi aməd abɔ̀ʼ ìmba mə̀mbaʼ aneg. Ane, wì ya bɔb.

Ɨ̀fàʼì 2:47

Mbi yaya fɔ̀tɔ ghùmnə Ŋwiye. Wə̀d ijìm yaya kɔ̀ŋɔ̀ awɔb. Ineg ijìm, Anɔŋisəg yaya yètè bəd inga ìwɔb inɔn. Bəd mbo̰ ya bəd mbe ne Ŋwiye yaya pùmnə anjìm icheg ne mbi bḛ Yeso Kristo.

Ɨ̀fàʼì 22:20

Anyumə̀ ne mbi yaya zwète Stifə̀n we ne yaya ghà inug imbə̀ʼ awe, mə̀ ya təm iban bḛ gha mbe zweti aməd. Mə yaya kyèʼrè ndwi abə bəd mbe ne ya zweti aməd.›

Ɨ̀fàʼì 26:10

Mə yaya ghìyə̀ ane inga Jèrusalèm. Itog bəd mbàn Ŋwiye ya nàʼ ika inum gha mə wupə bəd Kristo nɔʼ nɔʼ inga nəb ndəŋ . Anyumə̀ ne mbi ya niŋi isɔbi anug gha mbe zweti awɔb, mə̀ ya bə̀ bḛ.

Ɨ̀fàʼì 5:18

Ane, mbi ya gwì bədtɔm mbe ghò zì inga nəb ndəŋ ze ne yaʼi inga aben ze.

Ɨ̀fàʼì 5:20

“Mbə̀ gho təm inga mbàn Ŋwiye ghà inug ijìm imbə̀ʼ icheg ne tì bəd jəg ìtḛ̀ feg gho̰.”

Ɨ̀fàʼì 5:33

Anyumə̀ ne bəd mbe ne sàʼa aben ya zughi anug azo̰, mbi ya gaŋ chè ati, se kə̀bə̀ gha nji mbe zwèti bədtɔm mbe.

Ɨ̀fàʼì 5:40

Bəd mbe ne sàʼa aben ya zug ikə ìwi Gàmalìyè. Ane, mbi ya ywìrì kàrì bədtɔm mbe, mbi nyi inga nəb. Mbi ya ywiri awɔb ane ngwàn bə̀ pàti awɔb gha imbə̀ʼ mbi nɔ̀ʼ ywìrì ghà anug mɔ̀ʼɔ abə bəd ane ikum Yeso. Mbi ya ghì ane si sàŋì awɔb, mbi ghò.

Ɨ̀fàʼì 7:38

Muse ya yaʼ abɔ̀ʼ mə̀Izre inga ibad zɔbi. Wì ya yaʼ tì angirə̀ we ne ya ghàmi ibo ikaŋ Iwum Sanàyì. À ya angirə̀ we ne ya bə̀ yaʼ tì ìmba mə̀mbaʼ aneg. Wì ya niŋ ikən we ne ghìyə̀ gha bəd jəg ìtḛ̀, yèʼe nàʼ ina.

Ɨ̀fàʼì 7:54

Anyumə̀ ne bəd mbe ne sàʼa aben ya zughi inug mbe ne Stifə̀n yaya ghà, mbi ya taŋ gaŋ se kùrə asɔŋ imbə̀ʼ aməd.

Ɨ̀fàʼì 7:58

Mbi ya niŋ aməd sùŋì aseg, dù inga ikye aben, ghò màʼ anjìm isəg, tùmbi ane ateg, wì ku. Bəd mbe ne yaya tùmbə aməd ane ateg ya chì ìtɔb ndwigun nɔ̀ŋì iban ighog abə ajɔŋ mɔ̀ʼɔ ne ikum məd ya Sɔl.

Ɨ̀fàʼì 8:14

Anyumə̀ ne bədtɔm mbe a Jèrusalèm ya zughi gha bəd mbe a Sàmarìyà fə bḛ Ìngam Ŋwiye, mbi ya tɔm Pità tì Jɔn inɔb.

Ɨ̀fàʼì 8:2

Bəd ne ya nɔŋi fìŋ igun Ŋwiye ya niŋ awu Stifə̀n ghò twə̀ŋi. Mbi ya taŋ dèg aməd.

Ɨ̀fàʼì 8:4

Bəd Kristo mbe ne ya sàka yaya yḛ̀ nè ghàmà Ìngam Ŋwiye isiŋi ijìm.

Ɨ̀fàʼì 8:5

Filip ya swiʼi ghò inga asiŋi mɔ̀ʼɔ inga aba aben ze a Sàmarìyà. Wì ya pè ko ghà anug imbə̀ʼ Wə̀d we ne Ŋwiye zɔ̀ʼi abə bəd mbe ne ya yaʼi inga asiŋi ze.

Ɨ̀fàʼì 9:31

Anyumə̀ we, tifeti bəd Kristo tijìm te ne yaʼi a Jùdeyà fɔrɔ Galìli fɔrɔ Sàmarìyà ya yaʼ ane àbɔrɔ̀bɔd. Bəd mbe ne ya bḛ ikən chɔm yaya ghùmnə Anɔŋisəg. Azwighi Ŋwiye yaya wètè bəd mbe ne ya bḛ Kristo ni ghì gha mbe təm kà. Ìwɔb inɔ̰ yaya kwèghe ghò gho imbìghè.

Rm 1:32

Ka mbɔb jiʼì kyèri isɔbi anug Ŋwiye ne təmi kòʼ, gha bəd mbe ne ghìyə̀ tiku inug ìto̰ kòʼ ni ku, mbɔb ya bə̀ kiri che imbìghè ni ghì inug mbo̰ bə̀ ywìrè chɔ̀tɔ̀ bəd mbe ne ghìyə̀ tiku inug ìto̰.

Fìlipì 1:12

Ìmbum məfi fɔrɔ ìtum njàbi, mə kə̀b gha mbə̀ kyeri gha, anug ne du igun inum ze wèti ni ghì gha ikən chɔm imbə̀ʼ Kristo gho gho imbìghè.

Mə̀Hibrù 11:27

À ya ibḛfiŋ ya ghi wì nɔ̀ʼ a Ijìb ne chəyi wì bɔ gha ifɔn a Ijìb biri gaŋ ibo. Wì ya nyimbi fìŋ to̰ yi ni bə̀ndì imbə̀ʼ icheg ne wì yaya nḛ̀ igun Wə̀d we ne chəyi tì mbi bàd aməd.