Ɨ̀fàʼì 7:56 - Ikan feg

⁵⁶ Wì ya bàd ane si ghà gha, “Mbə̀ nḛ! Mə we bàrà icheg ne ikaŋ àbɔ̀ŋɔ fiʼe bə̀ bàrà icheg ne Ŋwan Wə̀d tə̀mi aba abo jəghi Ŋwiye.”

Meta’

⁵⁶ Wɨ̀ nyaʼa zə əne ghà ni, “Mbə̀ zə! Mə wɨə zə ɨkaŋ əfìʼə. Mə wɨə bə̀ zə ə Wan Wə̀d nɨ təm əbà əbɔ ə jɨgɨ ə Ŋwiə̀.”

Ɨ̀fàʼì 7:56 ပူးပေါင်းရင်းမြစ်များ

Matìyò 25:31

Yeso ya chè imbìghè ghà abə mə̀mə̀nənùg məd tì inɔ̰ bəd we gha, “Anyumə̀ ne Ŋwan Wə̀d ywirì yèʼe icheg Ifɔn tì ìmbi mbè angirə̀ məjìm, wì biri chughi igun àze atən ifɔn.

Matìyò 3:16

Anyumə̀ ne Yeso ya fə niŋi mənib, wì ya dù inga igyi we. Kwàʼ ati ati, ikaŋ àbɔ̀ŋɔ ya fìʼè, wì bàd Azwighi Ŋwiye ne ya swiʼi yèʼe icheg bupə pè nàŋa igun məd.

Matìyò 8:20

Yeso ya ywìtì gha, “Ìchɔb bèrì ìmbɔb isiŋi chughi, tìnən bə̀ bèrì ìtɔb kàn, àsi Ŋwan Wə̀d, chəyi wì beri achan.”

Mk 1:10

Anyumə̀ ne Yeso yaya dùwə̀ inga igyi we, wì ya bàd icheg ne ikaŋ àbɔ̀ŋɔ fiʼe, bə̀ bàd Azwighi Ŋwiye ze swìʼe yèʼe igun məd icheg bupə.

Lk 3:21

Anyumə̀ ne bəd məjìm ya niŋi mənib, Yeso ya bə̀ niŋ mənib. Icheg ne wì yaya chàʼrà Ŋwiye, ikaŋ àbɔ̀ŋɔ ya fìʼè,

Jn 1:51

Yeso ya si gha, “Mə gha tesiʼ inən gha, mbə biri bàd icheg ne ikaŋ àbɔ̀ŋɔ biri fìʼè igun Ŋwan Wə̀d, bə̀ bàd icheg ne mbè angirə̀ Ŋwiye mbe chè kɔ̀ʼɔ chè swìʼe.”

Ɨ̀fàʼì 10:11

Wì ya bàd icheg ne ikaŋ àbɔ̀ŋɔ fiʼe, bə̀ bàd aghi mɔ̀ʼɔ icheg abo ndwi kyen ne ya swiʼi ikaŋ yèʼe igun isəg. Abo ndwi ze yaya swìʼe yèʼe aseg icheg ze ne mbi nyimi ane tibug tikwè.

Ɨ̀fàʼì 10:16

Gì ze ya bə̀ ghàm məyi anug amɔʼ aghəm atad. Kwàʼ ati, abo ndwi ze ya bə̀ndì ghò ikaŋ àbɔ̀ŋɔ.

Ɨ̀fàʼì 7:57

Bəd mbe ne sàʼa aben ya zug ane, kyen ane gì ka ka, niŋ ìmbɔb ibo kùbri ìmbɔb ìtɔ̀ŋi, si nɔ̀ʼ sùyə̀ igun məd mbɔb məjìm.

Ɨnû 11:19

Ane, mbi ya si fìʼì mbàn Ŋwiye ze ikaŋ àbɔ̀ŋɔ, bàd gha tìkub mə̀nɔ̀ʼɔ̀ Ŋwiye ya yaʼ angu. Àŋwàŋwaŋ ya ŋwàŋ, isiŋi kùm, mbə̀ŋ kum, isiŋi ghùd, afim ka ka chè, awḛ nɔʼ nɔʼ bə̀ fèndi.

Ɨnû 19:11

Mə ya bàd icheg ne ikaŋ àbɔ̀ŋɔ fiʼe, bə̀ bàd nyam mə̀kara fu fu mɔ̀ʼɔ angu. Mbi ya kàrà mbaŋà ze ne kɔ̀ʼɔ nyam mə̀kara ze ane Wə̀d inug tesiʼ bə̀ kàrà ane Wə̀d ne ghà anug bə̀ fàʼà. À ya wə̀d ne sàʼa bəd bə̀ màʼà ibid ane icheg ne koʼi.

Ɨnû 4:1

Anyumə̀ ne angirə̀ ya màni ni ghàm imbə̀ʼ tikən te tijìm, mə̀ ya nèn ikaŋ àbɔ̀ŋɔ bàd inuʼ nəb mɔ̀ʼɔ ijə. Mə ya ywìrì zug gì mɔ̀ʼɔ icheg ìzi mbègtog. Gì ze ya ghàm icheg tàŋ ne mbi fə. Zì ya ghà inum gha, “Kɔʼ yèʼe aŋa, mə biri chwi inug ne biri dù ine ane nyùmə̀ gho̰ fə che.”