Ɨ̀fàʼì 7:38 - Ikan feg

³⁸ Muse ya yaʼ abɔ̀ʼ mə̀Izre inga ibad zɔbi. Wì ya yaʼ tì angirə̀ we ne ya ghàmi ibo ikaŋ Iwum Sanàyì. À ya angirə̀ we ne ya bə̀ yaʼ tì ìmba mə̀mbaʼ aneg. Wì ya niŋ ikən we ne ghìyə̀ gha bəd jəg ìtḛ̀, yèʼe nàʼ ina.

Meta’

³⁸ Mose wɨə nyaʼə mbɨ mɨ̀Izre ɨŋga ɨbad rɨkwàʼi. Ɨ wɨə nyaʼə mbɨ aŋgɨrə̀ we nɨ nyaʼa gham ɨ bɔ ɨkaŋ Ɨwum Sinài. Ɨ wɨə nyaʼə bə̀ mbɨ mba mɨ̀mbǎʼ rəŋwe. Wɨ̀ nyaʼa nɨŋ mɨkə̂n mbe nɨə ghɨ̀ ni bə̂d jɨg ɨ̀tènɨ̀ yeʼe naʼ ɨ na.

Ɨ̀fàʼì 7:38 ပူးပေါင်းရင်းမြစ်များ

Jn 1:17

Ŋwiye ya chè anjìm Muse nàʼ mə̀nɔ̀ʼɔ̀. Ìchɔ̀mì fɔrɔ tesiʼ si yèʼe anjìm Yeso Kristo.

Jn 6:63

À ya Azwighi Ŋwiye ze nàʼà ìtḛ̀. Chəyi tì wə̀d naʼ ìtḛ̀. Ìngam gho̰ anìŋ ne mə ghàmi inən ya ìngam ne nàʼà ìtḛ̀. À ya ìngam ne nɔʼi abə Azwighi Ŋwiye.

Ɨ̀fàʼì 7:30

Anyumə̀ ne Muse ya fə chughi angu ane tituʼ ìghum ikwè, angirə̀ Ŋwiye ya dù ibo imbìghè. Wì ya dù ane inga ajuŋi agyen mɔ̀ʼɔ ne yaʼi icheg ìtḭ ichiʼi, inga ibad zɔbi, iban Iwum Sanàyì. Angirə̀ we ya dù icheg inemi iywid.

Ɨ̀fàʼì 7:35

Aŋa ya Muse we ne mbi ya to̰ awɔb məd, bìri ibo gha, ‹Àkə we chɔʼi awe ane wə̀d ne sàʼa awa?› Ŋwiye ya tɔm aməd gha wì yaʼ wə̀d ne sàʼa mə̀Izre, bə̀ yaʼ wə̀d ne Ŋwiye nìŋi ni chì awɔb inga ngəʼ anjìm angirə̀ we ne ya du ibo inga ajuŋi agyen ze.

Ɨ̀fàʼì 7:53

À ya mbə̰ ne ya niŋi mə̀nɔ̀ʼɔ̀ mbe ne mbè angirə̀ ya nàʼi. Si ya gha, chəyi mbə̰ mbe bə̀ nɔ̀ŋɔ̀ mə̀nɔ̀ʼɔ̀ mbe.”

Rm 3:2

Ane, anug kyen kyen ya gha Ŋwiye ya fə bì nàʼ ìwi ìngam ina mba mə̀Ju.

Rm 9:4

Mbɔb ya mə̀Izre. À ya mbɔb ne Ŋwiye ya be niŋ ane ìmbi bəd. À ya inɔb ne Ŋwiye ya be chwi ìwe ìzḛzḛ. À ya mbɔb ya wàd ikan tì Ŋwiye. À ya inɔb ne Ŋwiye ya nàʼi ìmbi mə̀nɔ̀ʼɔ̀. À ya mbɔb ne Ŋwiye ya ghì mbɔb se ghùmnə aməd. À ya mbɔb ne wì ya bə̀ kàʼ inug nɔʼ nɔʼ inɔb.

Gàlesìyà 3:19

Icheg ne ze yaʼi ane, àfàʼì mə̀nɔ̀ʼɔ̀ kə ywìrè aghə? Ŋwiye ya yètì mə̀nɔ̀ʼɔ̀ imbə̀ʼ inug tibɔ̀ŋ ne bəd yaya ghìyə̀. Mə̀nɔ̀ʼɔ̀ biri yaʼ ane anene ghò pè ane aneg ne ŋwan we inga aghaŋ inəbi ze Abràham ne Ŋwiye ya kàʼi ibo biri yeʼe. Ŋwiye ya chà mbè angirə̀ gha mbe yeʼe zì mə̀nɔ̀ʼɔ̀ ikye abo abə wə̀d we ne tə̀mə inga ìsàn abə bəd tì Ŋwiye, se dèghè inug bəd abə Ŋwiye.

Mə̀Hibrù 2:2

Ikən we ne mbè angirə̀ ya ghum ghà abə ìmba mə̀mbaʼ kyen mbe te aneg ya chwi gha à ya kwàʼ ikən tesiʼ. Ane, wə̀d ijìm ne chəyi wì ya fàʼi inug icheg ne wi ya gha, tengaŋ ya nyi inga ngəʼ ne koʼi tì tìzughə̀ məd.

Mə̀Hibrù 4:12

Aton ya gha, Ìngam Ŋwiye bèrì ika ni fàʼ inug mbe ne Ŋwiye we kə̀bə̀. Ìngam Ŋwiye bèrì ika. Wi ya bə̀ tɔ iba ijìm icheg ibeg ibid. Wi ya mə̀ zùm wə̀d, wì ya ghàpà nyàmnyɔd tì azwighi bə̀ ghàpà iwu tì isɔŋ. Wi bə̀ taŋ bèrì ika ni kyeri inug mbe ne bəd mbe kɔ̀ndɔ bə̀ kyèri inug mbe ne yaʼi inga fìŋ abə bəd.

Mə̀Hibrù 5:12

Mbə̰ ya kiri kə̀bə̀ gha wə̀d ndəŋ chwiti inug mbègtog imbə̀ʼ Ìngam Ŋwiye inən ne nji mbə̰ mbe se chwìte inug mbe abə bəd ndəŋ amad anìŋ. Mbə̰ mbe kiri awən icheg bɔn bɔd ne nyɔ̀ŋɔ ibən, ne nji mbə̰ fə se jə̀ghə tijəg ka ka.

1 Pità 4:11

Wə̀d mɔ̀ʼɔ mə̀ ya ghàmà Ìngam Ŋwiye, wì ya ghà məyi anug ze ne Ŋwiye gha ibo. Wə̀d imɔʼ imɔʼ ya fàʼà abə mə̀mbin icheg ne Ŋwiye we nàʼà ika ibo. Tì mə ghì ane, bəd biri ya ghùmnə Ŋwiye ane inug ijìm anjìm Yeso Kristo. Ighumni ijìm fɔrɔ ka ijìm yaʼ abə Ŋwiye kwàʼ ane ighə̀m imɔʼ. À ya ane.