Ɨ̀fàʼì 6:1 - Ikan feg

¹ Inga ineg mbe, inɔ̰ mə̀mə̀nənùg Yeso yaya yètè ghò gho imbìghè. Mə̀Ju mbe ne yaya ghàmà Grig ya puti mə̀Ju mbe ne yaya ghàmà Hibrù. Mbi ya puti awɔb gha mbɔb mbe wàʼra ìmbɔb məku àyi anyumə̀ ne mbe ghàpà tijəg.

Meta’

¹ À nyaʼa ɨŋga ɨni mbe, ənɨ ɨnun bə̂d mbe nɨ nyaʼa ben ə Kristo nyaʼə sɨə nɔʼrɨə wò ɨmbì, mɨ̀Jû mbe nɨ nyaʼə ghàm ə Grik mbɨə nyaʼə ghàmbɨ̀ mbe nɨ nyaʼə ghàm ə Hibrù, ɨmbə̀ʼ ɨghəm nɨ ɨ mbɨə nyaʼə mèʼnɨ̀ mɨku əyi mɨ̀mə̌d ɨni jìm ənɨ mbɨ nyaʼə ghàpɨ̀ ɨghɨjɨg.

Ɨ̀fàʼì 6:1 ပူးပေါင်းရင်းမြစ်များ

Matìyò 23:13

Yeso ya chè imbìghè gha, “Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Mbə̰ ya kwàʼ bəd ne bèmnè inug! Mbə̰ mbe kə̰ inuʼ akɔŋi gha imbə̀ʼ bəd nɔ̀ʼ nyi inga anug ìfɔ̀n ikaŋ. Chəyi mbə̰ mbe nyḭ̀yḛ inga. Chəyi mbə̰ mbe bə̀ kə̀bə̀ gha bəd ndəŋ ne kirə ika ni nyi inga, mbe nyi.

Ɨ̀fàʼì 11:20

Bəd mɔ̀ʼɔ abɔ̀ʼ inɔb ne ya yaʼi bəd a Sayiprùs tì bəd a Sayirèn ya ghò a Antìyɔ̀g pè se ghàmà abə bəd ne kayi mə̀Ju bə. Mbi yaya chètè ikən chɔm imbə̀ʼ Anɔŋisəg Yeso.

Ɨ̀fàʼì 11:26

Anyumə̀ ne wì ya bàri aməd, wì ya niŋ aməd yèʼe a Antìyɔ̀g. Ane, Bànabàs tì Sɔl yaya nyìme ifeti tì inɔ̰ bəd Kristo we, chwìte inug inɔb anene fituʼ ifibì chuʼ. À ya a Antìyɔ̀g ne mbi ya ko ni kàrì mə̀mə̀nənùg ane bəd Kristo.

Ɨ̀fàʼì 11:29

Mə̀mə̀nənùg ya niŋ isɔbi anug ni nàʼ àwètì abə bəd mbe ne yaya chùghə a Jùdeyà ne ya nɔŋi ìwɔb ibḛfiŋ igun Yeso Kristo. Wə̀d imɔʼ imɔʼ ya nàʼ ighi icheg ne wì ya bèri.

Ɨ̀fàʼì 2:41

Bəd mbe ya zug ìngam we ne Pità ya ghàmi, bḛ. Ane, mbi ya niŋ mənib. Bəd ne ya yète abɔ̀ʼ bəd Kristo ya yaʼ ka bəd chuʼ titad.

Ɨ̀fàʼì 2:45

Mbi yaya fèndè ìmbɔb ighi fɔrɔ ìmbɔb isiŋi iseg wètè bəd ne chəyi àzɔb.

Ɨ̀fàʼì 2:47

Mbi yaya fɔ̀tɔ ghùmnə Ŋwiye. Wə̀d ijìm yaya kɔ̀ŋɔ̀ awɔb. Ineg ijìm, Anɔŋisəg yaya yètè bəd inga ìwɔb inɔn. Bəd mbo̰ ya bəd mbe ne Ŋwiye yaya pùmnə anjìm icheg ne mbi bḛ Yeso Kristo.

Ɨ̀fàʼì 4:35

Mbi yaya nìŋə ikab we pè nɔ̀ŋɔ̀ imbìghè abə bədtɔm Kristo. Bədtɔm Kristo yaya se ghàpà ighi abə bəd icheg ne wə̀d imɔʼ imɔʼ kòʼi ni bèri.

Ɨ̀fàʼì 4:4

Mbi ya jiʼì gwì awɔb ane, si ya gha, bəd nɔʼ nɔʼ abɔ̀ʼ bəd mbe ne ya zughi ìngam we ya nɔ̀ŋì ìwɔb ibḛfiŋ igun Yeso Kristo. Inun bəd mbe ne ya nɔŋi ìwɔb ibḛfiŋ igun Yeso Kristo ya yètè se ghò ka chuʼ ita̰.

Ɨ̀fàʼì 5:14

Tesiʼ ya gha, mbaŋà nɔʼ nɔʼ tì mə̀yi nɔʼ nɔʼ yaya yètè abɔ̀ʼ inɔ̰̀ bəd we ne yaya bḛ Anɔŋisəg. Ane, ìwɔb inɔn ya chè imbìghè ni kweg.

Ɨ̀fàʼì 5:28

“Tì kə̀ pati awən gha imbə̀ʼ mbə̰ chwiti awən inug imbə̀ʼ ikum gho̰ abə bəd. Mbə̰ mbe kiri chwite inug mbe. Mbə fə ghì bəd məjìm inga Jèrusalèm zug. Mbə̰ ya anìŋ bə̀ kə̀bə̀ ni ghì gha ndɔ̀n ze ne yaʼi imbə̀ʼ icheg ne mbi zweti aməd, ze nyi igun ina. Kə̀ kayi ane?”

Ɨ̀fàʼì 6:2

Bədtɔm mbe ìghum chɔ̀b ibe ya zug ane, fèti mə̀mə̀nənùg məjìm ghà inɔb gha, “Chəyi ze biri bɔ̀ŋ gha tì waʼ anug ni ghàm Ìngam Ŋwiye ghò yaʼ ane anug ni ghàpì tijəg.

Ɨ̀fàʼì 6:7

Ane, Ìngam Ŋwiye ya chè imbìghè ni kweg. Inɔ̰ bəd ne yaya yètè abɔ̀ʼ mə̀mə̀nənùg inga Jèrusalèm yaya tḭ tḭ ghò gho imbìghè. Bəd mbàn Ŋwiye nɔʼ nɔʼ ya bə̀ bḛ Kristo.

Ɨ̀fàʼì 9:29

Wì yaya ghàmà ane, tàŋà inug inga Ìngam Ŋwiye tì mə̀Ju mbe ne yaya ghàmà Grig. Si ya gha, mbi yaya kə̀bə̀ yaʼ ni zweti aməd.

Ɨ̀fàʼì 9:39

Pità ya nɔ̀ʼ ghò abɔ̀ʼ inɔb. Anyumə̀ ne wì ya pe angu, mbi ya niŋ aməd kɔʼ ghò inga atog nəb ze ikaŋ. Məku àyi məjìm ya yaʼ itəmbi iban Pità. Mbi yaya dèghè mèʼè məchə, chwìye ndwi maʼi bə̀ chwìye ndwi ndəŋ ne Dòkas ya tangi nàʼ inɔb anyumə̀ ne wì yaya kiri izɔm.

Ɨ̀fàʼì 9:41

Pità ya nyimi abo ibo, wètì aməd gha wì təm titighe. Anyumə̀ ne wì ya ghì ane, wì ya kàrì bəd mbe ne ya bḛ Kristo bə̀ kàrì məku àyi mbe, chwi Tàbità inɔb izɔm.

Rm 12:7

Ineʼi wə̀d mə̀ yaʼ ni fàʼ abə bəd, wì taŋ zì atog ni fàʼ. Ineʼi wə̀d mə̀ yaʼ ni chwiti inug, wì bə zì atog ni chwiti.

1 Kɔrèn 10:10

Imbə̀ʼ tì ghamba awa Ŋwiye icheg ne bəd mɔ̀ʼɔ abɔ̀ʼ inɔb ya ghàmbi, Ŋwiye cha angirə̀ gha wì gho zwèti awɔb.

2 Kɔrèn 11:22

Mbɔb kə mə̀Ju? Mo inum ya bə̀ Ju. Mbɔb kə mə̀Izre? Mo inum ya bə̀ wə̀d Izre. Mbɔb kə bɔn ane aghaŋ inəbi Abràham? Mo inum ya bə̀ ŋwan ane aghaŋ inəbi Abràham.

Fìlipì 3:5

Mə bèrì aton chè aməd imbə̀ʼ icheg ne mbi ya ŋwed amə igun aneg ne pè ane ìfàmi. Mo ya wə̀d a Izre inga inəbi Benjàmen. Ane, mo ya kwàʼ wə̀d Hibrù. Kə̀ àkə ane anug ni nɔ̀ŋì mə̀nɔ̀ʼɔ̀, mo ya Farìsi.

1 Timotì 5:3

Àghò ya ghùmnə məku àyi mbe ne chəyi wə̀d ne nə̀ngə awɔb.

1 Timotì 5:9

Imbə̀ʼ àghò ŋwaʼra awe ikum iku-àyi abɔ̀ʼ tikum məku àyi mbe ne tì mbi wètì awɔb, kirənde wì fə pè icheg tituʼ ìghum tìfughə. Wì bèrì ne yaʼ iku-àyi ne ya nami məyi inɔm imɔʼ.

Mə̀Hibrù 13:1

Mbə̀ che imbìghè ni ya kɔ̀ŋɔ̀ wə̀d imɔʼ imɔʼ icheg ne məfi mbe kɔ̀ŋɔ̀ ìtɔb nyàmnyɔd.

Jems 1:27

Anug Ŋwiye ne Ŋwiye ne yaʼi ìwa Mbaʼ wì bḛ gha ze kòʼ bə̀ zen, ya anug ni nèn bɔn iti tì məku àyi, wètì awɔb anyumə̀ ne mbɔb yaʼi inga ngəʼ. Wì bə̀ bḛ gha wə̀d duwə inga inug tibɔ̀ŋ mbe ne yaʼi igun isəg.

Jems 4:5

Kə̀ mbə wa kɔ̀ndi gha ìngam we ne yaʼi inga Àŋwàʼrì Ŋwiye ya ati ako? Ìngam we ya gha, “Ŋwiye we ghə̀ʼrə̀ Azwighi məd ze ne wì ghi gha ze yaʼ inga ina.”

Jems 5:9

Ìmbum məfi fɔrɔ ìtum njàbi, imbə̀ʼ mbə̰ zḭʼḛ awən mə̀mbin, nji Ŋwiye biri saʼ awən. Məd we ne biri saʼ wə̀d ijìm we se zàmbi yeʼe!