Ɨ̀fàʼì 5:42 - Ikan feg

⁴² Mbi ya chè imbìghè ni chwiti inug abə bəd ineg ijìm bə̀ ghà ikən chɔm inga mbàn Ŋwiye fɔrɔ anəb anəb gha Yeso ya Wə̀d we ne Ŋwiye zɔ̀ʼi.

Meta’

⁴² Mbɨ nyaʼa wò ɨmbì ɨni jìm nɨ chwi ɨnû bə̀ fɔrɨ nɨ ghà ɨkə̂n chɔ̀m ɨŋga mbàn Ŋwìə̀ bə̀ fɔrɨ ɨŋga tə nəb ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 5:42 ပူးပေါင်းရင်းမြစ်များ

Lk 21:37

Yeso yaya chwìte inug inga mbàn Ŋwiye ineg ijìm. Tikwikwiri tijìm, wì yaya ghò nèghe ikaŋ iwum mə̀Olìf.

Lk 22:53

Mə ya kə̀ tì inən ineg ijìm inga ikam mbàn Ŋwiye, chəyi mbə̀ beti amə ane abo. Ìwən nyùmə̀ fə kòʼ. Nyùmə̀ ne ika afub fə che imbìghè mbə se ghìyə̀ inug tibɔ̀ŋ.”

Ɨ̀fàʼì 11:20

Bəd mɔ̀ʼɔ abɔ̀ʼ inɔb ne ya yaʼi bəd a Sayiprùs tì bəd a Sayirèn ya ghò a Antìyɔ̀g pè se ghàmà abə bəd ne kayi mə̀Ju bə. Mbi yaya chètè ikən chɔm imbə̀ʼ Anɔŋisəg Yeso.

Ɨ̀fàʼì 13:32

Ane, tì fə yeʼe tì ikən chɔm inən gha, anug ze ne Ŋwiye ya kàʼi abə ìmba mə̀mbaʼ aneg,

Ɨ̀fàʼì 17:18

Bəd iwe mɔ̀ʼɔ ne mbi yaya kàrà ane Èpìkurìyà fɔrɔ mbe ne mbi yaya kàrà ane Stoyìg ya ghò kɔ̀ti aməd, ko se tàŋà Ìngam Ŋwiye tì məd. Mbi mɔ̀ʼɔ abɔ̀ʼ inɔb ya ko se chàpà aməd gha, “Anen azo̰ kə ghà àzi aghə?” Mbi mɔ̀ʼɔ ya ghà àzɔb gha, “Wì ya ghàmà imbə̀ʼ iku mə̀ŋwiye mɔ̀ʼɔ.” Mbi yaya chàpà ane imbə̀ʼ icheg ne Pɔl yaya ghàmà inug imbə̀ʼ Yeso, bə̀ ghàmà inug imbə̀ʼ icheg ne bəd biri zweme ane iwu.

Ɨ̀fàʼì 17:3

Wì ya tòʼrì Ìngam Ŋwiye inɔb chwi icheg ne Wə̀d we ne Ŋwiye zɔ̀ʼi biri zə̰ ngəʼ, ku, Ŋwiye zwèmni aməd ane iwu. Pɔl ya chè imbìghè ni ghà inɔb gha, “Yeso gho̰ ne mə ghàmà inən imbə̀ʼ aməd anìŋ ya Wə̀d we ne Ŋwiye zɔ̀ʼi.”

Ɨ̀fàʼì 2:46

Ineg ijìm, mbi yaya chè imbìghè ni ya fète inga ikam mbàn Ŋwiye. Mbi yaya jə̀ghə itari anəb anəb ane igyendi fɔrɔ ane fìŋ ifibì.

Ɨ̀fàʼì 20:20

Mbə̰ kyèri gha chəyi mə̀ ya to̰ ni chwiti inug mbe ne tì mbi wètì awən inən. Mə ya chwiti inug inən inga bəd fɔrɔ a nəb a nəb.

Ɨ̀fàʼì 4:20

Mbə̀ kyeri gha chəyi tì biri ton ni chètì anug ne tì bari bə̀ zug.”

Ɨ̀fàʼì 4:29

Àghò, Anɔŋisəg, nḛ icheg ne mbe sìbè awa, si nàʼ ika abə ìmbe bəd àfàʼì mbe chete ìwe ìngam ne chəyi mbe bɔ.

Ɨ̀fàʼì 8:35

Filip ya ko ni tòʼrì Ìngam Ŋwiye ibo ane asiŋi àŋwàʼrì azo̰, si ghà ikən chɔm imbə̀ʼ Yeso ibo.

Ɨ̀fàʼì 8:5

Filip ya swiʼi ghò inga asiŋi mɔ̀ʼɔ inga aba aben ze a Sàmarìyà. Wì ya pè ko ghà anug imbə̀ʼ Wə̀d we ne Ŋwiye zɔ̀ʼi abə bəd mbe ne ya yaʼi inga asiŋi ze.

Ɨ̀fàʼì 9:20

Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

1 Kɔrèn 2:2

Aton ya gha, anyumə̀ ne mə̀ ya yaʼi abɔ̀ʼ inən, mə ya nɔ̀ŋì inum inga fìŋ gha, chəyi mə̀ biri gha anug ndəŋ chèyi ane anug imbə̀ʼ Yeso Kristo fɔrɔ anug imbə̀ʼ icheg ne mbi ya kɔ̀mbì aməd igun azed abaʼri wì ku.

Gàlesìyà 1:16

Wì ya taŋ kɔ̀ŋ, ghì mə̀ bàd Ŋwan məd kwàʼ ane àmə aghə. Wì ya ghì ane ni gha, mə̀ si ghò chètì ikən chɔm imbə̀ʼ Ŋwan məd we abə bəd ne kayi mə̀Ju. Ane, chəyi mə̀ ya biri anug imbə̀ʼ ikən chɔm gho̰ abə wə̀d mɔ̀ʼɔ ka.

Gàlesìyà 6:14

Àsi mo, chəyi anug mɔ̀ʼɔ ne mə̀ biri nɔʼ kɔ̀m igo igun chèyi ane anug ze ne iwu Anɔŋisəg Yeso Kristo igun azed abaʼri ya ghi. Icheg ne Yeso Kristo ya ku igun azed abaʼri, chəyi ighi inga isəg beri aghi mɔ̀ʼɔ ni ghì tì inum. Chəyi mə̀ bə bèrì aghi mɔ̀ʼɔ ni ghì tì ighi inga isəg.

2 Timotì 4:2

Àghò ghama Ìngam Ŋwiye abə bəd. Chuʼri ìwe nyɔd ni gha àghò mənyìʼ ghàm Ìngam Ŋwiye mà nyumə̀ ijìm, kə̀ bəd kɔ̀ŋ ni zug kə̀ chəyi. Àghò ghiyə gha bəd mbe ne ghìyə̀ inug ne chəyi mbi koʼi, mbe kɔpɔ. Àghò ghama gaŋ abə bəd ne ghìyə̀ inug tibɔ̀ŋ. Nyimbi fìŋ ni nəri bəd bə̀ nàʼ tikə inɔb.