Ɨ̀fàʼì 5:24 - Ikan feg

²⁴ Anyumə̀ ne atog wə̀d igun mə̀sogyì mbe ne nə̀ngə mbàn Ŋwiye tì itog bəd mbàn Ŋwiye ya zughi anug azo̰, ze ya chè awɔb. Ane, ibo ya buʼrə inɔb, mbi se bìre gha, “Kə̀ àkə iku anug weg gho̰.”

Meta’

²⁴ Ənɨ ətu ɨgwɨ mɨ̀sɔgyɨ̀ mbe nɨə nəŋgɨ ə mbàn Ŋwìə̀ mbɨ ə bə̂d kyeŋ mbe rɨ ə mbàn Ŋwìə̀ nyaʼa zu ənû zɔ̂, zɨə nyaʼa chè mɨ̀mə̌d, əne mbɨ nyaʼa bid əwən ɨmbə̀ʼ ənû ze nɨ bɨrɨ jwɨ̀ rɨ ənɨ ənû zɔ̂.

Ɨ̀fàʼì 5:24 ပူးပေါင်းရင်းမြစ်များ

Lk 22:4

Judàs ya si ghò chùm tì itog bəd mbàn Ŋwiye fɔrɔ itog bəd abə mə̀sogyì mbe ne yaya kyèʼrè mbàn Ŋwiye, ni chuʼri icheg ne wì biri fḛ Yeso inɔb.

Lk 22:52

Yeso ya si ghà abə itog bəd mbàn Ŋwiye tì itog bəd mbe ne yaya kyèʼrè mbàn Ŋwiye fɔrɔ abə bəd kyen inga aben ne ya yeʼe ni gwì aməd gha, “Mə wa kə wə̀d kyen abə bəd ne ghìyə̀ ìkɔ̀b abə aben ne mbə̀ si yèʼe tì məbeg fɔrɔ mboʼ ni gwì amə?

Jn 12:19

Mə̀Farìsi ya se ghàmà mbɔb mbɔb gha, “Mbə̀ nḛ, tì ya anìŋ nìme. Bəd məjìm ya anìŋ se bène awɔb yaʼ abɔ̀ʼ məd!”

Ɨ̀fàʼì 2:12

Anug ya chè awɔb, atog inɔb bə̀ bùrə̀. Bəd mɔ̀ʼɔ yaya se bìre abə mə̀mbin gha, “Azo̰ kə chwìye gha?”

Ɨ̀fàʼì 4:1

Bəd mbàn Ŋwiye tì atog wə̀d igun mə̀sogyì mbe ne yaya kyèʼrè mbàn Ŋwiye tì mə̀Sadùsi ya yeʼe pè kṵ̀ igun Pità tì Jɔn ne mbe kiri ghàmà abə bəd.

Ɨ̀fàʼì 4:21

Itog bəd mbe ya ywìrì taŋ pàti awɔb bɔŋ sàŋì awɔb gha mbe gho. Chəyi mbi ya kyeri icheg ne tì mbi chə awɔb imbə̀ʼ icheg ne bəd məjìm yaya nàʼà ighumni abə Ŋwiye ane anug ne ya du.

Ɨ̀fàʼì 5:23

“Tè pè bàd nəb ndəŋ ze ne mbi feni kwàʼ icheg chɔm. Tè bə̀ bàd mə̀sogyì mbe ne nə̀ngə isiŋi ne mbi təmbi iban tinuʼ nəb. Si ya gha, anyumə̀ ne tì si fìʼì nəb ndəŋ ze nyi inga, chəyi tì bari wə̀d mɔ̀ʼɔ inga.”

Ɨ̀fàʼì 5:25

Anyumə̀ ne mbi yaya bìre ane, wə̀d mɔ̀ʼɔ ya nyi isəg, ghà inɔb gha, “Mbə̀ nḛ, mbaŋà te ne mbə̀ kə zi inga nəb ndəŋ, itin inga mbàn Ŋwiye chwìte inug abə bəd.”

Ɨ̀fàʼì 5:26

Mbi ya zug ane, atog wə̀d igun mə̀sogyì nɔ̀ʼ ghò tì mə̀sogyì pè niŋ awɔb ghò inga ichamì we. Chəyi mbi ya gwi awɔb ane ika imbə̀ʼ icheg ne mbi yaya bɔ gha bəd mbe biri tumbi awɔb ane ateg zwèti.