Ɨ̀fàʼì 5:21 - Ikan feg

²¹ Anyumə̀ ne ituʼ ya chəghi, mbi ya ghò nyi inga mbàn Ŋwiye, ko ni chwiti inug icheg ne angirə̀ we ya gha inɔb. Atog wə̀d igun bəd mbàn Ŋwiye tì bəd mbe ne ya yaʼi tì məd ya ghò kàrì itog bəd ne sàʼa aben məjìm tì itog bəd aben mə̀Ju məjìm gha mbe gho fète inga ìwɔb ichamì. Anyumə̀ ne mbi ya gho fète, mbi ya chà bəd gha mbe gho niŋ bədtɔm mbe inga nəb ndəŋ yèʼe.

Meta’

²¹ Ənɨ ɨtuʼ nyaʼa chɨgɨ, mbɨ nyaʼa wò nyɨ ɨŋga mbàn Ŋwìə̀, kɔ chwi ɨnû ɨchî nɨ aŋgɨrə̀ we kəʼ ghà əmbɨ mɨ̀mə̌d. Ətu ɨgwɨ ə bə̂d mbàn Ŋwìə̀ mbɨ ə bə̂d mbe nɨ nyaʼa mbɨ məd, nyaʼa wò tɔŋ mə̀saʼ əbeŋ mɨjìm mbɨ ə bə̂d kyeŋ mɨ̀Jû mɨ̀jìm ni mbɨ wo fetɨ ɨŋga ɨ̀chàm mɨ̀mə̌d. Ənɨ mbɨ nyaʼa wò fetɨ, mbɨ nyaʼa chà bə̂d ni mbɨ wo nɨŋ bə̂d tom mbe rɨ ə nəb ndəŋ yeʼe mbɨ mɨ̀mə̌d.

Ɨ̀fàʼì 5:21 ပူးပေါင်းရင်းမြစ်များ

Matìyò 5:22

Anug ne mə ghà inən amad anìŋ ya gha: Wə̀d mɔ̀ʼɔ mə̀ gaŋ tì ìwi ifi, mbi biri saʼ aməd. Wə̀d mɔ̀ʼɔ mə̀ zɔ̀mbì ìwi ifi, itog bəd ne sàʼa aben biri saʼ aməd. Wə̀d mə ghà abə ìwi ifi gha, ‹Àghò ya anen!› Wə̀d we ne gha ane kyeri gha mbi biri màʼ aməd inga iywid nɔʼ mèg, ne ya asiŋi ichə.

Lk 22:66

Anyumə̀ ne ituʼ ya chəghi, itog bəd məjìm ya fete: bəd mbe ne saʼa aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀ ya fete, ghì mbi niŋ Yeso yèʼe inɔb imbìghè.

Jn 18:35

Payilèd ya ywìtì ibo gha, “Mo wa kə Ju? Imbə̀ʼ à ya ìmbe bəd fɔrɔ itog bəd mbàn Ŋwiye cha awe inum? Anug ne àghò gùghi, àkə aghə?”

Jn 8:2

Àsi isusu abɔ̀ʼ, wì ya bə̀ndi ghò inga mbàn Ŋwiye. Inɔ̰ bəd ya fete iban məd, wì si chughi aseg se chwìte inug inɔb.

Ɨ̀fàʼì 22:15

Wì ghì ane imbə̀ʼ icheg ne àghò biri se ghà inug ijìm mbe ne àghò fə bàri bə̀ zug imbə̀ʼ aməd abə bəd məjìm.

Ɨ̀fàʼì 22:5

Atog wə̀d igun bəd mbàn Ŋwiye tì bəd mbe ne sàʼa aben məjìm, mbe kyèri gha anug azo̰ ne mə ghà inən ya anug tesiʼ. Mə ya niŋ ìŋwàʼrì inɔb ni ghò nàʼ abə mə̀Ju mbe ne yaʼi a Dàmaskòs. Ane, mə̀ ya ghò angu ni gwìtì bəd Kristo, si kɔd niŋ yèʼe a Jèrusalèm gha mbe chə awɔb.”

Ɨ̀fàʼì 5:17

Àdeg ya sweg inga fìŋ abə atog wə̀d igun bəd mbàn Ŋwiye fɔrɔ bəd mbe ne ya yaʼi tì məd bə̀ sweg inga fìŋ abə bəd mbe ne yaʼi inga ifeti mə̀Sadùsi.

Ɨ̀fàʼì 5:27

Mbi ya pè nɔ̀ŋì awɔb, mbi təm imbìghè abə bəd mbe ne sàʼa aben. Atog wə̀d igun bəd mbàn Ŋwiye ya biri inɔb gha,

Ɨ̀fàʼì 5:34

Si ya gha, Farìsi mɔ̀ʼɔ ne ikum məd ya Gàmalìyè ya yaʼ abɔ̀ʼ bəd mbe ne sàʼa aben. Məd ya yaʼ wə̀d ne chwìte mə̀nɔ̀ʼɔ̀. Bəd məjìm yaya ghùmnə aməd. Wì ya nɔ̀ʼ təm titighe ghà gha mbe cha bədtɔm mbe isəg iki piʼì.

Ɨ̀fàʼì 5:41

Bədtɔm mbe ya nɔ̀ʼ abɔ̀ʼ bəd mbe ne sàʼa aben se yḛ̀ nè gha, Ŋwiye fə niŋ awɔb ane bəd ne koʼi ni zən ngəʼ bə̀ bèrì tìnìrètog imbə̀ʼ Yeso.