Ɨ̀fàʼì 5:16 - Ikan feg

¹⁶ Bəd nɔʼ nɔʼ yaya nɔ̀ʼɔ̀ inga iben ijìm mbe ne ya che kad Jèrusalèm ghò tì ìmbɔb bəd ighɔn fɔrɔ bəd ne izwighi tibɔ̀ŋ yaʼi inga inɔb. Bədtɔm mbe ya ghù awɔb mbɔb məjìm.

Meta’

¹⁶ Bə̂d mɨ̀nɔnɔʼ nyaʼa bə̀ nɔ̀ʼ rɨŋga ɨsɨ mbe nɨ nyaʼa kad ə Jèrusalèm wò mbɨ mbə bə̂d əwɔn fɔrɨ mbɨə bə̂d mbe nɨ ɨzwî rɨbɔ̀ŋ nyaʼa ɨŋga mɨ̀mə̌d. Bə̂d tom mbe nyaʼa vɨ̀ mɨ̀mə̌d mɨjìm.

Ɨ̀fàʼì 5:16 ပူးပေါင်းရင်းမြစ်များ

Matìyò 2:16

Anyumə̀ ne Erɔ̀d ya bàri gha bəd mbe ne kyeri anug imbə̀ʼ titəm iməg fə tambi aməd, wì ya taŋ gaŋ. Wì ya si nɔ̀ʼ chà ìmbi mə̀sogyì a Betèlèhem bə̀ fɔrɔ inga isiŋi mbe ne yaʼi iban iban gha mbe gho zwèti bɔn mbaŋà məjìm ne ya yaʼi tituʼ tibe bə̀ fɔrɔ ìmbe ne chəyi mbi ya kiri koʼi tituʼ tibe. Wì ya ghì ane nɔ̀pi ane nyùmə̀ we ne bəd mbe ne kyeri anug imbə̀ʼ titəm iməg ya gha ibo.

Matìyò 4:24

Icheg ne wì yaya ghìyə̀ ane, bəd ya ghà inug imbə̀ʼ aməd ghò mà isiŋi ijìm inga Sirìyà. Bəd ya niŋ bəd ighɔn ne ghɔ̰̀ tiku ighɔn nɔʼ nɔʼ ghò ibo. Aku bəd ne wì ya ghu ya; bəd ne isiŋi nyɔd mbe taŋ se, tì bəd ne izwighi tibɔ̀ŋ yaʼi inga inɔb, tì bəd ne izwighi tibɔ̀ŋ yaya chə awɔb, tì bəd aghɔn tìsùʼ fɔrɔ bəd ne ya buʼrə.

Matìyò 8:16

Anyumə̀ ikwìri, mbi ya niŋ bəd ndan ndàn ne izwighi tibɔ̀ŋ ya yaʼi inga inɔb yèʼe abə Yeso. Wì ya kamni izwighi tibɔ̀ŋ mbe ane ìngam ichug məd, bə̀ ghù bəd məjìm ne yaya ghɔ̰̀.

Lk 5:17

Aneg mɔ̀ʼɔ, Yeso yaya chwìte inug. mə̀Farìsi fɔrɔ mə̀chwitì mə̀nɔ̀ʼɔ̀ ne ya nɔ̀ʼi a Galìli tì Jùdeyà fɔrɔ a Jèrusalèm ya yaʼ angu ichughi. Ika Anɔŋisəg ya yaʼ igun Yeso ni ghù bəd aghɔn.

Lk 6:18

Bəd mbo̰ məjìm ya ghò ni zug inug mbe ne Yeso yaya chwìte bə̀ kə̀bə̀ gha wì ghuyə ìmbɔb ighɔn. Bəd mbe ne izwighi tibɔ̀ŋ yaya nàʼà ngəʼ inɔb ya yeʼe Yeso bə̀ ghù awɔb.

Lk 9:11

Anyumə̀ ne inɔ̰ bəd ya zughi gha mbɔb mbe a Bèsayidà, mbi ya beni abɔ̀ʼ məd. Wì ya niŋə awɔb ghàm anug ìfɔ̀n Ŋwiye inɔb. Wì ya bə̀ ghù bəd aghɔn ne yaya kə̀bə̀ gha wì ghuyə awɔb.

Jn 14:12

Mə gha tesiʼ inən gha, “Wə̀d ne nɔŋi ibḛfiŋ igun inum, tengàŋ biri fàʼ inug mbe ne mə fàʼà. Tengàŋ biri fàʼ iyeti inug ne chè mbo̰ imbə̀ʼ icheg ne mə̀ ya anìŋ ghò abə ìmə Mbaʼ.

Ɨ̀fàʼì 4:30

Àghò seme àze abo ghù bəd ne ghɔ̰̀ bə̀ chwi ineni ka ka bə̀ fàʼ iyeti inug inga ikum ìwi Yeso, ìwe wə̀d àfàʼì ìzḛzḛ.”

Ɨ̀fàʼì 5:15

Inug yeti yeti mbe ne bədtɔm Kristo yaya ghìyə̀ ya ghì gha bəd se nìŋə ìmbɔb bəd ighɔn ghò nɔ̀ŋɔ̀ igun mənɔnjì fɔrɔ igun tìsa iban inɔnjì ni gha, anyumə̀ ne Pità we chè, àzìŋə məd ze tì ze chè igun mbi mɔ̀ʼɔ, ghù awɔb.

Ɨ̀fàʼì 5:17

Àdeg ya sweg inga fìŋ abə atog wə̀d igun bəd mbàn Ŋwiye fɔrɔ bəd mbe ne ya yaʼi tì məd bə̀ sweg inga fìŋ abə bəd mbe ne yaʼi inga ifeti mə̀Sadùsi.

1 Kɔrèn 12:9

À ya bə̀ məyi Azwighi Ŋwiye ze amɔʼ ze nàʼà ika ni bèrì ibḛfiŋ abə wə̀d imɔʼ, bə̀ nàʼà ika ni ghù ighɔn abə wə̀d ndəŋ.

Jems 5:16

Ane, mbə̀ bḛ ìmbən inug tibɔ̀ŋ abə mə̀mbin bə̀ chàʼra Ŋwiye gha wì ghuyə bəd ne ghɔ̰̀. Ichaʼri Ŋwiye ìwi wə̀d ne təmi kòʼ ya bèrè ika bə̀ fàʼà inug kwàʼ icheg chɔm.