Ɨ̀fàʼì 4:27 - Ikan feg

²⁷ Tesiʼ ya gha, à ya kwàʼ inga ikye aben aŋa ne Erɔ̀d tì Pɔntiyos Payilèd ya bɔ̀mbì tì bəd ne kayi mə̀Ju fɔrɔ mə̀Izre ni taŋ mənaŋ igun Yeso, ìwe wə̀d àfàʼì ìzḛzḛ we ne àghò ya fə zɔʼi.

Meta’

²⁷ À yɨ rəsìʼ ni Herɔ̀d mbɨ Pailèt nyaʼa fɔtɨ mbɨ ə bə̂d mbe nɨ kaʼi mɨ̀Jû bə̀ fɔtɨ mbɨ mɨ̀Izre ɨŋga əsɨ zɔ̂, əne taŋ mɨnaŋ ɨgwɨ ə Yeso, e wə̀d ə̀fàʼì we nɨ zeŋɨ, nɨ à nyaʼa zɔʼɔ,

Ɨ̀fàʼì 4:27 ပူးပေါင်းရင်းမြစ်များ

Matìyò 14:1

Anyumə̀ we ne Yeso yaya chwìte inug a Kàpenàwum, Erɔ̀d ne yaya sàʼa Galìli ya zug inug imbə̀ʼ aməd.

Matìyò 14:3

Erɔ̀d yaya kɔ̀ndɔ ane imbə̀ʼ icheg ne wì ya fə ghì mbi gwì Jɔn kɔd niŋ ghò zì a ndəŋ imbə̀ʼ Èrodìyàs we ne ya yaʼi iweg Filib, ifi məd.

Matìyò 14:6

Aneg ne mbi ya gwi Erɔ̀d ya kòʼ, wì tɔ̀ŋi bəd gha mbe yeʼe ane iteri. Ŋwan àyi ìwi Èrodìyàs ya bin imbìghè abə bəd mbe, ghì fìŋ abə Erɔ̀d taŋ bɔ̀ŋ inga.

Matìyò 21:28

Yeso ya chè imbìghè ghà abə itog bəd mbe gha, “Mbə̰ kɔ̀ndi àzən gha? Wə̀d mɔ̀ʼɔ ya bèrì ìmbi bɔn mbaŋà məbe. Wì ya ghò abə ŋwan mbèg pè ghà ibo gha, ‹Ŋwan, ndò gho fàʼ inga mben vayìn tèchɔ̀ŋ.›

Matìyò 23:37

Yeso ya chè imbìghè gha, “O Jèrusalèm! Àghò we zwète bədkə̀n Ŋwiye bə̀ tùmbə bəd ne Ŋwiye tɔ̀mi ine ane ateg. Mə fə kə̀b ni ywìri feti ìmbe bɔn icheg ne ngɔb ngub we fète ìmbi bɔn aton ìti tibabì, si ya gha, chəyi àghò we bḛ gha mə̀ ghiyə ane.

Matìyò 27:2

Mbɔb ya chuʼri ane, gwì aməd kɔd niŋ ghò nàʼ abə Payilèd ne ya yaʼi gɔbnà.

Mk 10:33

Wì ya ghà inɔb gha, “Mbə̀ Nḛ, tì ya anìŋ kɔ̀ʼɔ ghò a Jèrusalèm. Tì mə pè angu, mbi biri nyimi Ŋwan Wə̀d nàʼ abə itog bəd mbàn Ŋwiye tì mə̀chwitì mə̀nɔ̀ʼɔ̀. Bəd mbo̰ biri sɔb isaʼi gha mbe zweti aməd. Mbi biri ghì ane, si nàʼ aməd abə bəd mbe ne kayi mə̀Ju.

Mk 15:31

À ya bə̀ ane ne itog bəd mbàn Ŋwiye tì mə̀chwitì mə̀nɔ̀ʼɔ̀ ya bə̀ chàpì aməd se ghàmà mbɔb mbɔb gha, “Wì yaya chìyè bəd ndəŋ inga ngəʼ, si ya gha, chəyi tì wì pum ìwi nyɔd!

Lk 1:35

Angirə̀ ya ywìtì ibo gha, “Azwighi Ŋwiye biri yeʼe igun ine. Ika Ŋwiyekɔʼ biri bə kəndi awe. Ane, bəd biri se kàrà ŋwan ìzḛzḛ gho̰ ne àghò biri gwi, ane Ŋwan Ŋwiye.

Lk 22:63

Bəd mbe ne yaya kyèʼrè Yeso ya ko se chàpà aməd bə̀ sɔ̀mɔ məd.

Lk 23:1

Itog bəd mbe məjìm ya niŋ Yeso ghò abə Payilèd ne yaʼi gɔbnà.

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

Lk 9:22

Wì ya si chè imbìghè gha, “Ŋwan Wə̀d biri zə̰ ngəʼ ne nɔʼi igun isəg aŋa. Itog bəd inga aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀ biri to̰ awɔb məd. Mbi biri bə zweti aməd, si ya gha, ineg biri pè ane itad, Ŋwiye zwèmne məd ane iwu.”

Jn 1:11

Wì ya yèʼe pè ghò inga aben məd. Si ya gha, chəyi bəd məd ya niŋi aməd.

Jn 10:36

Àsi mo, ìmə Mbaʼ ya zɔʼ amə chà igun isəg. Mbə̀ kə si chè iye se gha, mə zɔ̀mbɔ̀ Ŋwiye icheg ne mə gha, ‹Mo ya Ŋwan Ŋwiye›?

Jn 18:28

Isusu izimi izimi, mə̀Ju ya niŋ Yeso abə Kayifàs ghò tì məd inga ìtɔʼ Payilèd ne yaʼi gɔbnà. Chəyi itog bəd mə̀Ju ya nyi inga ìtɔʼ ze imbə̀ʼ icheg ne mbi yaya kə̀bə̀ ni ya zḛ icheg ne mə̀nɔ̀ʼɔ̀ chwi imbə̀ʼ jəg Iteri Chègun.

Jn 18:29

Payilèd ya dù yèʼe bìri inɔb gha, “Isaʼi ne mbə̀ zi igun atog abə wə̀d gho̰ àkə gha?”

Jn 19:34

Si ya gha, sogyì mɔ̀ʼɔ inga mə̀sogyì mbe, ya zùm iban ìbèn məd ane ighɔŋ. Wì ya zùm ane, anəm fɔrɔ mənib dù ane məd.

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Ɨ̀fàʼì 2:27

À ya ane imbə̀ʼ icheg ne chəyi àghò biri waʼ amə inga iseg. Chəyi àghò biri bə sàŋì gha ìwe Wə̀d ìzḛzḛ wì bɔb inga iseg.

Ɨ̀fàʼì 4:30

Àghò seme àze abo ghù bəd ne ghɔ̰̀ bə̀ chwi ineni ka ka bə̀ fàʼ iyeti inug inga ikum ìwi Yeso, ìwe wə̀d àfàʼì ìzḛzḛ.”

Mə̀Hibrù 7:26

Yeso gho̰ ya atog wə̀d igun bəd mbàn Ŋwiye ne nàʼà ighi ijìm ina. Məd ya wə̀d ne zḛ. Chəyi wì gùghi anug. Chəyi məd abɔ̀ʼ bəd inug tibɔ̀ŋ. Ŋwiye fə bə̀ nɔ̀ aməd nàʼ ati ighumni ibo ne chè iti ijìm ikaŋ àbɔ̀ŋɔ.