Ɨ̀fàʼì 4:1 - Ikan feg

¹ Bəd mbàn Ŋwiye tì atog wə̀d igun mə̀sogyì mbe ne yaya kyèʼrè mbàn Ŋwiye tì mə̀Sadùsi ya yeʼe pè kṵ̀ igun Pità tì Jɔn ne mbe kiri ghàmà abə bəd.

Meta’

¹ Ənɨ Pità mbɨ Jɔ̌n nyaʼə kɨrɨ ghàm əmbɨ ə bə̂d mbe, bə̂d mbàn Ŋwìə̀, wə̀d kyeŋ mɨ̀sɔgyɨ̀ mbe nɨ nyaʼə nəŋgɨ ə mbàn Ŋwìə̀ mbɨ mɨ̀Sadusiî nyaʼa wò jwɨ̀ ɨgwɨ mɨ̀mə̌d.

Ɨ̀fàʼì 4:1 ပူးပေါင်းရင်းမြစ်များ

Matìyò 16:12

Anyumə̀ we, àzɔb atog ya kə zen gha Yeso yaya ghà inɔb gha mbe we awɔb imbə̀ʼ inug ne mə̀Farìsi tì mə̀Sadùsi yaya chwìte, kayi imbə̀ʼ àfòrì ne mbe zìyè inga ngə̀ŋ.

Matìyò 22:16

Ane, mbi ya chà ìmbɔb mə̀mə̀nənùg tì bəd mɔ̀ʼɔ abɔ̀ʼ mə̀sə̀ʼ ìmbi ifɔn Erɔ̀d abə Yeso. Bəd mbe ya ghò pè ghà abə Yeso gha, “Àchwitìnùg, tè kyèri gha àghò we ghàmà tesiʼ. Àghò ya chwìte yaʼ tesiʼ imbə̀ʼ icheg ne Ŋwiye kə̀bi gha bəd chughi. Tè bə̀ kyèri gha chəyi àghò we bɔ bəd imbə̀ʼ icheg ne chəyi àghò we ghìyə̀ ighə.

Matìyò 27:20

Itog bəd mbàn Ŋwiye fɔrɔ bəd kyen inga aben ya to atog abə bəd ghì mbɔb ghà abə Payilèd gha wì chiye Bàrabas sàŋì si ghì mbe zwete Yeso.

Matìyò 27:41

À ya bə̀ ane ne itog bəd mbàn Ŋwiye tì mə̀chwitì mə̀nɔ̀ʼɔ̀ fɔrɔ itog bəd inga aben yaya bə̀ chàpà aməd. Mbɔb yaya ghà gha,

Matìyò 3:7

Àsi anyumə̀ ne wì ya bàri mə̀Farìsi nɔʼ nɔʼ tì mə̀Sadùsi nɔʼ nɔʼ ne yaya yèʼe gha wì naʼa mənib inɔb, wì ya ghà inɔb gha, “Mbə̰ ya kwàʼ ifighi! Àkə we pati awən gha mbə̀ nòrò abə ngəʼ kyen ze ne yèʼe?

Lk 20:1

Aneg mɔ̀ʼɔ, icheg ne Yeso yaya chwìte inug abə bəd inga ikam mbàn Ŋwiye, bə̀ chètì ikən chɔm, itog bəd mbàn Ŋwiye tì mə̀chwitì mə̀nɔ̀ʼɔ̀ fɔrɔ itog bəd inga aben mə̀Ju ya ghò ibo.

Lk 22:4

Judàs ya si ghò chùm tì itog bəd mbàn Ŋwiye fɔrɔ itog bəd abə mə̀sogyì mbe ne yaya kyèʼrè mbàn Ŋwiye, ni chuʼri icheg ne wì biri fḛ Yeso inɔb.

Jn 15:20

Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Jn 18:3

Mə̀Farìsi tì itog bəd mbàn Ŋwiye ya chà inɔ̰ mə̀sogyì fɔrɔ itog bəd mə̀Ju mɔ̀ʼɔ. Ane, Judàs ya niŋ awɔb mbi ghò ane asiŋi ze. Mbi ya ghò tì ighi ibid, fɔrɔ inam tì ikaʼi.

Ɨ̀fàʼì 4:6

Atog wə̀d igun bəd mbàn Ŋwiye ne ikum məd ya Anàs tì Kayifàs tì Jɔn tì Àlèzandà fɔrɔ bəd məjìm ne yaʼi inga inəbi atog wə̀d kyen igun bəd mbàn Ŋwiye ya bə̀ fète abɔ̀ʼ inɔb.

Ɨ̀fàʼì 5:17

Àdeg ya sweg inga fìŋ abə atog wə̀d igun bəd mbàn Ŋwiye fɔrɔ bəd mbe ne ya yaʼi tì məd bə̀ sweg inga fìŋ abə bəd mbe ne yaʼi inga ifeti mə̀Sadùsi.

Ɨ̀fàʼì 5:24

Anyumə̀ ne atog wə̀d igun mə̀sogyì mbe ne nə̀ngə mbàn Ŋwiye tì itog bəd mbàn Ŋwiye ya zughi anug azo̰, ze ya chè awɔb. Ane, ibo ya buʼrə inɔb, mbi se bìre gha, “Kə̀ àkə iku anug weg gho̰.”

Ɨ̀fàʼì 5:26

Mbi ya zug ane, atog wə̀d igun mə̀sogyì nɔ̀ʼ ghò tì mə̀sogyì pè niŋ awɔb ghò inga ichamì we. Chəyi mbi ya gwi awɔb ane ika imbə̀ʼ icheg ne mbi yaya bɔ gha bəd mbe biri tumbi awɔb ane ateg zwèti.

Ɨ̀fàʼì 6:12

Mbi ya ghì ane nɔ̀ àbùrì inga bəd fɔrɔ inga itog bəd inga aben bə̀ fɔrɔ inga mə̀chwitì mə̀nɔ̀ʼɔ̀. Ane, mbi ya gwìye Stifə̀n niŋ ghò imbìghè abə bəd ne sàʼa aben.

Ɨ̀fàʼì 6:7

Ane, Ìngam Ŋwiye ya chè imbìghè ni kweg. Inɔ̰ bəd ne yaya yètè abɔ̀ʼ mə̀mə̀nənùg inga Jèrusalèm yaya tḭ tḭ ghò gho imbìghè. Bəd mbàn Ŋwiye nɔʼ nɔʼ ya bə̀ bḛ Kristo.