Ɨ̀fàʼì 3:26 - Ikan feg

²⁶ Ŋwiye ya chɔʼ ìwi wə̀d àfàʼì bì chà aməd inən gha wì ziye àbɔrɔ̀bɔd igun inən icheg ne we ghìyə̀ mbə̰ bə̀ŋə̀ ìtən fìŋ chìyè ane inug tibɔ̀ŋ.”

Meta’

²⁶ Ŋwìə̀ nyaʼa chɔʼ i wə̀d ə̀fàʼì, bè chà əməd ɨ nən ni wɨ̀ zɨ əbɔrəbɔd ɨgwɨ nən ɨchî nɨ wɨə ghɨ ni wə̀d mɔʼ mɔʼ rəbɔʼ nən waʼ ɨnû ɨzɨg.”

Ɨ̀fàʼì 3:26 ပူးပေါင်းရင်းမြစ်များ

Matìyò 1:21

Məd biri gwi ŋwan mbaŋà. Ikum ne àghò biri chùb ibo ya Yeso imbə̀ʼ icheg ne wì biri chì ìmbi bəd inga ìmbɔb inug tibɔ̀ŋ.”

Matìyò 15:24

Yeso ya ywìtì gha, “Ŋwiye tɔm amə məyi abə bəd inga inəbi Izre mbe ne yaʼi icheg njə̀g ne nimi.”

Lk 24:47

Mbi ya bə̀ ŋwàʼrì gha, ikən chɔm gho̰ ya mbi biri chètì ane ikum məd, ni ko a Jèrusalèm ghò pè inga iben ijìm gha, Ŋwiye biri waʼ inug tibɔ̀ŋ abə bəd mbe ne bəŋi ìtɔb fìŋ sìkì inug tibɔ̀ŋ.

Jn 4:22

Mbə̰ məSàmarìyà ya ghùmnə Ŋwiye ne chəyi mbə̀ taŋ kyèri. Mba mə̀Ju ya ghùmnə Ŋwiye ne tì kyeri imbə̀ʼ icheg ne Ŋwiye fə chɔʼ yaʼ awa mba mə̀Ju, ni chwi icheg ne məd Ŋwiye biri pumni bəd.

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

Ɨ̀fàʼì 13:26

Sɔl ya chè imbìghè si gha, “Ìmbum məfi, bɔn ane aghaŋ inəbi Abràham tì mbə̰ mbe ne kayi mə̀Ju ne ghùmnə Ŋwiye, ikən we ne ghà imbə̀ʼ icheg ne Ŋwiye we pùmnə bəd fə yeʼe ina.

Ɨ̀fàʼì 2:24

Si ya gha, Ŋwiye ya zwemni aməd ane iwu, chì aməd ane ika we ne iwu beri imbə̀ʼ icheg ne chəyi iwu ya beri ika ni nyimi aməd.

Ɨ̀fàʼì 2:32

Ane, Ŋwiye ya zwemi Yeso gho̰ ane iwu. Mba mbo̰ məjìm ya bəd ne ya bàri ati.

Ɨ̀fàʼì 26:20

Mə ya bì ko ghà Ìngam Ŋwiye a Dàmaskòs, nɔ̀ʼ angu ghà a Jèrusalèm, nɔ̀ʼ angu ghà inga isiŋi ijìm inga Jùdeyà bə̀ fɔrɔ inga iben mbe ne kayi mə̀Ju. Mə yaya ghà gha bəd bəŋə ìtɔb fìŋ sìkì inug tibɔ̀ŋ bèni abɔ̀ʼ Ŋwiye. Mə yaya bə̀ ghà gha bəd se ghìyə̀ inug mbe ne chwìye gha mbi fə bə̀ŋì ìtɔb fìŋ sìkì inug tibɔ̀ŋ.

Ɨ̀fàʼì 3:13

Wə̀d ne ghi wə̀d gho̰ nɔ̀ʼ se yḛ̀ ya Ŋwiye we ne Abràham tì Jàkɔb tì Azìg fɔrɔ ìmba mə̀mbaʼ aneg yaya ghùmnə. À ya məd nàʼi ighumni abə wə̀d àfàʼì məd Yeso Kristo. Mbə̰ ya ton awən məd kwàʼ imbìghè abə Payilèd. Mbə̰ ya kə̀b àzən gha mbe zweti aməd ne Payilèd ya kə̀bi ni sàŋì aməd.

Ɨ̀fàʼì 3:15

Mbə̰ ya zweti wə̀d ne nàʼà ìtḛ̀. Si ya gha, Ŋwiye ya zwemni aməd ane iwu. Mba mbo̰ ya bàd anug ne ya che.

Ɨ̀fàʼì 3:20

Mbə̰ mə̀ ghì ane, Anɔŋisəg biri ghì ìtən fìŋ zùtì. Wì biri chà wə̀d we ne məd zɔʼi ne ya Yeso, inən.

Ɨ̀fàʼì 3:22

À ya kwàʼ icheg ne Muse ya gha: ‹Anɔŋisəg, ìwən Ŋwiye biri ghum chɔʼ wə̀dkə̀n mɔ̀ʼɔ inga ìwən inɔ̰ ne yaʼi icheg inum, chà inən. Mbə̰ mənyìʼ zùgri inug ijìm mbe ne məd biri ghà inən gha mbə̀ faʼa.

Ɨ̀fàʼì 3:25

Inug ijìm mbe ne Ŋwiye ya ghum kàʼ anjìm bədkə̀n məd ya inən. Mbə̰ bə̀ bèrì ati inga ikan we ne məd ya wàri tì ìmbən mə̀mbaʼ aneg icheg ne wì ya gha abə Abràham gha: ‹Mə biri zì àbɔrɔ̀bɔd igun wə̀d ijìm igun isəg anjìm àze aghaŋ inəbi.›

Rm 1:16

Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Rm 15:29

Mə kyèri gha anyumə̀ ne mə̀ yèʼe, mə biri ghì mbə̰ bèrì àbɔrɔ̀bɔd ajìm ze ne Kristo ya nàʼà.

Rm 15:8

Mə ya anìŋ ghà inən gha, Kristo ya bə̀ŋə ane wə̀d àfàʼì abə mə̀Ju ni chwiti gha Ŋwiye we ghìyə̀ inug mbe wì ya kàʼi abə ìmbɔb mə̀mbaʼ te aneg.

Efesùs 1:3

Tì ghumni Ŋwiye ne yaʼi Mbaʼ abə ìwa Anɔŋisəg Yeso Kristo. Icheg ne tì yaʼi ane ifɔti tì Yeso Kristo, Ŋwiye ghì ìchɔ̀mì ina bə̀ ghì Azwighi məd zì àbɔrɔ̀bɔd ne nɔ̀ʼi ikaŋ àbɔ̀ŋɔ igun ina.

1 Pità 1:3

Tì nàʼ ighumni abə Ŋwiye. Məd ya Mbaʼ abə ìwa Anɔŋisəg Yeso Kristo. Wì taŋ bèrì àsɔ̀mnəfiŋ igun ina, ghì gha tì jəg ìtḛ̀ feg icheg ne wì ghi Yeso Kristo zwème ane iwu. Anug azo̰ ghì gha tì nɔŋɔ ikɔndi ghɔ̀m inug mbe ne Ŋwiye kàʼi ina.

1 Pità 3:9

Imbə̀ʼ mbə̰ si ywìye awən anug tibɔ̀ŋ igun anug tibɔ̀ŋ, kə̀ zɔ̀mbì wə̀d ne zɔmbi awən. Wə̀d mə ghì anug tìbɔŋ inən, mbə̀ ghiyə yaʼ anug chɔm abə tengàŋ. Wə̀d mə zì ndɔ̀n igun inən, mbə̀ ziye yaʼ àbɔrɔ̀bɔd igun tengàŋ. Àbɔrɔ̀bɔd ya aghi ne Ŋwiye ya kàʼi ni nàʼ inən anyumə̀ ne wì ya kàri awən.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.