Ɨ̀fàʼì 28:8 - Ikan feg

⁸ Mbaʼ Poblìyùs we ya yaʼ igun abaʼ tì ifə fɔrɔ nṵ. Pɔl ya ghò ni kyèʼì aməd, pè chàʼrà Ŋwiye, nɔ̀ŋì ìmbi ibo igun məd, ghù aməd.

Meta’

⁸ Mbǎʼ Pobliùs wɨə nyaʼa ɨgun əbàʼ mbɨ ɨfə fɔrɨ nu. Pɔ̂l nyaʼa wò nèŋgɨ̀ əməd, pè kɔ̀ŋgɨ̀ ə Ŋwiə̀, zab mbi ɨbɔ ɨgwɨ məd, vɨ̀ əməd.

Ɨ̀fàʼì 28:8 ပူးပေါင်းရင်းမြစ်များ

Matìyò 10:1

Yeso ya tɔŋi ìmbi mə̀mə̀nənùg mbe ìghum chɔ̀b ibe, nàʼ ika inɔb gha mbe kamni izwighi tibɔ̀ŋ chì inga bəd, bə̀ ghù aku aghɔn ajìm.

Matìyò 10:8

Mbə̀ ghuyə ighɔn, zwèmni iwu bəd, ghù bəd ne ghɔ̰̀ àwàrikə̀m bə̀ kàmni izwighi tibɔ̀ŋ chì inga bəd. Mə fə nàʼ ika gho̰ inən ako, ane, mbə̀ bə fàʼ abə bəd ako.

Matìyò 12:13

Yeso ya ghàm ane, ghàbri ghà abə wə̀d we ne abo ya gwiʼe gha, “Sème àze abo.” Wə̀d we ya sèmì àzi abo kwàʼ ati ze sèmbè si yaʼ icheg àzin.

Matìyò 9:18

Anyumə̀ ne Yeso yaya kiri ghàmà inug mbo̰, wə̀d mɔ̀ʼɔ ne yaʼi atog wə̀d inga ichamì Ŋwiye ya yeʼe pè gɔ̀m itog inwḭ aseg ibo imbìghè, ghà ibo gha, “Àmə ŋwan àyi cherè kùyə məyi amad anìŋ. Àghò yeʼe nɔ̀ŋì ìmbe ibo igun məd wì zweme.”

Mk 16:18

mbi biri nyimi jo ane ìmbɔb ibo; anyumə̀ ne mbi no iniʼi, chəyi wì biri ghì aghi mɔ̀ʼɔ inɔb; mbi biri nɔ̀ŋì ìmbɔb ibo igun bəd aghɔn, ighɔn mèg.”

Mk 5:23

boʼ ibo ibo ane fìŋ ijìm gha, “Ìmə Ŋwan àyi kwa kwa we fə taŋ ghɔ̰̀. Məd fə se ane nḛ̀ ni ku. Mə boʼ ibo ine, àghò yeʼe nɔ̀ŋì ìmbe ibo igun məd, aghɔn meghe, wì tḛ.”

Mk 6:5

Chəyi wì ya ghi anug yeti yeti mɔ̀ʼɔ angu, chèyi ane icheg ne wì ya nɔŋi ìmbi ibo igun bəd mɔ̀ʼɔ kwa kwa ne ghɔ̰̀, ghù awɔb.

Mk 7:32

Anyumə̀ ne wì ya che inga Dèkapolìs, bəd mɔ̀ʼɔ ya niŋ wə̀d ne koro, ne yaya bə̀ kə̀bə̀ icheg ni ghàm ghò ibo. Mbi ya ghò ane, boʼ ibo gha wì nɔŋɔ ìmbi ibo igun wə̀d we.

Lk 13:13

Anyumə̀ ne wì ya gha ane, wì ya nɔ̀ŋì ìmbi ibo igun məd. Kwàʼ anyumə̀ we, nyɔd məd sèmbè. Wì se ghùmnə Ŋwiye.

Lk 4:40

Ane achwi ya fḛ, mbi ya niŋ bəd məjìm ne ya beri ighɔn aku aku, ghò abə Yeso. Wì nɔ̀ŋì ibo igun inɔb ghù awɔb.

Ɨ̀fàʼì 28:7

Wə̀d we ne yaya tùmbə̀ Maltà, ne ikum məd ya Poblìyùs, ya bèrì mben iban asiŋi ze. Ane, wì ya niŋ awa ibo achan, nə̀ngi awa ane ineg itad.

Ɨ̀fàʼì 28:9

Anyumə̀ ne wì ya ghi ane, àbùʼì bəd aghɔn mbe inga asiŋi ze yaya yèʼe abə Pɔl, wì ghuyə awɔb.

Ɨ̀fàʼì 9:40

Pità ya chà awɔb mbɔb məjìm isəg, gɔ̀m itog inwḭ aseg, chàʼra Ŋwiye, si ghàbri nyɔd nèn awu wə̀d ze, ghà gha, “Tàbità, Nɔ̀ʼɔ titighe!” Tàbità ya fìʼì aghə. Anyumə̀ ne wì ya bàri Pità, wì ya nɔ̀ʼ chùghi.

1 Kɔrèn 12:28

Ŋwiye fə chɔʼ bəd inga ifeti bəd Kristo. Bəd mbègtog ya bədtɔm Kristo. Bəd ne bène abɔ̀ʼ ya bədkə̀n Ŋwiye. Bəd ne pè ane itad ya mə̀chwitinùg. Bɔŋ se nàʼà abə bəd ne ghìyə̀ iyeti inug, tì bəd ne beri tineʼi ni ghù ighɔn, tì bəd ne nàʼà àwètì abə mə̀mbin, tì bəd ne kyeri icheg ni saʼ bəd, tì bəd ne ghàmà ane tìngam iben ndəŋ.

1 Kɔrèn 12:9

À ya bə̀ məyi Azwighi Ŋwiye ze amɔʼ ze nàʼà ika ni bèrì ibḛfiŋ abə wə̀d imɔʼ, bə̀ nàʼà ika ni ghù ighɔn abə wə̀d ndəŋ.