Ɨ̀fàʼì 28:31 - Ikan feg

³¹ Wì yaya ghàmà imbə̀ʼ anug ìfɔ̀n Ŋwiye, bə̀ chwìte inug imbə̀ʼ Anɔŋisəg Yeso Kristo asaŋ asaŋ ne chəyi we bɔ. Chəyi wə̀d mɔ̀ʼɔ ne ya gha ibo gha imbə̀ʼ wì ghàmà yi.

Meta’

³¹ Ɨ wɨə nyaʼə ghà ɨmbə̀ʼ ənû ɨfɔ̀n ə Ŋwiə̀, bə̀ chwi ɨnû ɨmbə̀ʼ Ə̀nùŋɨ̀sɨg Yeso Kristo əsaŋ əsaŋ mbɨ ə fîŋ nɨ kǎ. Chəi wə̀d mɔʼɔ nyaʼa kən əməd.

Ɨ̀fàʼì 28:31 ပူးပေါင်းရင်းမြစ်များ

Matìyò 4:23

Yeso yaya yḛ̀ mà isiŋi ijìm inga Galìli. Wì yaya nè chwìte inug inga ìmbɔb məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya ghùyə̀ aku aghɔn ajìm ne yaʼi igun bəd.

Mk 1:14

Anyumə̀ ne mbi ya gwi Jɔn ghò zì inga nəb ndəŋ, Yeso ya ghò a Galìli pè ko ghàm ikən chɔm imbə̀ʼ anug ìfɔ̀n Ŋwiye.

Lk 8:1

Chəyi agha ya sa, Yeso yaya yḛ̀ iben iben nè chètè ikən chɔm bə̀ nè ghà anug ìfɔ̀n Ŋwiye. Bədtɔm məd mbe ìghum chɔ̀b ibe yaya yḛ̀ abɔ̀ʼ məd.

Ɨ̀fàʼì 1:3

Anyumə̀ ne wì ya zweme ane iwu, wì ya chwiti ìwi nyɔd inɔb kwàʼ tì ineni nɔʼ nɔʼ, ni chwi gha zìye we yi izɔm. Wì ya chughi tì inɔb ane ineg ìghum ikwè bə̀ ghàm inɔb imbə̀ʼ anug ìfɔ̀n Ŋwiye.

Ɨ̀fàʼì 20:25

Amad anìŋ, mə kyèri gha chəyi wə̀d mɔ̀ʼɔ abɔ̀ʼ inən biri ywìri bàd amə. Mə ya ghà mbə̰ mbe ne mə̀ yaya yḛ̀ nè ghàmà anug ìfɔ̀n Ŋwiye inən.

Ɨ̀fàʼì 23:11

Àsi izimi we, Anɔŋisəg ya dù təm iban Pɔl ghà ibo gha, “Imbə̀ʼ àghò bɔ awe ka. Kwàʼ icheg ne àghò ghàmi imbə̀ʼ amə a Jèrusalèm aŋa, àghò biri bə ghàm imbə̀ʼ amə a Rom.”

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Ɨ̀fàʼì 28:30

Pɔl ya chughi angu ane tituʼ ibe inga nəb ne wì ya niŋi se chùghə nàʼà ikab. Məd yaya nìŋə bəd məjìm mbe ne yaya ghò ibo inga nəb kwàʼ icheg chɔm.

Ɨ̀fàʼì 4:29

Àghò, Anɔŋisəg, nḛ icheg ne mbe sìbè awa, si nàʼ ika abə ìmbe bəd àfàʼì mbe chete ìwe ìngam ne chəyi mbe bɔ.

Ɨ̀fàʼì 4:31

Anyumə̀ ne mbi ya chàʼra Ŋwiye mànì, asiŋi ze ne mbɔb ya fete angu ya ghùd. Azwighi Ŋwiye ya sweg inga inɔb mbɔb məjìm, mbɔb se chètè Ìngam Ŋwiye ne chəyi mbe ywìrè bɔ.

Ɨ̀fàʼì 5:42

Mbi ya chè imbìghè ni chwiti inug abə bəd ineg ijìm bə̀ ghà ikən chɔm inga mbàn Ŋwiye fɔrɔ anəb anəb gha Yeso ya Wə̀d we ne Ŋwiye zɔ̀ʼi.

Ɨ̀fàʼì 8:12

Si ya gha, anyumə̀ ne mbi ya zughi ikən chɔm imbə̀ʼ anug ìfɔ̀n Ŋwiye bə̀ zug ikən chɔm imbə̀ʼ Yeso Kristo ne Filip yaya ghà, mbaŋà fɔrɔ mə̀yi ya bḛ bə̀ niŋ mənib.

Fìlipì 1:14

Anug azo̰ ne mbi zi amə inga nəb ndəŋ fə ghì gha atog ndàn bəd mbe ne bḛ Anɔŋisəg, mbe taŋ bèrì fìŋ ni ghàm Ìngam Ŋwiye gho gho imbìghè ne chəyi mbe bɔ wə̀d mɔ̀ʼɔ ka.

2 Timotì 2:9

À ya imbə̀ʼ ikən chɔm gho̰ ne mə zə̰ ngəʼ, ne mbi kɔri amə ane mə̀chen icheg wə̀d inug tibɔ̀ŋ. Si ya gha, chəyi tì mbi kɔd Ìngam Ŋwiye.

2 Timotì 4:17

Mbi ya ghì ane, si ya gha, Anɔŋisəg ya təm abɔ̀ʼ inum, nàʼ ika inum. Ane, Anɔŋisəg ya wètì amə, ghì mə ghàm Ìngam Ŋwiye ijìm abə bəd məjìm mbe ne kayi mə̀Ju, mbi zug. Anɔŋisəg ya bə̀ chì amə ichug iwu imbə̀ʼ icheg ne mbi ya fə nɔ̀ŋì gha mbi biri zweti amə.