Ɨ̀fàʼì 28:30 - Ikan feg

³⁰ Pɔl ya chughi angu ane tituʼ ibe inga nəb ne wì ya niŋi se chùghə nàʼà ikab. Məd yaya nìŋə bəd məjìm mbe ne yaya ghò ibo inga nəb kwàʼ icheg chɔm.

Meta’

³⁰ Pɔ̂l nyaʼa chub əŋgu ɨghəm ɨwu be ɨ swi. Ɨ wɨə nyaʼə chub ɨŋga nəb nɨ wɨ̀ nyaʼə chwɨə. Ɨ wɨə nyaʼə nɨŋə bə̂d mɨjìm mbe nɨ nyaʼə wò əsɨ məd.

Ɨ̀fàʼì 28:30 ပူးပေါင်းရင်းမြစ်များ

Jn 1:39

Wì ya ywìtì gha, “Àmə yaʼ ane, mbə̀ yeʼe bàd.” À ya yaʼ icheg ane mə̀nyùmə̀ məkwè tisi ne mə̀mə̀nənùg mbe ya beni abɔ̀ʼ Yeso ghò a asiŋi ne wì yaya chùghə. Mbɔb ya chughi tì məd anene aneg ze chè.

Ɨ̀fàʼì 19:21

Anyumə̀ ne anug imbə̀ʼ bɔn ìmbi Sefà ya fə che, Pɔl ya nɔ̀ŋì inga ìzi fìŋ ni chè a Màsèdonìyà bə̀ chè a Akìyà ghò a Jèrusalèm. Wì ya gha, “Mə mə̀ pè angu, mə mənyìʼ ghò pè a Rom.”

Ɨ̀fàʼì 24:27

Tituʼ ya chè tibe, Posìyòs Festùs jəg atən abə Feligs icheg gɔbnà. Icheg ne Gɔbnà Feligs yaya kə̀bə̀ ni ghì ìchɔ̀mì abə mə̀Ju, wì ya sàŋì Pɔl inga nəb ndəŋ .

Ɨ̀fàʼì 28:16

Anyumə̀ ne tì ya pe a Rom, mbi ya sàŋì Pɔl gha wì chughi yi ane ìwi ighəm. Wì yaya chùghə tì sogyì we ne yaya nə̀ngə aməd.

Ɨ̀fàʼì 28:29

Anyumə̀ ne Pɔl ya fə gha inug mbo̰, mə̀Ju mbe ya dù nè tàŋà mbɔb mbɔb kwàʼ ane gì ka ka.]

Ɨ̀fàʼì 28:31

Wì yaya ghàmà imbə̀ʼ anug ìfɔ̀n Ŋwiye, bə̀ chwìte inug imbə̀ʼ Anɔŋisəg Yeso Kristo asaŋ asaŋ ne chəyi we bɔ. Chəyi wə̀d mɔ̀ʼɔ ne ya gha ibo gha imbə̀ʼ wì ghàmà yi.

Rm 15:32

Mbə̀ ghiyə ane ni gha Ŋwiye mə bḛ, mə biri yeʼe ni bàd awən nè gyènde. Ane, mba məjìm biri bèrì àzùtì.

2 Kɔrèn 11:23

Mbɔb kə bəd àfàʼì Kristo? Mo inum ya bə̀ wə̀d àfàʼì Kristo ne beri ati chè awɔb. Mə ya ghàmà anìŋ icheg atəd: Mə kirə ika ane ìfàʼì chè awɔb. Mə nyi ndəŋ aghəm nɔʼ nɔʼ. Mbe bə̀ ywìri mə aghəm nɔʼ nɔʼ. Mə bə̀ ghò pè ichug iwu aghəm nɔʼ nɔʼ.

2 Kɔrèn 6:5

kə̀ nyùmə̀ ne mbe ywìre awa, kə̀ nyùmə̀ ne mbi zi awa inga nəb ndəŋ, kə̀ nyùmə̀ ne mbi bughi ndum ni zweti awa, kə̀ nyùmə̀ ne àfàʼì ze kà bə̀ nɔ̀ʼ, kə̀ nyùmə̀ ni neg ikyèʼi, kə̀ nyùmə̀ njèg.

Fìlipì 1:13

Anug ze fə ghì gha mə̀sogyì məjìm mbe ne kyèʼè ìtɔʼ, fɔrɔ bəd ndəŋ məjìm ne yaʼi inga ìtɔʼ, mbe kyeri gha mə ya anìŋ inga nəb ndəŋ imbə̀ʼ Kristo.

2 Timotì 1:17

Anyumə̀ ne wì ya yeʼe a Rom, wì ya kə̀b amə anene, bàd.

2 Timotì 4:2

Àghò ghama Ìngam Ŋwiye abə bəd. Chuʼri ìwe nyɔd ni gha àghò mənyìʼ ghàm Ìngam Ŋwiye mà nyumə̀ ijìm, kə̀ bəd kɔ̀ŋ ni zug kə̀ chəyi. Àghò ghiyə gha bəd mbe ne ghìyə̀ inug ne chəyi mbi koʼi, mbe kɔpɔ. Àghò ghama gaŋ abə bəd ne ghìyə̀ inug tibɔ̀ŋ. Nyimbi fìŋ ni nəri bəd bə̀ nàʼ tikə inɔb.