Ɨ̀fàʼì 27:20 - Ikan feg

²⁰ Anyumə̀ ne chəyi nyùmə̀ kə̀ titem-məg ya du ikaŋ ane ineg nɔʼ nɔʼ, fɔrɔ icheg ne afim ze yaya kà yi ka ghò imbìghè, chəyi tì ya ywìrì nɔ̀ŋì ikɔndi gha wə̀d mɔ̀ʼɔ biri tèn.

Meta’

²⁰ Ənɨ chəi nyùmə̀ kɨ̀ rɨtəmɨ nyaʼa jwɨ əton ɨkaŋ ɨni nɔnɔʼ, mbɨ ɨchî nɨ əfim ze ə nyaʼa kǎ kǎ wò ɨmbì, tɨ̀ nyaʼa waʼ tɨkɔndɨ rɨjìm ni tɨ̀ we tɨ̀ rɨ̀ jwɨ̀ rəŋgəʼ.

Ɨ̀fàʼì 27:20 ပူးပေါင်းရင်းမြစ်များ

Matìyò 24:29

Yeso ya chè imbìghè ghà abə mə̀mə̀nənùg məd gha, “Kwàʼ anyumə̀ ne ineg ngəʼ mbo̰ fə mèghi, ‹nyùmə̀ biri fin. Chəyi iməg biri ya bə̀ zùʼə. Titəm iməg biri nɔ̀ʼ inga àbɔ̀ŋɔ fèndi aseg. Ŋwiye biri chì ighi mbe ne yaʼi ikaŋ àbɔ̀ŋɔ igun ìmbɔb iti.›

Ɨ̀fàʼì 27:19

Anyumə̀ ne ineg ya pè ane itad, mbi ya chì isiŋi mɔ̀ʼɔ ane abaŋ igyi ze màʼrà igyi.

Ɨ̀fàʼì 27:21

Icheg ne bəd məjìm mbe ne ya yaʼi inga abaŋ igyi ya chughi ane ineg nɔʼ nɔʼ ne chəyi mbi jəghi aghi mɔ̀ʼɔ, Pɔl ya nɔ̀ʼ təm inɔb inga ìsàn ghà inɔb gha, “Məmbe, nji mbə̰ ya zug anug ne mə̀ ya ghà inən, chùghi a Kred. Àkə aghi ne mbə̀ ya zughi, nji chəyi afim chiki abaŋ igyi azo̰. Nji chəyi tì bə nìmni ighi mbo̰ ne tì maʼri inga igyi.

2 Kɔrèn 11:25

MəRom ya boʼ mə ane mbàŋì aghəm atad. Mbi ya tumbi mə ane ateg ighə̀m imɔʼ. Mə ya chwed iwu ne abaŋ igyi ya sanda tì inum inga aghəm atad. Mə ya zi zi ni nəŋ igun igyi tìbà bə̀ neg ighə̀m imɔʼ.

Efesùs 2:12

À ya yaʼ anyumə̀ we, chəyi mbə̰ ya yaʼi ane ifɔti tì Kristo. Chəyi mbə̰ ya bə yaʼ bəd Izre. Chəyi mbə̰ ya beri apan ane ikan we ne Ŋwiye ya kàʼi abə ìmbi bəd. Chəyi mbə̰ ya bə yaʼ bəd Ŋwiye. Mbə̰ ya yaʼ igun isəg aŋa ne chəyi mbə̀ ya nɔŋi ikɔndi igun Ŋwiye.

1 Tèsàlonikà 4:13

Ìmba məfi fɔrɔ ìta njàbi, tì kə̀b gha mbə̀ kyeri tesiʼ imbə̀ʼ bəd mbe ne fə ku. Chəyi tì kəbi gha mbə̀ ya sɔ̀mnɔ̀ imbə̀ʼ awɔb icheg mə̀mbin ne chəyi mbi beri ikɔndi gha mbi biri yaʼ abɔ̀ʼ Ŋwiye.