Ɨ̀fàʼì 26:10 - Ikan feg

¹⁰ Mə yaya ghìyə̀ ane inga Jèrusalèm. Itog bəd mbàn Ŋwiye ya nàʼ ika inum gha mə wupə bəd Kristo nɔʼ nɔʼ inga nəb ndəŋ . Anyumə̀ ne mbi ya niŋi isɔbi anug gha mbe zweti awɔb, mə̀ ya bə̀ bḛ.

Meta’

¹⁰ Mə wɨə nyaʼə ghɨ̀ əne ə Jèrusalèm. Bə̂d kyeŋ mbe rɨ ə mbàn Ŋwìə̀ nyaʼa nàʼ ɨka ɨ num ni mə wupɨ bə̂d Kristo nɔnɔʼ ə nəb ndəŋ. Ənɨ mbɨ nyaʼa sob ni mbɨ zwiirɨ mɨ̀mə̌d, mə nyaʼa bə̀ benɨ.

Ɨ̀fàʼì 26:10 ပူးပေါင်းရင်းမြစ်များ

Ɨ̀fàʼì 7:58

Mbi ya niŋ aməd sùŋì aseg, dù inga ikye aben, ghò màʼ anjìm isəg, tùmbi ane ateg, wì ku. Bəd mbe ne yaya tùmbə aməd ane ateg ya chì ìtɔb ndwigun nɔ̀ŋì iban ighog abə ajɔŋ mɔ̀ʼɔ ne ikum məd ya Sɔl.

Ɨ̀fàʼì 8:1

Sɔl ya bḛ gha mbe zweti Stifə̀n. Kwàʼ igun aneg ze ne mbi ya zweti Stifə̀n, bəd ya taŋ zì atog ane anug ni chɔʼ ibɔʼì ighog abə bəd Kristo a Jèrusalèm. Bəd Kristo mbe məjìm ya sàkà ghò inga iba iben mbe a Jùdeyà fɔrɔ a Sàmarìyà. À ya məyi bədtɔm Kristo ya si tèn a Jèrusalèm.

Ɨ̀fàʼì 8:3

Sɔl ya ko anug ni nimni bəd Kristo. Ane, wì ya ko se nyḭ̀yḛ anəb anəb nè chìyè bəd mbe ne ya bḛ Kristo, mbaŋà fɔrɔ mə̀yi, ghò zìyè inga nəb ndəŋ .

Ɨ̀fàʼì 9:21

Bəd məjìm mbe ne ya zughi anug ne wì yaya ghà, ya yeti se bìre gha, “Àkə kayi wə̀d we ne yaya nàʼà ngəʼ abə bəd mbe a Jèrusalèm ne kàrà ikum gho̰? Imbə̀ʼ wì yèʼe aŋa anìŋ ni gwìtì bəd mbe ne ghùmnə wə̀d we ne mbe kàrà ane Yeso? Wì biri gwìti kɔd, si niŋ ghò nàʼ abə itog bəd mbàn Ŋwiye.”

Ɨ̀fàʼì 9:26

Anyumə̀ ne Sɔl ya gho a Jèrusalèm, wì ya kə̀b ni fɔti abɔ̀ʼ mə̀mə̀nənùg. Si ya gha, mbɔb məjìm yaya bɔ aməd imbə̀ʼ icheg ne chəyi mbi ya kiri bḛ gha məd ya wə̀d mɔ̀ʼɔ abɔ̀ʼ bəd mbe ne bḛ Kristo.

Ɨ̀fàʼì 9:32

Icheg ne Pità yaya yḛ̀ inga isiŋi mbe ijìm, wì ya bə̀ swìʼi ghò mùg tì bəd Ŋwiye mbe ne yaya chùghə a Lidà.

Ɨ̀fàʼì 9:41

Pità ya nyimi abo ibo, wètì aməd gha wì təm titighe. Anyumə̀ ne wì ya ghì ane, wì ya kàrì bəd mbe ne ya bḛ Kristo bə̀ kàrì məku àyi mbe, chwi Tàbità inɔb izɔm.

1 Kɔrèn 15:9

Mo ya wə̀dtɔm Kristo ne kə chè bədtɔm Kristo məjìm. Chəyi mə̀ bi kòʼ ni gha mbe kàrà amə ane wə̀dtɔm Kristo imbə̀ʼ icheg ne mə yaya chɔ̀ʼɔ ibɔʼì ighog abə ifeti bəd Ŋwiye.

Gàlesìyà 1:13

Mbə̰ ya fə zug icheg ne mə̀ yaya zìyè atog ane àza anug Ŋwiye mə̀Ju. Mə ya taŋ chɔʼ ibɔʼì ighog abə bəd inga ifeti bəd Ŋwiye bə̀ kə̀b ni fə nimni awɔb nimni.

Efesùs 1:1

À ya mo Pɔl ne Ŋwiye ya chɔʼi amə gha mə yaʼ wə̀dtɔm Kristo icheg ne məd Ŋwiye kə̀bi ŋwàʼri àŋwàʼrì azo̰. Mə ya ŋwàʼrà anìŋ abə bəd Ŋwiye mbe a Efesùs ne yaʼi ane ifɔti tì Yeso Kristo.

Ɨnû 17:6

Mə ya bàd gha àyi we ya fə no anəm bəd Ŋwiye bə̀ no anəm bəd mbe ne yaya chètè inug imbə̀ʼ Yeso. Wì ya no ane be. Anyumə̀ ne mə̀ ya bàri aməd, mə̀ ya yeti chè ati.