Ɨ̀fàʼì 24:25 - Ikan feg

²⁵ Pɔl ya chè imbìghè ghàm imbə̀ʼ anug ni təm kòʼ, anug ni nyimbi nyɔd fɔrɔ anug imbə̀ʼ aneg ze ne yèʼe ne Ŋwiye biri saʼ bəd. Gɔbnà Feligs ya bɔ si ghà abə Pɔl gha, “Àghò saŋa awe ane, ghò awe. Anyumə̀ ne mə̀ biri bèrì apan chɔm, mə biri kàrì awe.”

Meta’

²⁵ Àyɨə ənɨ Pɔ̂l nyaʼə kɔ gha ɨmbə̀ʼ ɨnû nɨ kuʼnɨ, ɨmbə̀ʼ ənû nɨ yimbɨ ɨnyod bə̀ fɔrɨ ɨmbə̀ʼ ənû nɨ Ŋwiə̀ bɨrɨ saʼ wə̀d jìm, Felìz nyaʼa bɔ ghà ni, “À we tɨ̀ à sɨ wò e rɨ̀nîn. Ənɨ mə wɨrɨ berɨ əpan ə cherə, mə bɨrɨ tɔŋ e.”

Ɨ̀fàʼì 24:25 ပူးပေါင်းရင်းမြစ်များ

Matìyò 22:5

Wì ya jiʼì kàrì awɔb ane, si ya gha, chəyi mbɔb ya nɔŋi atog ane inami we. Mbi ya nɔ̀ŋì atog yaʼ ane ìmbɔb inug ndəŋ. Bəd mɔ̀ʼɔ ya ghò awɔb yaʼ inga ìtɔb mben. Mə̀mbin ya ghò awɔb yaʼ iywin.

Jn 16:8

Anyumə̀ ne wì yèʼe, wì biri ghì bəd ne yaʼi igun isəg kyeri gha inug mbe ne mbɔb mbe ghìyə̀ ya inug tibɔ̀ŋ, bə̀ kyèri gha ikuchèg Ŋwiye təm kòʼ, bə̀ kyèri gha Ŋwiye biri saʼ bəd ane icheg ne koʼi.

Ɨ̀fàʼì 10:42

Wì ya ghà ina gha tì gha Ìngam Ŋwiye abə bəd bə̀ ghì bəd kyeri gha məd ya Wə̀d we ne Ŋwiye chɔ̀ʼi nɔ̀ŋì gha wì saʼ bəd ne yaʼi izɔm tì bəd ne fə ku.

Ɨ̀fàʼì 17:13

Anyumə̀ ne mə̀Ju mbe a Tèsàlonikà ne chəyi mbi ya bḛ Kristo ya zughi gha Pɔl we se ghàmà Ìngam Ŋwiye a Bèriyà, mbi ya ghò angu pè ko se chìkə̀ fìŋ abə bəd bə̀ to bəd gha mbe bughə ndum.

Ɨ̀fàʼì 17:2

Pɔl ya ghò nyi inga ichamì Ŋwiye we icheg ne wì yaya nḛ ghò aghəm ijìm. Wì yaya tòʼrò Ìngam Ŋwiye abə mə̀Ju mbe ne ya yaʼi angu igun ineg àzwètì mə̀Ju ane ìkàb itad.

Ɨ̀fàʼì 17:32

Anyumə̀ ne mbi ya zughi icheg ne Pɔl ya ghàmi imbə̀ʼ anug ni zweme ane iwu, bəd mɔ̀ʼɔ ya chàtì aməd. Si ya gha, mbi mɔ̀ʼɔ ya gha, “Tì kə̀b ni ywìri zug anug azo̰ ighəm ndəŋ.”

Ɨ̀fàʼì 2:37

Anyumə̀ ne bəd mbe ya zughi anug ze, ze ya nàʼ ngəʼ inɔb inga fìŋ, mbi si bìri abə Pità fɔrɔ abə mbin tì bədtɔm gha, “Ìmba məfi, ze kə anìŋ tì ghənə?”

Ɨ̀fàʼì 24:15

Mə nɔ̀ŋì ìmə ikɔndi se ghɔ̀mɔ̀ Wə̀d we ne Ŋwiye ya kàʼi icheg ne mbɔb mbe bə̀ ghɔ̀mɔ̀. Ikɔndi we ya gha, bəd ne təmi kòʼ imbìghè abə Ŋwiye fɔrɔ bəd mbe ne chəyi mbi təm kòʼ, mbi biri ghum zweme ane iwu.

Ɨ̀fàʼì 24:26

Wì yaya bə̀ kɔ̀ndɔ gha Pɔl biri nàʼ ikab mɔ̀ʼɔ ibo anjìm anjìm. Àze ya ghì wì ywirì kə chà bəd gha mbe kara Pɔl wì yeʼe mbɔb mughə.

Ɨ̀fàʼì 26:28

Ifɔn Agripà ya biri abə Pɔl gha, “Àghò kɔ̀ndi gha àghò we tì àghò niŋ məyi iki nyumə̀ ghì mə bə̀ŋə̀ ane wə̀d Kristo?”

Ɨ̀fàʼì 9:6

Nɔ̀ʼɔ amad anìŋ ghò nyi inga Dàmaskòs. Anyumə̀ ne àghò pe angu, wə̀d mɔ̀ʼɔ biri zən awe mə̀tì anug ne àghò mənyìʼ fàʼ.”

Rm 12:1

Ìmbum məfi fɔrɔ ìtum njàbi, mə̀ ya anìŋ nə̀rə awən gha, icheg ne Ŋwiye chwi àsɔ̀mnəfiŋ igun ina, mbə̀ naʼa ìtən nyàmnyɔd abə Ŋwiye icheg aghi àfàtì ìzḛzḛ ne kiri biri izɔm ne Ŋwiye biri kɔ̀ŋ. À ya ikuchèg ne bɔŋi ni ghumni Ŋwiye ya iwe.

Rm 14:12

Wə̀d imɔʼ imɔʼ biri ghum təm imbìghè abə Ŋwiye mə̀tì ìfàʼì mbe ne wì yaya fàʼà igun isəg fɔrɔ aton ne wì ya fàʼi inug mbe.

Rm 2:16

Aŋa ya icheg ne ze biri yaʼ igun aneg ze ne Ŋwiye biri chè anjìm Yeso Kristo ni saʼ bəd ane inug ijìm fɔrɔ inug mbe ne mbi ya ghi inə̀mbi icheg ne mə̀ ya gha inən inga ikən chɔm.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

2 Kɔrèn 5:10

Tì ya ghìyə̀ ane imbə̀ʼ icheg ne mba məjìm biri ghum təm imbìghè abə Kristo ane isaʼi. Wì biri saʼ awa, wə̀d imɔʼ imɔʼ si niŋ ìwi ineʼi ane icheg ne wì ya fàʼi inug igun isəg aŋa, kə̀ àkə inug chɔm kə̀ inug tibɔ̀ŋ.

2 Kɔrèn 6:2

Imbə̀ʼ mbə̰ nɔ̀ʼ sàŋì imbə̀ʼ icheg ne Ŋwiye ghà gha, “Anyumə̀ ne nyùmə̀ ya kòʼi inum ni ghì ìchɔ̀mì, mə ya zug anug ne àghò yaya ghà. Aneg ze ne mə̀ yaya pùmnə bəd, mə ya pumni awe.”

Gàlesìyà 3:22

Si ya gha, Ìngam Ŋwiye ghà gha, inug tibɔ̀ŋ mbe kɔ̀rɔ bəd məjìm inga isəg. Ìngam Ŋwiye ghà ane ni ghì gha bəd kyeri gha, aghi ze ne mbi ya kàʼi ni nàʼ abə bəd anjìm ìwɔb ibḛfiŋ igun Ŋwiye ze tì mbi nàʼ məyi abə bəd mbe ne bḛ Yeso Kristo.

Gàlesìyà 5:23

anug ni ya bɔ̀tɔ, anug ni ya nyìmbe nyɔd. Wə̀d ne ghìyə̀ tiku inug to̰, chəyi nɔ̀ʼɔ̀ mɔ̀ʼɔ angu ne to̰ inug mbo̰.

2 Timotì 4:1

Timotì, mə̀ ya anìŋ ghàmà ine imbìghè abə Ŋwiye fɔrɔ imbìghè abə Yeso Kristo ne biri ghum saʼ bəd mbe ne yaʼi izɔm fɔrɔ bəd mbe ne fə ku. Icheg ne wì biri yeʼe ni tùmbì isəg mə ya anìŋ ghà ine gha:

Tayitùs 1:8

Wì yaʼ wə̀d ne nìŋə bəd ibo inga nəb icheg chɔm bə̀ kɔ̀ŋɔ̀ ni ghì inug chɔm. Wì yaʼ wə̀d ne kyeri icheg ni nyimbi nyɔd bə̀ təm kòʼ imbìghè abə Ŋwiye. Wì yaʼ wə̀d ne ghìyə̀ inug ne chwìye ìzḛzḛ bə̀ ya nɔ̀ŋɔ̀ mə̀nɔ̀ʼɔ̀ Kristo.

Mə̀Hibrù 12:21

Inug ne bəd ya bàri ane asiŋi ze ya ghì tifa̰ gwì awɔb. Muse zìye ini ya si gha, “Mə we bìnde bə̀ bɔ.”

Mə̀Hibrù 3:13

Ane, Tèchɔ̀ŋ, mbə̀ ya nə̀rə ìtən fiŋ mbə̰ mbə̰ ineg ijìm. Mbə̀ ghiyə ane ni gha chəyi anug tibɔ̀ŋ mɔ̀ʼɔ biri tambi awən si ghì ìtən fìŋ tu.

Mə̀Hibrù 4:1

Icheg ne anug ze ne Ŋwiye ya kàʼi ni nàʼ àzwètì abə ìmbi bəd, ze kiri təm, tì niŋ nyumə̀ imbə̀ʼ wə̀d mɔ̀ʼɔ nɔ̀ʼ sam.

Mə̀Hibrù 6:2

Tì bə saŋa anug ni chwiti anug ni niŋ mənib, tì anug ni nɔ̀ŋì ibo igun wə̀d ni zì àbɔrɔ̀bɔd igun məd, tì anug ne bəd biri ghum zweme, fɔrɔ anug imbə̀ʼ icheg ne Ŋwiye biri niŋ isɔbi isaʼi ighə̀m imɔʼ anyumə̀ ne isəg biri nwḭ̀yḛ̀.

Mə̀Hibrù 9:27

À ya icheg ne ze bə yaʼ gha, wə̀d ijìm mənyìʼ ku ighə̀m imɔʼ, si təm imbìghè abə Ŋwiye ane isaʼi, Ŋwiye saʼ aməd.

Jems 2:19

Àghò bḛ gha Ŋwiye məyi imɔʼ. Ze bɔ̀ŋ! Ka à ya bè izwighi tibɔ̀ŋ, mbɔb bə̀ bḛ ane. Si ya gha, mbɔb ya bḛ nè bìnde.

1 Pità 3:15

Si ya gha, mbə̀ ghumni Kristo ane fìŋ ifibì. Məd ya Anɔŋisəg. Mbə̀ chuʼri ìwən nyɔd kyèri gha, mà nyumə̀ ijìm ne mbi biri aton ane ikɔndi we ne mbə̀ beri imbə̀ʼ isu, mbə̰ biri bèrì iywitichùg ni nàʼ.

2 Pità 1:6

Icheg ne mbə̰ kyèri inug imbə̀ʼ Ŋwiye, mbə̀ bə kirə ika ni ya nyìmbe nyɔd. Icheg ne mbə nyìmbe nyɔd, mbə̀ bə kirə ika ni ya nyìʼè inug. Icheg ne mbə̰ mbe nyìʼè inug, mbə̀ bə kirə ika ni ya ghùmnə Ŋwiye.

1 Jɔn 3:10

Icha ane bɔn Ŋwiye tì bɔn Debrə̀ kə iye? Wə̀d ijìm ne chəyi we fàʼà anug ne təmi kòʼ kayi ŋwan Ŋwiye. Wə̀d ne chəyi wì bə kɔ̀ŋ ìwi ifi kayi bə̀ ŋwan Ŋwiye.

1 Jɔn 3:7

Ìmbum bɔn ne mə̀ taŋ kɔ̀ŋ, imbə̀ʼ mbə̰ saŋa awən gha wə̀d mɔ̀ʼɔ febre awən. Wə̀d ne ghìyə̀ inug ne təmi kòʼ, tengàŋ ya wə̀d ne bə̀ təm kòʼ icheg ne Kristo bə̀ təm kòʼ.