Ɨ̀fàʼì 24:14 - Ikan feg

¹⁴ Anug ne mə bḛ ine ya gha, mə we ghùmnə Ŋwiye we ne ìmba mə̀mbaʼ mbe aneg yaya ghùmnə. Mə bə̀ bḛ ikuchèg we ne Kristo yaya chwìte ne bəd mbo̰ mbe se kàrà gha à ya Inɔnjì ako. Mə bə̀ bḛ inug ijìm mbe ne Muse ya ŋwàʼri inga mə̀nɔ̀ʼɔ̀ fɔrɔ inug mbe ne bədkə̀n Ŋwiye ya ŋwàʼri.

Meta’

¹⁴ Àyɨə mə ben ɨ ne ni mə wɨə wumnɨ ə Ŋwìə̀ mba mɨ̀mbǎʼ rəŋwe ɨchî nɨ mɨə beenɨ əbɔʼ Ɨnə̂njɨ̀ we nɨ Kristo nyaʼa chwiə, nɨ mɨ̀mə̌d ə tɔŋə ni à yɨ ɨfɔtɨ mɨghab. Mə bə̀ ben ɨnû jìm mbe nɨ Mose nyaʼa ŋwàʼnɨ̀ ɨŋga ə̀ŋwàʼnɨ̀ ə rɨkə bə̀ ben mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀.

Ɨ̀fàʼì 24:14 ပူးပေါင်းရင်းမြစ်များ

Matìyò 10:32

Yeso ya chè imbìghè gha, “Wə̀d ne bḛ imbìghè abə bəd gha zìye kyèri amə, mə biri bə bḛ imbìghè abə ìmə Mbaʼ we ne yaʼi ikaŋ àbɔ̀ŋɔ gha mə kyèri aməd.

Matìyò 22:40

Mə̀nɔ̀ʼɔ̀ məjìm fɔrɔ inug ijìm mbe ne bədkə̀n Ŋwiye ya ŋwàʼri ya tə̀mə igun mə̀nɔ̀ʼɔ̀ mbo̰ məbe.”

Matìyò 7:12

Ane, inga inug ijìm, aghi ze ne àghò kə̀bi gha mbe faʼa ine, àghò faʼa àzewən abə mə̀mbin. Aŋa ya anug ne yaʼi inga mə̀nɔ̀ʼɔ̀ Muse fɔrɔ inga inug mbe ne bədkə̀n Ŋwiye yaya ghà.”

Lk 1:70

Ŋwiye ya fə ghùm chè inga bədkə̀n ìzḛzḛ ghàm

Lk 16:16

Mbi ya chwìte mə̀nɔ̀ʼɔ̀ Muse tì inug mbe ne bədkə̀n Ŋwiye ya gha bɔŋ Jɔn we ne yaya nàʼà mənib se pè. Nɔ̀ʼ ane nyùmə̀ we, bəd mbe mə̀tə̀ ikən chɔm imbə̀ʼ anug ìfɔ̀n Ŋwiye. Bəd məjìm mbe se kìrə ika ni nyi inga anug ìfɔ̀n ze.

Lk 16:29

Abràham ya ywìtì gha, ‹Mbɔb beri Muse tì bədkə̀n Ŋwiye ne pàta awɔb, mbɔb zug anug ne mbɔb ya ghà.›

Lk 24:27

Wì ya si ko ane mə̀nɔ̀ʼɔ̀ Muse ghò ane ìŋwàʼrì bədkə̀n Ŋwiye tòʼrì inug ijìm ni Ìngam Ŋwiye ya ghàmi imbə̀ʼ aməd.

Lk 24:44

Wì ya kud ane si ghà inɔb gha, “Aŋa ya inug mbe ne mə̀ yaya ghà inən anyumə̀ ne mə̀ ya yaʼi tì inən. Inug ijìm mbe ne Muse ya gha inga mə̀nɔ̀ʼɔ̀ tì inug ijìm mbe ne bədkə̀n Ŋwiye ya gha, fɔrɔ inug ijìm mbe ne àŋwàʼrì mə̀Sam gha, mbi mənyìʼ dù.”

Jn 1:45

Filib ya nɔ̀ʼ ghò bàd wə̀d mɔ̀ʼɔ ne ikum məd ya Nàtanìyè, ghà ibo gha, “Tè bàd wə̀d we ne Muse ya ŋwàʼri inug imbə̀ʼ aməd inga mə̀nɔ̀ʼɔ̀, ne bədkə̀n Ŋwiye ya bə̀ ŋwàʼrì inug imbə̀ʼ aməd. Ikum məd ya Yeso. À ya ŋwan Jòseb we a Nazarèd.”

Ɨ̀fàʼì 10:43

Bədkə̀n Ŋwiye məjìm yaya ghà inug imbə̀ʼ aməd gha Ŋwiye biri chè anjìm məd waʼ inug tibɔ̀ŋ abə wə̀d ijìm ne nɔŋi fìŋ igun məd.”

Ɨ̀fàʼì 13:15

Anyumə̀ ne bəd mbe angu ya fə fɔŋi Ìngam Ŋwiye inga àŋwàʼrì mə̀nɔ̀ʼɔ̀ Muse, bə̀ fɔŋ inga àŋwàʼrì bədkə̀n Ŋwiye, itog bəd mbe inga ichamì Ŋwiye we ya chà ikən abə Pɔl tì Bànabàs gha, “Ìmba məfi, mbə̰ mə̀ bèrì ìngam mɔ̀ʼɔ ni nəri awa, mbə ghà ina.”

Ɨ̀fàʼì 15:5

Icheg ne mbi ya mə̀ti inɔb ane, bəd mɔ̀ʼɔ abɔ̀ʼ mə̀Farìsi ne ya bḛ Kristo ya nɔ̀ʼ təm titighe ghà gha, “Mbi mənyìʼ ŋwed bəd mbe ne kayi mə̀Ju icheg ne mə̀nɔ̀ʼɔ̀ Muse chwi bə̀ ghì gha mbi mənyìʼ zùgri mə̀nɔ̀ʼɔ̀ Muse.”

Ɨ̀fàʼì 19:23

Anyumə̀ we, achɔb ka ka ya gwid a Efesùs imbə̀ʼ Ikuchèg we ne Anɔŋisəg yaya chwìte.

Ɨ̀fàʼì 19:9

Si ya gha, bəd mɔ̀ʼɔ abɔ̀ʼ inɔb ya ghùbì ìtɔb fìŋ. Chəyi mbi ya bḛ anug ne Pɔl yaya ghà. Bəd ya ko se ghàmà inug tibɔ̀ŋ imbə̀ʼ Ikuchèg we ne Anɔŋisəg Yeso yaya chwìte. Ane, Pɔl ya sàŋì awɔb, nɔ̀ʼ yi. Wì ya niŋ mə̀mə̀nənùg Yeso se mùghə̀ tì inɔb tòʼrò inug inɔb ineg ijìm inga ichamì we abə Tayiranùs.

Ɨ̀fàʼì 22:14

Wì ya si ghà inum gha, ‹Ŋwiye ìmba mə̀mbaʼ aneg fə chɔʼ awe gha àghò kyeri inug mbe ne wì kə̀bi, bə̀ ghì gha àghò bàd Wə̀d we ne təmi kòʼ. Wì fə bə̀ ghì gha àghò zug ìngam kwàʼ ibo ichug.

Ɨ̀fàʼì 24:22

Gɔbnà Feligs ne ya taŋ kyèri Inɔnjì we ne Yeso yaya chwìte, ya chà isaʼi we imbìghè, si gha, “Anyumə̀ ne Lisìyàs ne yaʼi atog wə̀d kyen igun mə̀sogyì biri yeʼe, mə biri sɔb isaʼi gho̰.”

Ɨ̀fàʼì 24:5

Tè fə bàd gha mbaŋà ìzo̰ ya wə̀d ne kə̀bə̀ isaʼi. Məd we ghìyə̀ gha mə̀Ju inga isiŋi ijìm se gwìye achɔb tàra aben. Mbaŋà ìzo̰ ya atog wə̀d igun ifeti məNazàren.

Ɨ̀fàʼì 25:8

Pɔl ya ghàm ni chì inug igun àzi atog gha, “Chəyi mə̀ kweʼì ghà anug tibɔ̀ŋ mɔ̀ʼɔ imbə̀ʼ mə̀nɔ̀ʼɔ̀ mə̀Ju, kə̀ imbə̀ʼ mbàn Ŋwiye, kə̀ imbə̀ʼ Kayisà.”

Ɨ̀fàʼì 26:22

Nɔ̀ʼ pè tèchɔ̀ŋ, à ya Ŋwiye we wètè amə. Ane, mə təm aŋa ni ghà inug imbə̀ʼ Kristo abə bəd məjìm, kə̀ àkə bəd kwa kwa, kə̀ bəd kyen. Mə ya ghà kwàʼ inug mbe ne bədkə̀n Ŋwiye tì Muse ya bə̀ ghà gha mbi biri dù.

Ɨ̀fàʼì 26:27

Ifɔn Agripà, àghò bḛ inug mbe ne bədkə̀n Ŋwiye ya ŋwàʼri? Mə kyèri gha àghò bḛ!”

Ɨ̀fàʼì 26:4

Mə̀ju məjìm taŋ kyèri icheg ne mə̀ yaya chùghə inga àmə aben bə̀ fɔrɔ a Jèrusalèm nɔ̀ʼ ane nyùmə̀ ne mə̀ ya yaʼi ŋwan kwa.

Ɨ̀fàʼì 26:6

Mə təm aŋa tèchɔ̀ŋ gha mbe saʼ amə imbə̀ʼ icheg ne mə̀ nɔŋi ikɔndi ni ghɔ̀m anug ze ne Ŋwiye ya kàʼi abə ìmba mə̀mbaʼ aneg.

Ɨ̀fàʼì 28:22

Tì biri kiri kɔ̀ŋ ni zug ìte tikɔndi imbə̀ʼ icheg ne mba kyèri gha bəd mbe to̰ ifɔti feg gho̰ isiŋi ijìm.”

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Ɨ̀fàʼì 3:13

Wə̀d ne ghi wə̀d gho̰ nɔ̀ʼ se yḛ̀ ya Ŋwiye we ne Abràham tì Jàkɔb tì Azìg fɔrɔ ìmba mə̀mbaʼ aneg yaya ghùmnə. À ya məd nàʼi ighumni abə wə̀d àfàʼì məd Yeso Kristo. Mbə̰ ya ton awən məd kwàʼ imbìghè abə Payilèd. Mbə̰ ya kə̀b àzən gha mbe zweti aməd ne Payilèd ya kə̀bi ni sàŋì aməd.

Ɨ̀fàʼì 5:30

Ŋwiye ìmba mə̀mbaʼ ya zwemne Yeso we ne mbə̀ ya kɔ̀mbi igun azed abaʼri, zwèti.

Ɨ̀fàʼì 7:32

‹Mo ya Ŋwiye ìmbe mə̀mbaʼ kyen. Ŋwiye ìwi Abràham tì Azìg fɔrɔ Jàkɔb.› Muse ya zug ane, bìnde. Chəyi wì ya ywirì nyìmi fìŋ ni nèn inemi iywid we.

Ɨ̀fàʼì 9:2

Àŋwàʼrì ze ya ni tòʼrì wə̀d ne Sɔl yaʼi abə bəd inga məchamì Ŋwiye mbe a Dàmaskòs. Ze biri ghì mbɔb kyeri gha Sɔl mə̀ bàd bəd mɔ̀ʼɔ angu ne bène abɔ̀ʼ Inɔnjì we ne Yeso yaya chwìte, kə̀ àkə mə̀yi kə̀ àkə mbaŋà, məd we tì wì gwitì awɔb kɔd niŋ ghò a Jèrusalèm ane bəd ndəŋ.

Rm 1:9

Ŋwiye we ne mə fàʼà ibo kwàʼ ane ìmə fìŋ ijìm ni chètì ikən chɔm imbə̀ʼ Ŋwan məd, məd kyèri kwàʼ tesiʼ gha mə we wènde awən kwàʼ aghəm ajìm, anyumə̀ ne mə̀ chàʼrà Ŋwiye.

Rm 3:21

Amad anìŋ, Ŋwiye fə chwi icheg ne tì bəd təm kòʼ ibo imbìghè. Chəyi anug ni təm kòʼ ibo imbìghè beri aghi mɔ̀ʼɔ ni ghì tì mə̀nɔ̀ʼɔ̀. Mə̀nɔ̀ʼɔ̀ Muse tì bədkə̀n Ŋwiye ya fə taŋ ghà ane.

1 Kɔrèn 11:19

Chəyi mə̀ jə̀mə̀. Mə kyèri gha àghàpì kòʼ ni nyi inga inən imbə̀ʼ ghì gha mbe kyeri bəd Kristo tesiʼ.

Gàlesìyà 5:20

anug ni ghumni mə̀ŋwiye, anug izəg, ìpàb, anug ni kaʼ àzɔ̀ŋì inga bəd, àdeg, agaŋ ka ka, isi, anug ni zi àghàpì inga bəd ghì bəd se chùghə akoʼi akoʼi,

2 Timotì 1:3

Mə we nàʼà məyakà abə Ŋwiye we ne mə fàʼà ibo, ane fìŋ zḛ zḛ icheg ne ìmbum mə̀mbaʼ ya fàʼi. Ighəm ijìm ne mə chàʼrà Ŋwiye tisi fɔrɔ tizimi, mə we wènde awe.

Tayitùs 3:10

Àghò pati wə̀d ne zìyè àghàpì inga bəd ighə̀m imɔʼ kə̀ aghəm abe. Wì mə chè imbìghè ni zì àghàpì, imbə̀ʼ àghò ywirì bere awe anug mɔ̀ʼɔ ni ghì tì məd.

1 Pità 1:11

Mbi ya bə̀ taŋ nwèndi inug mbe ne Azwighi Kristo ne ya yaʼi inga inɔb ya gha imbə̀ʼ Yeso Kristo. Azwighi Kristo ya ghà inug imbə̀ʼ icheg ne Kristo beri ni zən ngəʼ si bèrì ighumni kyen anjìm. Mbi ya bə̀ taŋ nwèndi wə̀d we ne Azwighi Ŋwiye yaya ghà inug mbo̰ imbə̀ʼ aməd fɔrɔ nyùmə̀ we ne inug mbo̰ biri dù.

Ɨnû 19:10

Mə ya zug ane, si gùndi aseg ibo imbìghè ni ghumni aməd. Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì abɔ̀ʼ ine tì ìmbe məfi fɔrɔ ìte njàbi te ne ghà tesiʼ imbə̀ʼ Yeso. Ghumni yaʼ Ŋwiye!” Mə ghà ane imbə̀ʼ icheg ne à ya tesiʼ imbə̀ʼ Yeso we ghìyə̀ gha bədkə̀n gha ikən Ŋwiye.