Ɨ̀fàʼì 23:1 - Ikan feg

¹ Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Meta’

¹ Pɔ̂l nyaʼa toŋ əghə ɨgwɨ mə̀saʼ əbeŋ mbe ghà ni, “Mbɨ bɔŋgɔb, ɨ pe rəchɔ̀ŋ, mə fə chub ɨfě Ŋwiə̀ mbɨ ə fîŋ nɨ zeŋɨ kwàʼ ɨchî chɔ̀m.”

Ɨ̀fàʼì 23:1 ပူးပေါင်းရင်းမြစ်များ

Matìyò 5:22

Anug ne mə ghà inən amad anìŋ ya gha: Wə̀d mɔ̀ʼɔ mə̀ gaŋ tì ìwi ifi, mbi biri saʼ aməd. Wə̀d mɔ̀ʼɔ mə̀ zɔ̀mbì ìwi ifi, itog bəd ne sàʼa aben biri saʼ aməd. Wə̀d mə ghà abə ìwi ifi gha, ‹Àghò ya anen!› Wə̀d we ne gha ane kyeri gha mbi biri màʼ aməd inga iywid nɔʼ mèg, ne ya asiŋi ichə.

Ɨ̀fàʼì 22:1

Pɔl ya ghà abə inɔ̰ bəd we gha, “Ìmbum məfi fɔrɔ ìmbum mə̀mbaʼ, mbə̀ zug anug ne mə̀ biri ghà inən imbìghè ni chì inug igun àmə atog.”

Ɨ̀fàʼì 22:30

Atog wə̀d kyen igun mə̀sogyì ya kə̀b ni kyeri aton ne mə̀Ju mbe yaya zìyè isaʼi igun Pɔl. Ane, wì ya nɔ̀ʼ isu abɔ̀ʼ gha mbe za Pɔl. Wì ya bə̀ ghà abə itog bəd mbàn Ŋwiye fɔrɔ abə bəd ne sàʼa aben məjìm gha mbe yeʼe bɔ̀mbì. Ane, wì ya ghì Pɔl təm inɔb imbìghè.

Ɨ̀fàʼì 22:5

Atog wə̀d igun bəd mbàn Ŋwiye tì bəd mbe ne sàʼa aben məjìm, mbe kyèri gha anug azo̰ ne mə ghà inən ya anug tesiʼ. Mə ya niŋ ìŋwàʼrì inɔb ni ghò nàʼ abə mə̀Ju mbe ne yaʼi a Dàmaskòs. Ane, mə̀ ya ghò angu ni gwìtì bəd Kristo, si kɔd niŋ yèʼe a Jèrusalèm gha mbe chə awɔb.”

Ɨ̀fàʼì 23:15

Ane, mbə̰ tì ifeti bəd mbe ne sàʼa aben, mbə̀ tɔm ikən abə wə̀d kyen mə̀sogyì gha mbe niŋ Pɔl yèʼe. Mbə̀ ghiyə icheg bəd ne kə̀bə̀ ni taŋ nwendi inug mɔ̀ʼɔ ibo. Ane, tì biri ghɔ̀m aməd inɔ̀njì, zwèti aməd bɔŋ wì se pè aŋa.”

Ɨ̀fàʼì 23:20

Ŋwan ajɔŋ we ya ghà ibo gha, “Mə̀Ju fə taŋ mənaŋ gha isu, mbɔb biri yeʼe ghà ine gha àghò niŋ Pɔl yèʼe asiŋi isaʼi. Mbɔb biri ghì icheg ni gha mbɔb ya kə̀bə̀ ni ywìri taŋ nwendi inug mɔ̀ʼɔ ibo.

Ɨ̀fàʼì 23:28

Mə ya kə̀b ni taŋ kyeri anug ze ne wì gùghi ne mbi yaya se kə̀bə̀ ni zweti aməd. Ane, mə̀ ya niŋ aməd ghò inga ìzɔb nəb isaʼi.

Ɨ̀fàʼì 23:6

Anyumə̀ ne Pɔl ya bàri gha, inga ifeti itog bəd ne yaya sàʼa aben, bəd mɔ̀ʼɔ ya mə̀Sadùsi, mə̀mbin ya mə̀Farìsi, wì ya gha, “Ìmbum məfi, mo ya Farìsi. Ìmə mbaʼ ya Farìsi. Mə ya itəmi adiŋi isaʼi aŋa anìŋ mbi saʼà mə imbə̀ʼ icheg ne mə bḛ gha, iwu bəd biri ghum zweme ane iwu.”

Ɨ̀fàʼì 24:16

Mə kirə ika ijìm ni ghì gha ìmə fìŋ zen imbìghè abə Ŋwiye fɔrɔ imbìghè abə bəd.

Ɨ̀fàʼì 6:15

Bəd məjìm mbe ne ya chughi aseg ni saʼ Stifə̀n ya tɔŋ aghə igun məd, bàd gha ìfe məd ya kwàʼ icheg ìwi angirə̀.

1 Kɔrèn 4:4

Chəyi mə̀ wendi anug tibɔ̀ŋ mɔ̀ʼɔ ne mə̀ ghi. Si ya gha, chəyi ze chwi gha, chəyi mə̀ ghi anug tibɔ̀ŋ. À ya Anɔŋisəg we sàʼa mə.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

2 Kɔrèn 4:2

Tì fə ton awa inug mbe ne bəd mbe ghìyə̀ inə̀mbi. À ya inug ne nàʼà tìnìrètog abə bəd. Chəyi mba mbe ghìyə̀ inug ne tàmba bəd. Chəyi mba mbe bə̀ kɔ̀pɔ anug ne yaʼi inga Ìngam Ŋwiye. Tì we chwìte inug tesiʼ asaŋ asaŋ. Tì we chwìye gha bəd bara gha inug mbe ne mba mbe ghìyə̀ mbe kòʼ imbìghè abə Ŋwiye.

2 Timotì 1:3

Mə we nàʼà məyakà abə Ŋwiye we ne mə fàʼà ibo, ane fìŋ zḛ zḛ icheg ne ìmbum mə̀mbaʼ ya fàʼi. Ighəm ijìm ne mə chàʼrà Ŋwiye tisi fɔrɔ tizimi, mə we wènde awe.

Mə̀Hibrù 13:18

Mbə̀ chaʼra Ŋwiye ina. Tè kyèri kwàʼ tesiʼ gha ìta fìŋ zen imbə̀ʼ icheg ne tì ya kə̀bə̀ ni fàʼ ighi ijìm ane ikuchèg ne koʼi.

1 Pità 3:16

Anug ne angu ya gha, mbə̀ ywite ichug ane àbɔrɔ̀bɔd tì ighumni. Mbə̀ ghiyə ìtən fìŋ yaʼ ti zḛ zḛ ni gha bəd mbe ne ghàmbà awən imbə̀ʼ ìwən ikuchèg chɔm icheg ne mbə̀ yaʼi ane ifɔti tì Kristo, mbi biri si bèrì tìnìrètog.