Ɨ̀fàʼì 22:20 - Ikan feg

²⁰ Anyumə̀ ne mbi yaya zwète Stifə̀n we ne yaya ghà inug imbə̀ʼ awe, mə̀ ya təm iban bḛ gha mbe zweti aməd. Mə yaya kyèʼrè ndwi abə bəd mbe ne ya zweti aməd.›

Meta’

²⁰ Ənɨ mbɨ nyaʼə zwiirɨ ə Stɨfɨ̀n we nɨ nyaʼə ghà ɨnû ɨmbə̀ʼ əwe, mə nyaʼa təm ɨban ben ni mbɨ zwiirɨ əməd. Mə wɨə nyaʼə nəŋgɨə ngywɨ̌ rɨ bə̂d mbe nɨ nyaʼa zwiirɨ əməd.'

Ɨ̀fàʼì 22:20 ပူးပေါင်းရင်းမြစ်များ

Lk 11:48

Aŋa ya ni chwi gha, mbə̰ bḛ àzən aghi gha, ìmbən mə̀mbaʼ aneg ya fàʼ anug chɔm, bə̀ chwi gha, mbə̰ kɔ̀ŋ anug ze ne ìmbən mə̀mbaʼ aneg ya ghi. Mbɔb ya zweti bədkə̀n Ŋwiye, mbə̰ si bɔm ìmbɔb itog isèg.

Ɨ̀fàʼì 26:10

Mə yaya ghìyə̀ ane inga Jèrusalèm. Itog bəd mbàn Ŋwiye ya nàʼ ika inum gha mə wupə bəd Kristo nɔʼ nɔʼ inga nəb ndəŋ . Anyumə̀ ne mbi ya niŋi isɔbi anug gha mbe zweti awɔb, mə̀ ya bə̀ bḛ.

Ɨ̀fàʼì 6:5

Anug azo̰ ne mbi ya gha ya bɔ̀ŋ abə inɔ̰ bəd we ijìm. Ane, mbi ya chɔʼ Stifə̀n ne ibḛfiŋ məd ya taŋ kà. Azwighi Ŋwiye ya bə̀ sweg inga məd. Mbi ya bə̀ chɔʼ Filip tì Prokorùs tì Nìkanò tì Timòn tì Pàmenà fɔrɔ Nikolàs we a Antìyɔ̀g ne ya bḛ anug Ŋwiye mə̀Ju.

Ɨ̀fàʼì 7:58

Mbi ya niŋ aməd sùŋì aseg, dù inga ikye aben, ghò màʼ anjìm isəg, tùmbi ane ateg, wì ku. Bəd mbe ne yaya tùmbə aməd ane ateg ya chì ìtɔb ndwigun nɔ̀ŋì iban ighog abə ajɔŋ mɔ̀ʼɔ ne ikum məd ya Sɔl.

Ɨ̀fàʼì 8:1

Sɔl ya bḛ gha mbe zweti Stifə̀n. Kwàʼ igun aneg ze ne mbi ya zweti Stifə̀n, bəd ya taŋ zì atog ane anug ni chɔʼ ibɔʼì ighog abə bəd Kristo a Jèrusalèm. Bəd Kristo mbe məjìm ya sàkà ghò inga iba iben mbe a Jùdeyà fɔrɔ a Sàmarìyà. À ya məyi bədtɔm Kristo ya si tèn a Jèrusalèm.

Rm 1:32

Ka mbɔb jiʼì kyèri isɔbi anug Ŋwiye ne təmi kòʼ, gha bəd mbe ne ghìyə̀ tiku inug ìto̰ kòʼ ni ku, mbɔb ya bə̀ kiri che imbìghè ni ghì inug mbo̰ bə̀ ywìrè chɔ̀tɔ̀ bəd mbe ne ghìyə̀ tiku inug ìto̰.

Ɨnû 17:6

Mə ya bàd gha àyi we ya fə no anəm bəd Ŋwiye bə̀ no anəm bəd mbe ne yaya chètè inug imbə̀ʼ Yeso. Wì ya no ane be. Anyumə̀ ne mə̀ ya bàri aməd, mə̀ ya yeti chè ati.

Ɨnû 2:13

Mə kyèri asiŋi ze ne àghò we chùghə angu. À ya asiŋi ze ne atən ifɔn àzi Sàtàn yaʼi angu. Si ya gha, àghò nyìmi ìmə ikum ane ìze fìŋ ijìm. Chəyi àghò ya waʼi anug ni nɔŋi fìŋ igun inum, ka bèyi ane nyùmə̀ Antipàs we ne yaya ghà inug imbə̀ʼ amə ane ìzi fìŋ ijìm. Mbi ya zweti aməd inga àzən aben, asiŋi ne Sàtàn we chùghə.