Ɨ̀fàʼì 21:8 - Ikan feg

⁸ Tì ya nɔ̀ʼ isu abɔ̀ʼ ghò a Kàserìyà. Tì ya pè angu chùghi abɔ̀ʼ Filip we ne yaya chètè ikən chɔm. Məd ya yaʼ wə̀d mɔ̀ʼɔ abɔ̀ʼ mbaŋà ìsàmbe te ne Azwighi Ŋwiye ya chɔʼi gha mbe wete ni ghàpì ighijəg.

Meta’

⁸ À nyaʼa əni ze nɨ beenɨ, tɨ̀ nyaʼa nɔ̀ʼ rəŋgu wò ə Kàisàriyà. Tɨ̀ nyaʼa pè chubɨ mbɨ Filip we nɨ nyaʼə ghà Ɨkə̂n chɔ̀m. Məd yɨə nyaʼə rəbɔʼ mbaŋə̀ te sambe nɨ Əzwî ə Zeŋɨ ə nyaʼa chɔʼ ni mbɨ ghapɨ ɨghɨjɨg.

Ɨ̀fàʼì 21:8 ပူးပေါင်းရင်းမြစ်များ

Ɨ̀fàʼì 10:1

Mbaŋà mɔ̀ʼɔ ya yaʼ a Kàserìyà ne ikum məd ya Kònilìyùs. Məd ya atog wə̀d igun mə̀sogyì iki ifibì ane ifeti mə̀sogyì mbe ne nɔʼi a Italì.

Ɨ̀fàʼì 16:10

Ane, tì ya chuʼri nyɔd kwàʼ ati ati ghò a Màsèdonìyà imbə̀ʼ icheg ne tì ya kyeri gha à ya Ŋwiye we chà awa gha tì gho ghà ikən chɔm abə bəd mbe angu.

Ɨ̀fàʼì 16:13

Igun aneg àzwètì mə̀Ju, tì ya dù inga ikye aben ghò iban igyi kyen imbə̀ʼ icheg ne tì ya kɔndi gha à ya asiŋi ne mə̀Ju mbe angu yaya ghò fète ni chàʼra Ŋwiye. Tì ya pè chùghi, si ko se mùghə̀ tì mə̀yi mbe ne ya fete angu.

Ɨ̀fàʼì 16:16

Aneg mɔ̀ʼɔ ne tì yaya ghò a asiŋi ze ne mbi yaya chàʼrà Ŋwiye angu, ŋwan àyi mɔ̀ʼɔ ne ya àbòʼì ya yeʼe kɔ̀ti awa. Azwighi tibɔ̀ŋ ya yaʼ inga məd. Azwighi ze yaya ghìyə̀ wì ghì tikwab. Anjìm tikwab te, mə̀mbaʼ àfàʼì məd ya bèrì ikab nɔʼ nɔʼ.

Ɨ̀fàʼì 18:22

Anyumə̀ ne wì ya pe a Kàserìyà, wì ya dù inga abaŋ igyi ze ghò chàʼrì bəd inga ifeti bəd Kristo we a Jèrusalèm. Wì ya ghì ane, nɔ̀ʼ swìʼi ghò a Antìyɔ̀g.

Ɨ̀fàʼì 20:13

Tì ya chè imbìghè yèn inga abaŋ igyi ghò a Asòs. Asòs ya asiŋi ne tì ya beri ni chè niŋ Pɔl angu inga abaŋ. Pɔl ya chuʼri gha tì che niŋ aməd a Asòs imbə̀ʼ icheg ne məd yaya yḛ̀ aseg.

Ɨ̀fàʼì 20:6

Anyumə̀ ne nyùmə̀ Iteri Chègun ya fə che, tì ya nɔ̀ʼ a Filipì yèn inga abaŋ igyi, niŋ ineg ita̰, kɔ̀ti awɔb a Truwàs. Tì ya chughi angu ane ineg ìsàmbe.

Ɨ̀fàʼì 21:16

Mə̀mə̀nənùg Yeso mɔ̀ʼɔ abɔ̀ʼ mbe ne ya nɔ̀ʼi a Kàserìyà yèʼe abɔ̀ʼ ina, ya niŋ awa ghò inga achan Nasòn. Nasòn gho̰ ya wə̀d a Sayiprùs ne ya yaʼi wə̀d mɔ̀ʼɔ abɔ̀ʼ mə̀mə̀nənùg mbègtog ìmbi Yeso. À ya ibo inga achan ne tì ya beri ni chughi.

Ɨ̀fàʼì 23:23

Wə̀d kyen mə̀sogyì we ya kàri mə̀sogyì məbe ne wə̀d ifibì abɔ̀ʼ inɔb we sàʼa mə̀sogyì iki, ghà inɔb gha, “Mbə̀ chɔʼ mə̀sogyì aki abe ne mbi biri ghò a Kàserìyà. Mbə̀ bə̀ chɔʼ bəd nyam mə̀kara ìghum ìsàmbe tì bəd ighɔŋ aki abe yètì abɔ̀ʼ. Mbə̀ chuʼri ìwən nyɔd ni nɔ̀ʼ aŋa ane mə̀nyùmə̀ àbɔg izimi tèchɔ̀ŋ.

Ɨ̀fàʼì 27:1

Anyumə̀ ne Gɔbnà Festùs ya bḛ gha tì nyi inga abaŋ igyi ni ghò a Italì, wì ya nàʼ Pɔl tì bəd ndəŋ ndəŋ abə mbaŋà mɔ̀ʼɔ ne ikum məd ya Julìyòs. Julìyòs we ya yaʼ atog wə̀d igun mə̀sogyì iki ifibì inga inɔ̰ mə̀sogyì ìmbi Kayisà.

Ɨ̀fàʼì 28:11

Anyumə̀ ne aməg ya che atad, tì ya ghò nyi inga abaŋ igyi ne ya chughi inga akəmi asiŋi ìseg ze ane nyùmə̀ we ne ifə yaya taŋ ko. Abaŋ igyi ze ya nɔ̀ʼ a Àlèzandrìyà. Mbi ya ŋwàʼrì ane abaŋ igyi ze gha “Mə̀ŋwiye Ànjiŋə”.

Ɨ̀fàʼì 28:16

Anyumə̀ ne tì ya pe a Rom, mbi ya sàŋì Pɔl gha wì chughi yi ane ìwi ighəm. Wì yaya chùghə tì sogyì we ne yaya nə̀ngə aməd.

Ɨ̀fàʼì 6:5

Anug azo̰ ne mbi ya gha ya bɔ̀ŋ abə inɔ̰ bəd we ijìm. Ane, mbi ya chɔʼ Stifə̀n ne ibḛfiŋ məd ya taŋ kà. Azwighi Ŋwiye ya bə̀ sweg inga məd. Mbi ya bə̀ chɔʼ Filip tì Prokorùs tì Nìkanò tì Timòn tì Pàmenà fɔrɔ Nikolàs we a Antìyɔ̀g ne ya bḛ anug Ŋwiye mə̀Ju.

Ɨ̀fàʼì 9:30

Anyumə̀ ne məfi mbe ne ya bḛ Kristo ya kyeri anug ze, mbi ya niŋ Sɔl swìʼi ghò a Kàserìyà, si chà aməd a Tasɔ̀s.

Efesùs 4:11

À ya məd ya nàʼi tineʼi abə bəd. Wì ya ghì bəd mɔ̀ʼɔ yaʼ bədtɔm, ghì mə̀mbin yaʼ bədkə̀n, ghì bəd mɔ̀ʼɔ yaʼ bəd ne chètè ikən chɔm, ghì mə̀mbin yaʼ bəd ne kyèʼrè bəd Ŋwiye bə̀ ghì mə̀mbin yaʼ bəd ne chwìte inug abə bəd Ŋwiye.

2 Timotì 4:5

Àsi awe, àghò Timotì, niŋ nyumə̀ inga inug ijìm. Nyimbi fìŋ anyumə̀ ne àghò we chè inga ngəʼ. Faʼa ni chètì ikən chɔm imbə̀ʼ ghì gha bəd yeʼe abə Kristo. Faʼa ìfàʼì ijìm mbe ne Ŋwiye zi ine ikye ibo.