Ɨ̀fàʼì 21:11 - Ikan feg

¹¹ Wì ya yèʼe abɔ̀ʼ ina, pè niŋ ìkɔ̀bì ìwi Pɔl, kɔd ìmbi ighog fɔrɔ ìmbi ibo inga, si ghà gha, “Azwighi Ŋwiye gha, ‹Aŋa ya icheg ne mə̀Ju mbe ne yaʼi a Jèrusalèm biri niŋ wə̀d ne beri ìkɔ̀bì gho̰ kɔd nàʼ abə bəd ne kayi mə̀Ju.›”

Meta’

¹¹ Wɨ̀ nyaʼa yeʼe əsɨ na, pè nɨŋ ɨ̀kɔ̀bɨ̀ Pɔ̂l kod mbi ɨwu bə̀ kod mbi ɨbɔ ghà ni, “Əzwî ə Zeŋɨ ə ghà ni, 'À yɨ ɨchî nɨ mɨ̀Jû mbe rɨ ə Jèrusalèm bɨrɨ kod mbaŋə̀ ze nɨ berɨ ɨ̀kɔ̀bɨ̀ wɔ̂, əne zɨ̀ əməd ɨŋga tɨkyerɨ-ɨbɔ bə̂d nɨ kaʼi mɨ̀Jû.'”

Ɨ̀fàʼì 21:11 ပူးပေါင်းရင်းမြစ်များ

Jn 18:1

Anyumə̀ ne Yeso ya fə màni ni chàʼra Ŋwiye, məd tì mə̀mə̀nənùg məd ya nɔ̀ʼ chè inga ikye mben we ne mbe kàrà ane Kidròn ghò injḭ iywin. Mben mə̀Olìf mɔ̀ʼɔ ya yaʼ asiŋi ze. Ane, mbi ya nyi ghò inga mben ze.

Ɨ̀fàʼì 13:2

Anyumə̀ ne mbi yaya ghùmnə Anɔŋisəg bə̀ chùghə njèg bə̀ chàʼrà Ŋwiye, Azwighi Ŋwiye ya ghà inɔb gha, “Mbə̀ chiye Bànabàs tì Sɔl icha, nɔ̀ŋì awɔb ane àfàʼì ze ne mə̀ kari awɔb gha mbe faʼa.”

Ɨ̀fàʼì 16:6

Pɔl tì Sayilàs fɔrɔ Timotì ya chè inga Fìrigìyà fɔrɔ inga aba aben ze Gàlesìyà imbə̀ʼ icheg ne chəyi Azwighi Ŋwiye ya bḛ gha mbe ghama Ìngam Ŋwiye inga Esìyà.

Ɨ̀fàʼì 20:23

Anug ne Azwighi Ŋwiye ghi mə kyeri ya gha, nəb ndəŋ fɔrɔ ngəʼ te ghɔ̀mɔ̀ amə inga tikye aben ijìm ne mə ghò.

Ɨ̀fàʼì 21:33

Wə̀d kyen mə̀sogyì we ya swiʼi ghò gwì Pɔl, si ghà gha, mbe kɔd aməd ane mə̀chen məbe. Wì ya ghà ane, si bìri abə inɔ̰ bəd we gha, “Wə̀d gho̰ kə we? Wì kə gùg anug iye?”

Ɨ̀fàʼì 21:4

Tì ya pè angu bàd bəd mɔ̀ʼɔ ne yaʼi mə̀mə̀nənùg Kristo. Tì ya chughi angu abɔ̀ʼ inɔb ane ineg ìsàmbe. Azwighi Ŋwiye ya ghì mə̀mə̀nənùg mbe ghà abə Pɔl gha imbə̀ʼ wì gho yi a Jèrusalèm ka.

Ɨ̀fàʼì 22:25

Si ya gha, anyumə̀ ne mbi ya kɔd Pɔl ane məniʼ, wì ya ghà abə atog wə̀d igun mə̀sogyì iki ifibì ne ya təmi iban angu gha, “Mə̀nɔ̀ʼɔ̀ wa chwi gha mbə te wə̀d a Rom ane ngwàn ne chəyi mbi kiri sɔbi isaʼi gha wì fə gùg anug?”

Ɨ̀fàʼì 24:27

Tituʼ ya chè tibe, Posìyòs Festùs jəg atən abə Feligs icheg gɔbnà. Icheg ne Gɔbnà Feligs yaya kə̀bə̀ ni ghì ìchɔ̀mì abə mə̀Ju, wì ya sàŋì Pɔl inga nəb ndəŋ .

Ɨ̀fàʼì 26:29

Pɔl ya ywìtì gha, “Ìmə ichaʼri Ŋwiye ya gha àghò tì bəd mbo̰ ne zùghə inug mbo̰ ne mə ghà amad anìŋ, mbə̀ yaʼ icheg inum. Mə kə̀b gha, kə̀ àkə ane iki nyumə̀ kə̀ ane nyumə̀ ne sa, mbə̀ yaʼ icheg inum. Si ya gha, imbə̀ʼ mbə̰ yaʼ awən bəd ndə̀ŋ icheg inum.”

Ɨ̀fàʼì 28:17

Anyumə̀ ne ineg ya che itad, Pɔl ya kàrì itog bəd mə̀Ju. Anyumə̀ ne mbi ya fete, wì ya ghà inɔb gha, “Ìmbum məfi, ka chəyi mə̀ ya bi ghì anug tibɔ̀ŋ mɔ̀ʼɔ abə ìmba bəd, kə̀ bì ghà anug tibɔ̀ŋ mɔ̀ʼɔ imbə̀ʼ məcheg aben ìmba mə̀mbaʼ aneg, mbi ya gwì amə a Jèrusalèm zì inga tikye ibo abə məRom.

Ɨ̀fàʼì 28:20

À ya aton ne mə ghà gha mbə̀ yeʼe mə̀ bàd awən, bə̀ ghàmbì tì inən imbə̀ʼ icheg ne à ya imbə̀ʼ Wə̀d we ne mə̀Izre nɔŋi ikɔndi ni ghɔ̀m, ne mbi kɔri amə ane mə̀chen mbo̰.”

Ɨ̀fàʼì 28:25

Icheg ne chəyi mbɔb məjìm ya yaʼi ane ichug imɔʼ, mbi ya dù inga nəb Pɔl. Mbi ya dù anyumə̀ ne wì ya gha anug azo̰ amɔʼ inɔb gha, “Azwighi Ŋwiye ya kòʼ icheg ne ze ya che anjìm wə̀dkə̀n Ŋwiye Àzayà ghà abə ìmbən mə̀mbaʼ mbe aneg gha,

Ɨ̀fàʼì 8:29

Azwighi Ŋwiye ya ghà abə Filip gha, “Ndò se yḛ̀ iban mətwə̀ iywin.”

Ɨ̀fàʼì 9:16

Mə biri chwi icheg ne məd biri zə̰ ngəʼ imbə̀ʼ amə ibo.”

Efesùs 3:1

À ya imbə̀ʼ anug azo̰ ne Ŋwiye fɔ̀ti bəd məjìm ane ìmbi imɔʼ, ne mo Pɔl yaʼi wə̀d ndəŋ. Mo ya wə̀d ndəŋ imbə̀ʼ awən mbə̰ mbe ne kayi mə̀Ju anjìm icheg ne mə chètè ikən chɔm imbə̀ʼ Yeso Kristo.

Efesùs 4:1

Mo ne yaʼi wə̀d ndəŋ imbə̀ʼ icheg ne mə fàʼà abə Anɔŋisəg, mə we bòʼo ibo inən gha mbə̀ chughi kwàʼ ane ikuchèg ne koʼi. À ya ikuchèg ne Ŋwiye ya kàri awən gha mbə̀ chughi angu.

Efesùs 6:20

À ya imbə̀ʼ icheg ne mə təmi ane ikum Anɔŋisəg ni ghà ikən chɔm gho̰ ne mə̀ yaʼi inga nəb ndəŋ . Mbə̀ chaʼra Ŋwiye inum gha, mə̀ ya ghà ikən chɔm gho̰ kwàʼ icheg ne mə̀ koʼi ni ghà ne chəyi mə bɔ.

1 Timotì 4:1

Azwighi Ŋwiye ya fə ghà ze dù zen gha, inga ineg mbe ne yèʼe, bəd mɔ̀ʼɔ biri waʼ ìwɔb ibḛfiŋ se bène yaʼ abɔ̀ʼ izwighi ne ghàmà inug ako fɔrɔ anjìm abə inug ne izwighi tibɔ̀ŋ mbe chwìte.

2 Timotì 2:9

À ya imbə̀ʼ ikən chɔm gho̰ ne mə zə̰ ngəʼ, ne mbi kɔri amə ane mə̀chen icheg wə̀d inug tibɔ̀ŋ. Si ya gha, chəyi tì mbi kɔd Ìngam Ŋwiye.

Mə̀Hibrù 10:34

Mbə̰ ya bə̀ sɔ̀mnɔ̀ igun məfi mbe ne ya yaʼi inga nəb ndəŋ . Anyumə̀ ne mbi ya bə̰ ìmbən ighi, mbə̰ ya bə̀ sàŋì nè gyènde imbə̀ʼ icheg ne mbə̰ kyèri àzən aghi gha mbə bèrì aghi ne bɔŋi chè ne biri bə yaʼ ane ighə̀m imɔʼ.

Mə̀Hibrù 3:7

Azwighi Ŋwiye gha, “Tèchɔ̀ŋ, àghò mə zug Ìngam Ŋwiye,

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.