Ɨ̀fàʼì 20:7 - Ikan feg

⁷ Igun aneg Sɔndè, tì ya fete ni jəg itari. Pɔl yaya chùʼrə nyɔd ni ghò yi isu abɔ̀ʼ. Ane, wì ya nɔ̀ʼ təm ni ghàm inɔb, ghàm anene ghò pè ane àngɔŋ tizimi.

Meta’

⁷ À nyaʼa ɨgwɨ əni rɨtu ɨŋga kàb, tɨ̀ nyaʼa wò fetɨ ɨ jɨg Ɨtarɨ Ə̀nùŋɨ̀sɨg. Ɨchî nɨ Pɔ̂l nyaʼa kəbɨ ni tə bɨrɨ nɔʼ əni ze nɨ beenɨ, ɨ wɨə nyaʼə ghàmbɨ̀ə̀ mbɨ ə bə̂d mbe wò pè ɨzimɨ ka.

Ɨ̀fàʼì 20:7 ပူးပေါင်းရင်းမြစ်များ

Mk 16:9

Anyumə̀ ne Yeso ya zweme ane iwu isusu Sɔndè, wì ya bì chwi ìwi nyɔd abə Mèri Màdàlen we ne wì ya chi izwighi tibɔ̀ŋ ìsàmbe inga məd.

Lk 22:19

Wì ya bə̀ niŋ ngə̀ŋ mə̀kara ze nàʼ məyakà abə Ŋwiye, bə̀ʼri nàʼ inɔb, si gha, “Aŋa ya ìmə nyàmnyɔd ne mə nàʼi imbə̀ʼ awən. Mbə̀ ghì jə̀ghə anìŋ se wende mə.”

Lk 24:35

Mə̀mə̀nənùg mbe məbe ne ya bə̀ndì a Emawòs ya si mə̀tì anug ne du inɔb inɔnjì bə̀ mə̀tì icheg ne wì ya bəʼri ngə̀ŋ mə̀kara ghàpì tì inɔb, mbi kə si kyèri gha à ya məd.

Jn 20:1

À yaya kwàʼ izimi izimi isusu Sɔndè ne Mèri Màdàlen ya ghò atog iseg ze ne mbi ya zi awu Yeso inga. Wì ya pè bàd gha mbe fə chì iteg we ne mbi ya kəndi ichug iseg angu.

Jn 20:19

Àsi ikwikwiri Sɔndè we, mə̀mə̀nənùg ya yaʼ asiŋi afibì, inga nəb iwùbi imbə̀ʼ icheg ne mbi yaya bɔ itog bəd mə̀Ju. Mbi ŋa zə̰, mbi si bàra Yeso itəmi abɔ̀ʼ inɔb. Yeso ya si ghà inɔb gha, “Mbə̀ chughi ane àbɔrɔ̀bɔd”.

Jn 20:26

Ìkàb ya chè ifibì, mə̀mə̀nənùg ywìrì fète chùghi inga nəb. Tòmas ya yaʼ tì inɔb. Mbi ya fə feni tinuʼ nəb. Si ya gha, Mbi ŋa zə̰, Yeso kiri nyi təm abɔ̀ʼ inɔb, ghà inɔb gha, “Mbə̀ chughi ane àbɔrɔ̀bɔd.”

Ɨ̀fàʼì 16:10

Ane, tì ya chuʼri nyɔd kwàʼ ati ati ghò a Màsèdonìyà imbə̀ʼ icheg ne tì ya kyeri gha à ya Ŋwiye we chà awa gha tì gho ghà ikən chɔm abə bəd mbe angu.

Ɨ̀fàʼì 2:42

Bəd Kristo mbe ne ya zi atog ane inug ne bədtɔm yaya chwìte ya yaʼ ane ifɔti. Ane, mbi yaya fɔ̀tɔ jə̀ghə itari bə̀ fɔ̀tɔ chàʼrà Ŋwiye.

Ɨ̀fàʼì 2:46

Ineg ijìm, mbi yaya chè imbìghè ni ya fète inga ikam mbàn Ŋwiye. Mbi yaya jə̀ghə itari anəb anəb ane igyendi fɔrɔ ane fìŋ ifibì.

Ɨ̀fàʼì 20:11

Anyumə̀ ne Pɔl ya bə̀ndi kɔʼ ghò inga atog nəb ze ikaŋ, pè jəg itari bə̀ chùghi aseg jəg tì inɔb, wì ya ghàm inɔb anene ituʼ chəg. Wì ya si nɔ̀ʼ ghò yi.

Ɨ̀fàʼì 20:31

Mbə̀ we awən imbə̀ʼ tiku bəd te, bə̀ kɔ̀ndi gha, ane tituʼ titad, mə yaya pàta awən imɔʼ imɔʼ tì məsi aghə.

Ɨ̀fàʼì 20:5

Mbaŋà ìto̰ ya ghò imbìghè pè ghɔ̀m awa a Truwàs.

Ɨ̀fàʼì 20:9

Ŋwan ajɔŋ mɔ̀ʼɔ ne ikum məd ya Utikùs ya chughi igun windò. Icheg ne Pɔl ya ghàmi tàn, ŋwan we ya fèn a ngwḛ. Wì ya gwḛ nə̀d si bu fen ikaŋ nəb ne yaʼi awaŋ atad. Mbi ya si swìʼi gwe məd ne wì fə ku.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

1 Kɔrèn 10:16

Toʼ ze ne te no inga anyumə̀ ne te jə̀ghə itari, ne te bə̀ nàʼà məyakà abə Ŋwiye bɔŋ no inga toʼ ze, à ya anəm Kristo ne te no. Ngə̀ŋ ze ne te bə̀ʼrə bə̀ jə̀ghə ya nyàmnyɔd Kristo ne te bə̀ kùrə.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

1 Kɔrèn 16:2

Anug ne mə̀ ya gha ya gha, ineg Sɔndè ijìm, wə̀d imɔʼ imɔʼ abɔ̀ʼ inən chi inun ikab mɔ̀ʼɔ inga we ne wì fàʼi nɔ̀ŋì, ni gha anyumə̀ ne mə̀ yèʼe, chəyi tì biri ywiri chɔ̀pì ikab we.

2 Timotì 4:2

Àghò ghama Ìngam Ŋwiye abə bəd. Chuʼri ìwe nyɔd ni gha àghò mənyìʼ ghàm Ìngam Ŋwiye mà nyumə̀ ijìm, kə̀ bəd kɔ̀ŋ ni zug kə̀ chəyi. Àghò ghiyə gha bəd mbe ne ghìyə̀ inug ne chəyi mbi koʼi, mbe kɔpɔ. Àghò ghama gaŋ abə bəd ne ghìyə̀ inug tibɔ̀ŋ. Nyimbi fìŋ ni nəri bəd bə̀ nàʼ tikə inɔb.

Ɨnû 1:10

À ya yaʼ igun aneg ze ne bəd Kristo mbe ghùmnə Anɔŋisəg, Azwighi Ŋwiye ya nyi inga inum, mə zug gì ka ka inum anjìm. Gì ze ya ghàm icheg tàŋ gha,