Ɨ̀fàʼì 20:32 - Ikan feg

³² Amad anìŋ, mə zì awən ikye abo abə Ŋwiye bə̀ nàʼ awən abə ikən we ne ghàmà imbə̀ʼ ìchɔ̀mì Ŋwiye. À ya ikən we ne tì wì ghì mbə kweg bə̀ bèrì ighi mbe ne Ŋwiye nɔŋi abə bəd məjìm mbe ne Ŋwiye ghi mbi zen.

Meta’

³² “Tɨ̀nîn mə fə zɨ̀ əwən ɨŋga rɨkyerɨ-ɨbɔ Ŋwiə̀ bə̀ zɨ̀ ɨŋga ɨŋgam məd we nɨə ghɨ̀ə̀ ni wɨ̀ ghɨ̀ ɨ̀chɔ̀m ənɨ nən. Ɨkə̂n chɔ̀m we tɨ̀ wɨ ghɨ̀ mbə kwi kàànɨ̀ bə̀ ghɨ̀ mbə jɨg ɨghɨ mbe nɨ Ŋwiə̀ nuŋ əmbɨ ə bə̂d mɨ̀jìm mbe nɨ wɨ̀ zeŋnɨ.

Ɨ̀fàʼì 20:32 ပူးပေါင်းရင်းမြစ်များ

Mk 10:17

Anyumə̀ ne Yeso ya nɔ̀ʼi ni ghò igha̰, mbaŋà mɔ̀ʼɔ ya nòtò ghò pè gɔ̀m itog inwḭ ibo imbìghè, biri ibo gha, “Àchwitìnùg chɔm, mə kə anìŋ ghənə bɔŋ jəg ìtḛ̀ ighə̀m imɔʼ?”

Jn 15:3

Ìngam we ne mə ghàmi inən fə ghì mbə zen.

Jn 17:17

Àghò ghìyə mbɔb zen anjìm tesiʼ. Ìwe ìngam ya ghìyə̀ bəd kyere tesiʼ.

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

Ɨ̀fàʼì 14:23

Anyumə̀ ne mbi ya fə chɔʼi itog bəd inga tifeti bəd Kristo te tijìm, mbi ya chughi njèg chàʼra Ŋwiye, zì awɔb inga tikye ibo abə Anɔŋisəg we ne mbi nɔŋi ìtɔb fìŋ igun.

Ɨ̀fàʼì 14:26

Mbi ya nɔ̀ʼ a Àtalìyà ghò nyi abaŋ igyi bàni bə̀ndì ghò a Antìyɔ̀g. Antìyɔ̀g ya asiŋi ze ne mbi ya bì chàʼra Ŋwiye igun inɔb gha wì ghiyə ìchɔ̀mì inɔb mbɔb gho chètì ikən chɔm. À ya àfàʼì ze ne mbi nɔ̀ʼi angu anìŋ ni mànì.

Ɨ̀fàʼì 14:3

Pɔl tì Bànabàs ya chughi angu ane nyumə̀ mɔ̀ʼɔ se ghàmà ìngam Anɔŋisəg ane fìŋ ka ka. Ane, Anɔŋisəg ya chwi gha ìngam we ne mbɔb yaya ghàmà imbə̀ʼ ìchɔ̀mì məd ya anug tesiʼ icheg ne wì ya ghi gha mbe faʼa inug yeti yeti.

Ɨ̀fàʼì 15:40

Àsi Pɔl, wì ya niŋ yaʼ Sayilàs mbi fɔrɔ ghò. Bɔŋ mbi ya se nɔ̀ʼɔ̀, bəd Kristo ya chàʼra Ŋwiye igun inɔb gha Anɔŋisəg ghiyə ìchɔ̀mì inɔb.

Ɨ̀fàʼì 20:24

Ane, chəyi mə̀ nìŋə ìmə ìtḛ̀ ane aghi mɔ̀ʼɔ. Mə ya kə̀bə̀ ni màni àfàʼì ze ne Anɔŋisəg Yeso nàʼi inum. Àfàʼì ze ya ni ghà ikən chɔm imbə̀ʼ ìchɔ̀mì we ne Ŋwiye we fàʼà.

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Ɨ̀fàʼì 9:31

Anyumə̀ we, tifeti bəd Kristo tijìm te ne yaʼi a Jùdeyà fɔrɔ Galìli fɔrɔ Sàmarìyà ya yaʼ ane àbɔrɔ̀bɔd. Bəd mbe ne ya bḛ ikən chɔm yaya ghùmnə Anɔŋisəg. Azwighi Ŋwiye yaya wètè bəd mbe ne ya bḛ Kristo ni ghì gha mbe təm kà. Ìwɔb inɔ̰ yaya kwèghe ghò gho imbìghè.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

1 Kɔrèn 1:2

Tì ya ŋwàʼrà anìŋ abə ifeti bəd Ŋwiye we ne yaʼi a Kɔrèn. Ŋwiye ghì mbi zen icheg ne mbi yaʼi ane ifɔti tì Kristo. Ŋwiye ya bə̀ kàrì awɔb ni gha mbe yaʼ ìmbi bəd. Tì ya bə̀ ŋwàʼrà anìŋ abə bəd məjìm ne ghùmnə Anɔŋisəg Yeso Kristo inga isəg ijìm. Məd ya Anɔŋisəg inɔb fɔrɔ ina.

1 Kɔrèn 6:10

kə̀ məji, kə̀ bəd ne ghə̀ʼrə̀ ighi, kə̀ bəd ne no be, kə̀ bəd ne chìkə̀ tikum bəd, kə̀ bəd ne pàŋà ighi bəd. Chəyi wə̀d ne fàʼà tiku inug ìto̰ biri nyi inga anug ìfɔ̀n Ŋwiye.

1 Kɔrèn 6:11

Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

1 Kɔrèn 6:9

Àkə Chəyi mbə̀ kyeri gha chəyi bəd ne ghìyə̀ inug izəg biri nyi inga anug ìfɔ̀n Ŋwiye? Imbə̀ʼ wə̀d tàmba yi ìwi nyɔd ka! Chəyi bəd ne fànà biri nyi inga anug ìfɔ̀n Ŋwiye, kə̀ bəd ne ghùmnə mə̀ŋwiye, kə̀ mə̀yi nami ne nɔ̀kɔ̀ mbaŋà ndəŋ fɔrɔ mbaŋà ne nami ne nɔ̀kɔ̀ àyi ndəŋ, kə̀ mbaŋà ne chəyi zi nami ne nɔ̀kɔ̀ àyi, kə̀ mbaŋà ne nɔ̀kɔ̀ mbaŋà,

Efesùs 1:14

Azwighi Ŋwiye ze ya aneni ze ne chwìye gha tì biri jəg ighi mbe ne Ŋwiye kàʼi abə ìmbi bəd. Ane, tè kyèri gha Ŋwiye fə ghì bəd mbe ne yaʼi ìmbi məd mbi pum. Tè ghumni Ŋwiye.

Efesùs 1:18

Mə we bə̀ chàʼrà Ŋwiye gha wì ghiyə ìmbən itog zen imbə̀ʼ mbə̀ kyere aghi ze ne wì kàri awa gha tì nɔŋɔ ikɔndi ghɔ̀m. À ya ìchɔ̀mì kyen we ne wì ya kàʼi abə bəd məd

Efesùs 4:12

Wì ya ghì ane ni gha mbɔb se chwìye ikuchèg abə bəd Ŋwiye, mbi se fàʼà ibo ni ghì gha ifeti bəd Kristo kweg kòʼ.

Efesùs 4:16

Kristo ghì isiŋi nyɔd ijìm fɔtɔ si yaʼ nyàmnyɔd imɔʼ. Tinḭ ka ka nyìmi isiŋi nyɔd ijìm fɔ̀ti. Asiŋi nyɔd amɔʼ mə̀ ya fàʼà icheg chɔm bə̀ kɔ̀ŋɔ̀ mbin tì isiŋi nyɔd, isiŋi nyɔd ijìm biri se kwèghe ghò imbìghè.

Efesùs 5:5

Mbə̀ kyeri gha, bəd mbe ne nɔ̀kɔ̀ mə̀yi kə̀ nɔ̀kɔ̀ mbaŋà abu abu kə̀ zùnə̀, kə̀ bəd mbe ne ghə̀ʼrə̀ ighi, chəyi mbi biri nyi inga anug ìfɔ̀n Kristo tì Ŋwiye. Aton ya gha, wə̀d ne ghə̀ʼrə̀ ighi ya bə̀ icheg wə̀d ne ghùmnə mə̀ŋwiye.

Kòlosè 1:12

bə̀ nàʼà məyakà abə ìwa Mbaʼ. À ya məd fə ghi tì kòʼ ni jəg anug ìfɔ̀n ìzḛzḛ ze ne məd ya fə nɔŋi abə bəd Ŋwiye.

Kòlosè 2:7

Mbə̀ bə chè imbìghè ni kweg inga anug Kristo, àzən aghaŋ inga Yeso təm kà. Ìwən ibḛfiŋ igun Yeso bə təm kà kwàʼ icheg ne mbi ya chwiti inən. Mbə̀ ya taŋ nàʼà məyakà abə Ŋwiye mà nyumə̀ ijìm.

Kòlosè 3:24

Mbə̀ ya fàʼà ane imbə̀ʼ icheg ne mbə̰ kyèri gha Anɔŋisəg bèrì chùd ne wì biri nàʼ abə bəd məd. À ya Anɔŋisəg Kristo ne mbə̰ mbe fàʼà ibo.

Mə̀Hibrù 10:14

Anjìm aghi àfàtì azo̰ amɔʼ, wì fə ghì bəd mbe ne we sò ìmbɔb inug tibɔ̀ŋ mbi zen mànì ane ighə̀m imɔʼ.

Mə̀Hibrù 13:9

Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.

Mə̀Hibrù 2:11

Ane, Yeso we ne ghìyə̀ bəd zḛ, məd tì bəd mbe ne məd fə ghi mbi zen, mbɔb məjìm ya se bɔn ane mbaʼ fìbì. À ya aton ne chəyi Yeso ya bèrè tìnìrètog ni kàrì awɔb ane ìmbi məfi fɔrɔ ìti njàbi.

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.

Jûd 1:20

Àsi awən, ìmbum mə̀sə̀ʼ ne mə̀ taŋ kɔ̀ŋ, mbə̀ che imbìghè ni ghì inug ne biri ghì mbə̰ kweg inga ìwən ibḛfiŋ we ne zḛ mànì. Mbə̰ ya chàʼrà Ŋwiye icheg ne Azwighi ze nàʼà ika inən.