Ɨ̀fàʼì 20:31 - Ikan feg

³¹ Mbə̀ we awən imbə̀ʼ tiku bəd te, bə̀ kɔ̀ndi gha, ane tituʼ titad, mə yaya pàta awən imɔʼ imɔʼ tì məsi aghə.

Meta’

³¹ Əne mbə̀ we əwən kɔndɨə ni ənɨ ɨghəm ɨwu ɨtad, chəi mə nyaʼa waʼ nɨ patɨ wə̀d mɔʼ mɔʼ rəbɔʼ nən ɨzimɨ mbɨ əziə mbɨ mɨsɨ əghə.

Ɨ̀fàʼì 20:31 ပူးပေါင်းရင်းမြစ်များ

Matìyò 13:25

Aneg mɔ̀ʼɔ, anyumə̀ ne bəd məjìm yaya gwḛ, wə̀d ìpàb məd ya ghò nwḭ̀ ifog inga mben kyì ze nɔ̀ʼ ghò yi.

Matìyò 3:7

Àsi anyumə̀ ne wì ya bàri mə̀Farìsi nɔʼ nɔʼ tì mə̀Sadùsi nɔʼ nɔʼ ne yaya yèʼe gha wì naʼa mənib inɔb, wì ya ghà inɔb gha, “Mbə̰ ya kwàʼ ifighi! Àkə we pati awən gha mbə̀ nòrò abə ngəʼ kyen ze ne yèʼe?

Lk 21:36

Mbə̀ ya we awən, chàʼrà Ŋwiye gha Ŋwiye ghiyə awən mbə kyeri inɔnjì ni nòrò abə inug mbe ne biri ghum dù. Ŋwiye bə ghì gha mbə koʼo ni təm imbìghè abə Ŋwan Wə̀d.”

Ɨ̀fàʼì 19:10

Wì ya chwiti inug inɔb ane tituʼ tibe. Ane, mə̀Ju məjìm fɔrɔ bəd məjìm ne kayi mə̀Ju ne yaya chùghə inga aba aben Esìyà ya zug ìngam Anɔŋisəg.

Ɨ̀fàʼì 19:8

Pɔl ya ghò nyi inga ichamì Ŋwiye se ghàmà abə bəd kwàʼ ane fìŋ ka ka. Wì yaya ghàmà ane ane aməg atad. Wì yaya tòʼrò inug mbi taŋ zḛ ghìyə̀ gha mbe kyeri gha anug ìfɔ̀n Ŋwiye ya anug tesiʼ.

Ɨ̀fàʼì 20:11

Anyumə̀ ne Pɔl ya bə̀ndi kɔʼ ghò inga atog nəb ze ikaŋ, pè jəg itari bə̀ chùghi aseg jəg tì inɔb, wì ya ghàm inɔb anene ituʼ chəg. Wì ya si nɔ̀ʼ ghò yi.

Ɨ̀fàʼì 20:19

Mə ya swi ìmə nyɔd icheg wə̀d àfàʼì Anɔŋisəg, fàʼ tì məsi aghə. Mə ya bə̀ nyìʼ ìkwàʼrì nɔʼ nɔʼ ne mə̀Ju mɔ̀ʼɔ ya taŋi mənaŋ igun inum.

Ɨ̀fàʼì 20:7

Igun aneg Sɔndè, tì ya fete ni jəg itari. Pɔl yaya chùʼrə nyɔd ni ghò yi isu abɔ̀ʼ. Ane, wì ya nɔ̀ʼ təm ni ghàm inɔb, ghàm anene ghò pè ane àngɔŋ tizimi.

Ɨ̀fàʼì 24:17

Ane tituʼ nɔʼ nɔʼ ya che, mə̀ ya ywìrì ghò a Jèrusalèm ni nàʼ ighi abə ìmbum bəd aben mbe ne chəyi àzɔb, bə̀ nàʼ ighi àfàtì abə Ŋwiye.

1 Kɔrèn 4:14

Chəyi mə ŋwàʼrà anug azo̰ anìŋ ni zì tìnìrètog igun inən. Mə ya ghàmà ìngam gho̰ ni kə awən, mbə̰ ìmbum bɔn ne mə̀ taŋ kɔ̀ŋ.

Fìlipì 3:18

Icheg ne mə̀ yaya ghà inən, mə̀ ya anìŋ ywìrè ghà tì məsi inum inga aghə gha, bəd nɔʼ nɔʼ abɔ̀ʼ inən mbe ghìyə̀ inug icheg bəd ìpàb Kristo. Àze chwi gha chəyi mbɔb kə̀bi ni niŋ aton ze ne wì ya ku igun azed abaʼri ane anug.

Kòlosè 1:28

Tì ya chètè inug imbə̀ʼ Kristo abə wə̀d ijìm. Tì ya pàta awɔb gha imbə̀ʼ mbi nɔ̀ʼ sam kə̀tə̀d Ŋwiye. Tì ya bə̀ chwìte inug inɔb ane iwe ni ghì gha, tì we tì tì niŋ bəd məjìm ne yaʼi ane ifɔti tì Kristo ghò imbìghè abə Ŋwiye ne ìwɔb ibḛfiŋ fə taŋ kà.

1 Tèsàlonikà 5:14

Ìmba məfi fɔrɔ ìta njàbi, tì we bòʼo ibo inən gha mbə̀ pati məgwed. Mbə̀ bə nəri fìŋ abə bəd ne màmà, bə̀ wètì bəd mbe ne koʼi gha mbe wete awɔb. Mbə̀ ya bə̀ nyìmbe fìŋ tì wə̀d ijìm.

2 Tès 2:5

Àkə chəyi mbə̰ mbe wènde gha anyumə̀ ne mə̀ ya yaʼi tì inən mə yaya ghà inug mbo̰ inən?

2 Tès 3:8

Chəyi tì yaya jə̀ghə tijəg wə̀d mɔ̀ʼɔ witì nàʼ ikab. Tì yaya kìrə ika fàʼà tisi fɔrɔ tizimi ni ghì gha imbə̀ʼ tì nɔ̀ʼ zì yaʼ mbèʼ wən igun wə̀d mɔ̀ʼɔ abɔ̀ʼ inən.

2 Timotì 4:5

Àsi awe, àghò Timotì, niŋ nyumə̀ inga inug ijìm. Nyimbi fìŋ anyumə̀ ne àghò we chè inga ngəʼ. Faʼa ni chètì ikən chɔm imbə̀ʼ ghì gha bəd yeʼe abə Kristo. Faʼa ìfàʼì ijìm mbe ne Ŋwiye zi ine ikye ibo.

Mə̀Hibrù 13:17

Mbə̀ ya zùgrə ìmbən itog bəd ane anug Ŋwiye bə̀ ya fàʼà inug mbe ne mbɔb mbe ghà inən. Àzɔb àfàʼì ya ni kyèʼrì awən. À ya mbɔb ne biri təm imbìghè abə Ŋwiye ni mə̀tì inug imbə̀ʼ awən. Mbə̀ ya zùgrə awɔb, ni ghì gha mbi biri ya fàʼà àzɔb àfàʼì ane igyendi, kayi ane agaŋ. Mbi mə̀ ya fàʼà nè gàŋa, chəyi ze biri wètì awən.

Ɨnû 16:15

Anɔŋisəg Yeso gha, “Mbə̀ nḛ, mə biri yeʼe icheg iji! Ŋwiye ziye àbɔrɔ̀bɔd igun wə̀d ne chughi ikyèʼi bə̀ tàngi ìti ndwi nɔ̀ŋì ni gha imbə̀ʼ wì nɔʼ yèn tì ìkyèrikye si bèrì tìnìrètog inga bəd!”