Ɨ̀fàʼì 20:3 - Ikan feg

³ Wì ya chughi angu ane ameg atad. Mə̀Ju ya taŋ mənaŋ ni zweti aməd anyumə̀ ne wì yaya chùʼri nyɔd ni bani ghò a Sirìyà. Ane, wì ya bə̀ndì ghò chè a Màsèdonìyà bɔŋ si pè a Sirìyà.

Meta’

³ Wɨ̀ nyaʼa chub əŋgu əmɨg ətad. Ənɨ wɨ̀ nyaʼə tekɨ ɨnyod nɨ baanɨ wo ə Sirià, wɨ̀ nyaʼa zu ni mɨ̀Jû mɔʼɔ mbɨə nyaʼə taŋ mɨnaŋ ɨmbə̀ʼ zwiirɨ əwi, əne wɨ̀ nyaʼa nuŋ ɨŋga i fîŋ ni tə bɨrɨ bəndɨ wo che ə Màsèdonià bɔŋ sɨə wò ə Sirià.

Ɨ̀fàʼì 20:3 ပူးပေါင်းရင်းမြစ်များ

Matìyò 4:24

Icheg ne wì yaya ghìyə̀ ane, bəd ya ghà inug imbə̀ʼ aməd ghò mà isiŋi ijìm inga Sirìyà. Bəd ya niŋ bəd ighɔn ne ghɔ̰̀ tiku ighɔn nɔʼ nɔʼ ghò ibo. Aku bəd ne wì ya ghu ya; bəd ne isiŋi nyɔd mbe taŋ se, tì bəd ne izwighi tibɔ̀ŋ yaʼi inga inɔb, tì bəd ne izwighi tibɔ̀ŋ yaya chə awɔb, tì bəd aghɔn tìsùʼ fɔrɔ bəd ne ya buʼrə.

Ɨ̀fàʼì 16:12

Tì ya nɔ̀ʼ angu ghò a Filipì, ne yaʼi aben kyen inga aba isəg ze a Màsèdonìyà. À ya Rom yaya tùmbə aben ze. Tì ya chughi angu ane ineg nɔʼ nɔʼ.

Ɨ̀fàʼì 16:9

Àsi izimi we, anatì njə̀m mɔ̀ʼɔ ya chè Pɔl. Wì ya bàd mbaŋà mɔ̀ʼɔ inga anatì njə̀m ze ne ya təmi se bòʼo ibo ghà ibo gha, “Bani yèʼe wètì awa a Màsèdonìyà.”

Ɨ̀fàʼì 18:18

Pɔl ya ywìrì chùghi à Kɔrèn ane ineg mɔ̀ʼɔ. Anyumə̀ ne wì ya màni a angu, wì ya sàŋì bəd mbe ne ya bḛ Kristo, niŋ Prìsilà tì Àkwilà mbi nyi inga abaŋ igyi bàni ghò à Sirìyà. Bɔŋ mbi ya se nɔ̀ʼɔ̀ à Sènkreyà, wì ya fə seri atog icheg ne wì ya fə bḛ abə Ŋwiye.

Ɨ̀fàʼì 19:21

Anyumə̀ ne anug imbə̀ʼ bɔn ìmbi Sefà ya fə che, Pɔl ya nɔ̀ŋì inga ìzi fìŋ ni chè a Màsèdonìyà bə̀ chè a Akìyà ghò a Jèrusalèm. Wì ya gha, “Mə mə̀ pè angu, mə mənyìʼ ghò pè a Rom.”

Ɨ̀fàʼì 20:1

Anyumə̀ ne ndum ze ya mèghi, Pɔl ya tɔŋɔ mə̀mə̀nənùg Yeso, nə̀ri fìŋ inɔb, bə̀ nàʼrì tì inɔb, si nɔ̀ʼ ghò a Màsèdonìyà.

Ɨ̀fàʼì 20:19

Mə ya swi ìmə nyɔd icheg wə̀d àfàʼì Anɔŋisəg, fàʼ tì məsi aghə. Mə ya bə̀ nyìʼ ìkwàʼrì nɔʼ nɔʼ ne mə̀Ju mɔ̀ʼɔ ya taŋi mənaŋ igun inum.

Ɨ̀fàʼì 20:2

Anyumə̀ ne Pɔl ya yaʼi a Màsèdonìyà, wì yaya yḛ̀ iben iben nè nə̀rə fìŋ abə bəd mbe ne ya nɔŋi ìwɔb ibḛfiŋ igun Yeso Kristo. Wì ya si ghò pè a Gris.

Ɨ̀fàʼì 21:3

Anyumə̀ ne tì ya təmi bàd Sayiprùs, tì si chè aton aton bàni ghò a Sirìyà pè təm a Tayì. Tayì ya asiŋi ne mbi ya beri ni chì ighi mbe ne abaŋ igyi ya bèʼi nɔ̀ŋì angu.

Ɨ̀fàʼì 25:3

wì ghiyə ìchɔ̀mì inɔb, chà Pɔl a Jèrusalèm. Mbi ya ghà ane imbə̀ʼ icheg ne mbi ya fə chuʼri gha mbɔb biri nə̀mbì inɔnjì, ghɔ̀m Pɔl zwèti.

2 Kɔrèn 1:15

Mə ya fə taŋ kyèri gha à ya icheg ne ze yaʼi. À ya aton ne mə̀ ya kàʼi ni bi yeʼe inən, ni gha Ŋwiye ziye àbɔrɔ̀bɔd igun inən ane ighəm ne pè ane ibe.

2 Kɔrèn 11:26

Mə yḛ tigha̰ nɔʼ nɔʼ. Mə ya ŋa kùwə inga tigyi kyen kyen. Məji ya bə̀ kùg mə. Ìmbum tìbəd ya ŋa zwète mə. Bəd ne kayi mə̀Ju ya bə̀ ŋa zwète mə. Mbi ya fə ŋa zwète amə inga ikye aben fɔrɔ inga tibad zɔbi. Mə ya chwed iwu inga ngəʼ inga tìbà. Mə ya bə̀ chè inga ngəʼ fɔrɔ ikye abo abə bəd ne bèmnè inug ne ya chwi ìwɔb ìfe icheg bəd Kristo.

2 Kɔrèn 7:5

Anyumə̀ ne tì ya pe a Màsèdonìyà, chəyi tì ya beri àzwètì. Ngəʼ yaya nyḭ̀yḛ igun ina ane iba ijìm. Bəd yaya chɔ̀bɔ tì ina. Tì yaya bə̀ taŋ bɔ.

Gàlesìyà 1:21

Mə ya si nɔ̀ʼ a Jèrusalèm ghò a Sirìyà fɔrɔ a Sìlisìyà.