Ɨ̀fàʼì 20:24 - Ikan feg

²⁴ Ane, chəyi mə̀ nìŋə ìmə ìtḛ̀ ane aghi mɔ̀ʼɔ. Mə ya kə̀bə̀ ni màni àfàʼì ze ne Anɔŋisəg Yeso nàʼi inum. Àfàʼì ze ya ni ghà ikən chɔm imbə̀ʼ ìchɔ̀mì we ne Ŋwiye we fàʼà.

Meta’

²⁴ Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Ɨ̀fàʼì 20:24 ပူးပေါင်းရင်းမြစ်များ

Lk 16:28

imbə̀ʼ icheg ne mə beri ìmbum məfi məta̰. Tɔm aməd wì gho pàtì awɔb imbə̀ʼ mbi ghum nɔ̀ʼ yèʼe inga asiŋi ichə aŋa.›

Jn 15:27

Mbə̰ inən biri bə̀ tòʼrì inug imbə̀ʼ amə abə bəd imbə̀ʼ icheg ne, mbə̰ ya yaʼ abɔ̀ʼ inum, nɔ̀ʼ ane nyumə̀ ne, mə̀ ya ko àmə àfàʼì.”

Jn 17:4

Mə fə ghì bəd ghumni awe igun isəg anjìm icheg ne mə mani àfàʼì ze ne àghò ya nàʼi inum gha mə faʼa.

Ɨ̀fàʼì 1:17

Judàs yaya kwàʼ wə̀d abɔ̀ʼ ina ane àfàʼì ni chètì inug imbə̀ʼ Yeso.”

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

Ɨ̀fàʼì 13:25

Anyumə̀ ne Jɔn ya se zàmbì mànì àzi àfàʼì, wì ya biri abə bəd gha, ‹Mbə̀ kə kɔ̀ndɔ gha mo ya we? Mo ya kayi wə̀d we ne mbə̰ mbe ghɔ̀mɔ̀. Indèʼ ka! Si ya gha, mbə̀ kyeri gha wə̀d mɔ̀ʼɔ we yèʼe inum anjìm, ne chəyi mə̀ bi kòʼ ane wə̀d ne tì mə chì itami məd.›”

Ɨ̀fàʼì 14:3

Pɔl tì Bànabàs ya chughi angu ane nyumə̀ mɔ̀ʼɔ se ghàmà ìngam Anɔŋisəg ane fìŋ ka ka. Ane, Anɔŋisəg ya chwi gha ìngam we ne mbɔb yaya ghàmà imbə̀ʼ ìchɔ̀mì məd ya anug tesiʼ icheg ne wì ya ghi gha mbe faʼa inug yeti yeti.

Ɨ̀fàʼì 15:7

Anyumə̀ ne mbi ya fə ghàmi ghò agha sà, Pità ya nɔ̀ʼ təm titighe, ghà inɔb gha, “Ìmbum məfi, mbə̰ kyèri àzən aghi gha, inga ineg mbe ne anug Kristo ya ko, Ŋwiye ya chɔʼ amə inga inən, chà amə gha mə gho ghà ikən chɔm gho̰ abə bəd ne kayi mə̀Ju, mbe zug bḛ.

Ɨ̀fàʼì 18:5

Anyumə̀ ne Sayilàs tì Timotì ya nɔ̀ʼi à Màsèdonìyà yèʼe a Kɔrèn, Pɔl ya si zì atog məyi ni ghàm Ìngam Ŋwiye bə̀ fɔrɔ ni tòʼrì abə mə̀Ju gha Yeso ya Wə̀d we ne Ŋwiye zɔ̀ʼi.

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

Ɨ̀fàʼì 20:23

Anug ne Azwighi Ŋwiye ghi mə kyeri ya gha, nəb ndəŋ fɔrɔ ngəʼ te ghɔ̀mɔ̀ amə inga tikye aben ijìm ne mə ghò.

Ɨ̀fàʼì 20:32

Amad anìŋ, mə zì awən ikye abo abə Ŋwiye bə̀ nàʼ awən abə ikən we ne ghàmà imbə̀ʼ ìchɔ̀mì Ŋwiye. À ya ikən we ne tì wì ghì mbə kweg bə̀ bèrì ighi mbe ne Ŋwiye nɔŋi abə bəd məjìm mbe ne Ŋwiye ghi mbi zen.

Ɨ̀fàʼì 21:13

Pɔl ya ywìtì gha, “Aton ne mbə dèghè anìŋ, chìkə̀ ìmə fìŋ àkə gha? Mə fə chuʼri ìmə nyɔd ni nyi ndəŋ fɔrɔ bèyi ni ku a Jèrusalèm imbə̀ʼ ikum Anɔŋisəg Yeso.”

Ɨ̀fàʼì 22:21

Anɔŋisəg ya ghà inum gha, ‹Ndò imbə̀ʼ icheg ne mə̀ biri chà awe a sà agha abə bəd mbe ne kayi mə̀Ju.› ”

Ɨ̀fàʼì 9:15

Wì ya ghà ane, si ya gha, Anɔŋisəg ya ghà ibo gha, “Ndò imbə̀ʼ icheg ne mə fə chɔʼ aməd ane ìmə wə̀d àfàʼì inum. Wì biri chètì anug imbə̀ʼ amə abə bəd mbe ne kayi mə̀Ju, chètì abə məfɔn bə̀ chètì fɔrɔ abə mə̀Izre.

Rm 11:6

Ŋwiye ya chɔʼ bəd anjìm ìchɔ̀mì məd, kayi imbə̀ʼ àfàʼì ne bəd ya fàʼi. Àkə wì ya chɔʼi bəd anjìm ìmbɔb ìfàʼì, nji chəyi ìchɔ̀mì məd biri yaʼ kwàʼ ìchɔ̀mì tesiʼ.

Rm 4:4

Wə̀d mə fàʼ, mbi ya nàʼà ikab àfàʼì məd icheg ne ze chwi. Ikab àfàʼì we ya kayi ineʼi.

1 Kɔrèn 15:58

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ təm kà. Imbə̀ʼ mbə̰ si saŋa awən gha aghi mɔ̀ʼɔ chiʼre ìwən ibḛfiŋ ka. Mbə̀ ya fàʼà àfàʼì ze ne Anɔŋisəg zi inga ìtən tikye ibo ane ìzən fìŋ ijìm. Mbə̀ ya fàʼà ane imbə̀ʼ icheg ne mbə̰ kyèri gha chəyi anug mɔ̀ʼɔ ne mbə̰ mbe fàʼà abə Anɔŋisəg ne biri chè ako.

2 Kɔrèn 12:10

À ya aton ze ne mə niŋi inug mɔ̀ʼɔ imbə̀ʼ Kristo kwàʼ ane igyendi. Inug mbe ya: inug ne ghìyə̀ mə bɔrɔ, tì tizɔmbì, tì inug ne kà, tì icheg ne bəd mbe chɔ̀ʼɔ ìmbum ibɔʼì ighog, fɔrɔ tiku ngəʼ tijìm. Ane, anyumə̀ ne mə̀ bɔri, Kristo ya ghìyə̀ mə kà.

2 Kɔrèn 4:1

Icheg ne Ŋwiye chwi àzi àsɔ̀mnəfiŋ ina bə̀ nàʼ àfàʼì azo̰ ina, chəyi ìta fìŋ biri bɔd.

2 Kɔrèn 4:12

Ane, tì we ichug iwu mà nyumə̀ ijìm ni ghì gha mbə jəg ìtḛ̀ ighə̀m imɔ̀.

2 Kɔrèn 5:8

Tè kyèri kwàʼ tesiʼ tesiʼ gha, ze bɔ̀ŋ ni yaʼ abɔ̀ʼ Anɔŋisəg chè icheg ni yaʼ inga nyàmnyɔd ìzo̰ igun isəg aŋa.

2 Kɔrèn 7:4

Chəyi mə̀ jə̀mə̀ awən kà. Mə ya bə̀ kɔ̀mɔ̀ ìmə igo imbə̀ʼ awən. Anyumə̀ ne tì yaʼi inga ngəʼ, mbə̰ ya nəri ìmə fìŋ bə̀ ghi mə taŋ gyènde.

Gàlesìyà 1:1

À ya mo Pɔl, wə̀dtɔm Kristo, ŋwàʼri àŋwàʼrì azo̰. Kayi bəd kə̀ wə̀d mɔ̀ʼɔ ya chɔʼi amə, tɔm inən. À ya Yeso Kristo fɔrɔ Ŋwiye we ne yaʼi Mbaʼ we ne ya zwemne Yeso Kristo ane iwu, mbi tɔmi amə.

Efesùs 1:6

Ane, tì ghumni Ŋwiye ane ìchɔ̀mì kyen məd we ne wì nàʼi ina abu abu anjìm Ŋwan məd we ne wì kɔ̀ŋi.

Efesùs 3:13

Ane, mə we bòʼo ibo inən gha imbə̀ʼ ìtən fìŋ nɔ̀ʼ bɔd imbə̀ʼ icheg ne mo we zə̰ ngəʼ imbə̀ʼ awən. Inug mbo̰ ijìm ya ni wètì awən.

Fìlipì 2:17

Ka mə bì ku, àmə anəm biri yaʼ icheg mənoʼ ne mbe zìyè igun ighi àfàtì. Ighi àfàtì mbe ya àfàʼì ze ne mbə̰ mbe fàʼà abə Ŋwiye anjìm icheg ne mbə̀ nɔŋi ibḛfiŋ igun Kristo. Ane, mə we gyènde icheg ne mbə̰ məjìm mbe bə̀ gyènde.

Fìlipì 2:30

imbə̀ʼ icheg ne wì ya fə ŋa kùyə ane àfàʼì Kristo. Wì ya sɔ̀ŋ àze atog ni wètì amə ane nyùmə̀ ne chəyi tì mbə̰ ya wètì amə.

Kòlosè 1:24

Mə we gyènde amad anìŋ imbə̀ʼ icheg ne Kristo ya zə̰ ngəʼ imbə̀ʼ awən. Mə ya zə̰ ngəʼ fàʼà anìŋ imbə̀ʼ icheg ne Kristo ya zə̰ ngəʼ imbə̀ʼ ìzi nyàmnyɔd, ni ghì gha zì kweg. Nyàmnyɔd məd ze ya ifeti bəd Kristo.

1 Tèsàlonikà 2:2

Bəd mbe a Filipì ya ghì tì zə̰ ngəʼ. Mbə̰ bə̀ kyèri àzən aghi gha mbi ya zì tìnìrètog igun ina. Si ya gha, Ŋwiye ya nàʼ ika ina gha tì gha ikən chɔm inən, ka chəyi bəd nɔʼ nɔʼ ya kə̀bi gha tì gha ikən chɔm we.

1 Tèsàlonikà 3:3

Tì ya chà aməd gha wì yeʼe nə̀ri awən imbə̀ʼ ìwən ibḛfiŋ nɔ̀ʼ bɔd icheg ne mbe chɔʼɔ ìmbən ibɔʼì ighog. Mbə̰ kyèri àzən aghi gha mbi mənyìʼ chɔʼ ìmba ibɔʼì ighog.

2 Timotì 1:12

À ya aton ne mə zə̰ ngəʼ anìŋ. Si ya gha, chəyi mə̀ bèrè tìnìrètog imbə̀ʼ icheg ne mə kyèri wə̀d ne mə̀ zì ìmə ibḛfiŋ igun məd. Mə bə̀ taŋ kyèri gha məd bèrì ika ni nɔ̀ŋì aghi ze ne məd zì inum ikye abo ghò pè ane aneg ìnwḭ.

2 Timotì 3:11

Àghò kyèri icheg ne bəd yaya chɔ̀ʼɔ ìmbum ibɔʼì ighog, bə̀ kyèri icheg ne bəd yaya chə amə. Àghò kyèri tiku inug ijìm ne mbi ghi inum inga Antìyɔ̀g, tì a Ìkonìyùm fɔrɔ a Listrà. Àghò kyèri icheg ne bəd ya chɔʼri ìmbum ibɔʼì ighog mə bə̀ kiri nyiʼ fìŋ. Bəd ya jiʼì ghì inug mbo̰ ijìm inum, si ya gha, Anɔŋisəg ya chì amə inga nyùmə̀ ngəʼ ìto̰ tijìm.

2 Timotì 4:17

Mbi ya ghì ane, si ya gha, Anɔŋisəg ya təm abɔ̀ʼ inum, nàʼ ika inum. Ane, Anɔŋisəg ya wètì amə, ghì mə ghàm Ìngam Ŋwiye ijìm abə bəd məjìm mbe ne kayi mə̀Ju, mbi zug. Anɔŋisəg ya bə̀ chì amə ichug iwu imbə̀ʼ icheg ne mbi ya fə nɔ̀ŋì gha mbi biri zweti amə.

Tayitùs 1:3

Ane nyùmə̀ ya kòʼi, Ŋwiye ya ghì ìngam məd dù zen. Wì ya zì ìngam gho̰ inum ikye abo gha mə chete kwàʼ icheg ne Ŋwiye we ne pùmnə awa wì kə̀bi.

Tayitùs 2:11

Ze yaʼ ane imbə̀ʼ icheg ne, Ŋwiye fə chwi ìwi ìchɔ̀mì we ne pùmnə bəd abə bəd məjìm.

Mə̀Hibrù 10:34

Mbə̰ ya bə̀ sɔ̀mnɔ̀ igun məfi mbe ne ya yaʼi inga nəb ndəŋ . Anyumə̀ ne mbi ya bə̰ ìmbən ighi, mbə̰ ya bə̀ sàŋì nè gyènde imbə̀ʼ icheg ne mbə̰ kyèri àzən aghi gha mbə bèrì aghi ne bɔŋi chè ne biri bə yaʼ ane ighə̀m imɔʼ.

1 Pità 5:12

À ya Sayilàs wèti amə ni ŋwàʼrì iki ìngam gho̰ ne mo we chà inən. Məd ya kwàʼ ìwa ifi ne taŋ zì ibḛfiŋ igun Kristo. Àŋwàʼrì azo̰ ya ni nəri awən bə̀ bḛ gha aŋa ya kwàʼ ìchɔ̀mì tesiʼ ne Ŋwiye ghi inən. Mbə̀ təm kà inga ìchɔ̀mì we.

1 Jɔn 3:16

Tì kə kyère aghi ne àkɔ̀ŋì yaʼi àzewən iye? Yeso Kristo fə chwi àkɔ̀ŋì ze ina icheg ne wì ya nàʼi ìwi ìtḛ̀, ku igun azed abaʼri imbə̀ʼ awa. Ane, tè bə̀ kòʼ ni nàʼ ìwa ìtḛ̀ atog abə bəd ndəŋ.

Ɨnû 12:11

Mbɔb fə màʼ ibid chè aməd anjìm iwu Ŋwan njə̀g bə̀ fɔrɔ anjìm ikən chɔm we ne mbɔb yaya ghà. Chəyi mbi yaya bɔ iwu, ka ya bè anyumə̀ ne mbi yaya kə̀bə̀ ni zweti awɔb.

Ɨnû 6:11

Ane, mbi ya nàʼ ndwi màʼi fu fu abə wə̀d imɔʼ imɔʼ abɔ̀ʼ inɔb. Mbi ya bə̀ ghà inɔb gha, mbe ywìrì ghɔ̀m ane iki nyumə̀ iki piʼì ni ghì gha bəd fə màna zwèti inun bəd àfàʼì mbe ne yaʼi icheg inɔb, bə̀ zweti ìmbɔb məfi mbe ne kòʼi ni ku.