Ɨ̀fàʼì 20:21 - Ikan feg

²¹ Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

Meta’

²¹ Mə wɨə nyaʼə ghà əmbɨ mɨ̀Jû bə̀ ghà əmbɨ ə bə̂d mbe nɨ kaʼi mɨ̀Jû ni mbɨ beŋ tə fîŋ wumnɨ ə Ŋwiə̀, bə̀ nùŋ fîŋ ɨgun a Ə̀nùŋɨ̀sɨg Yeso.

Ɨ̀fàʼì 20:21 ပူးပေါင်းရင်းမြစ်များ

Matìyò 3:2

Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Matìyò 4:17

Ni ko anyumə̀ we se ghò imbìghè, Yeso ya se ghàmà Ìngam Ŋwiye. Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Mk 1:15

Wì yaya gha, “Nyùmə̀ fə kòʼ. Anug ìfɔ̀n Ŋwiye fə tinde. Mbə̀ bəŋə ìtən fìŋ, bḛ ikən chɔm gho̰.”

Mk 6:12

Mbi ya dù ghò ghàm Ìngam Ŋwiye gha bəd bəŋə ìtɔb fìŋ waʼ inug tibɔ̀ŋ.

Lk 13:3

Indèʼ! Mə gha tesiʼ inən gha, mbə̰ mə̀ chəyi mbə̀ bəŋi ìtən fìŋ, mbə̰ inən biri bə ku icheg inɔb.

Lk 13:5

Indèʼ! Mə gha tesiʼ inən gha, mbə̰ mə̀ chəyi mbə̀ bəŋi ìtən fìŋ, mbə̰ inən biri ku icheg inɔb.”

Lk 15:10

Mə gha tesiʼ inən gha, à ya bə̀ ane ne mbè angirə̀ Ŋwiye biri ya gyènde anyumə̀ ne wə̀d imɔʼ ne kə̀ ghìyə̀ inug tibɔ̀ŋ bə̀ŋi ìzi fìŋ.”

Lk 15:7

Mə gha tesiʼ inən gha, À ya bə̀ ane ne igyendi kyen biri yaʼ ikaŋ àbɔ̀ŋɔ anyumə̀ ne wə̀d imɔʼ ne ghìyə̀ inug tibɔ̀ŋ bə̀ŋi ìzi fìŋ. Mbi biri gyendi chè icheg ne mbe gyènde imbə̀ʼ bəd ìghum àbɔg chɔ̀b àbɔg ne təmi kòʼ ne chəyi ze chwi gha mbe ywirì bə̀ŋì ìtɔb fìŋ.”

Lk 16:28

imbə̀ʼ icheg ne mə beri ìmbum məfi məta̰. Tɔm aməd wì gho pàtì awɔb imbə̀ʼ mbi ghum nɔ̀ʼ yèʼe inga asiŋi ichə aŋa.›

Lk 24:47

Mbi ya bə̀ ŋwàʼrì gha, ikən chɔm gho̰ ya mbi biri chètì ane ikum məd, ni ko a Jèrusalèm ghò pè inga iben ijìm gha, Ŋwiye biri waʼ inug tibɔ̀ŋ abə bəd mbe ne bəŋi ìtɔb fìŋ sìkì inug tibɔ̀ŋ.

Jn 20:31

Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.

Jn 3:36

Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”

Ɨ̀fàʼì 10:43

Bədkə̀n Ŋwiye məjìm yaya ghà inug imbə̀ʼ aməd gha Ŋwiye biri chè anjìm məd waʼ inug tibɔ̀ŋ abə wə̀d ijìm ne nɔŋi fìŋ igun məd.”

Ɨ̀fàʼì 11:18

Anyumə̀ ne mə̀Ju mbe ya zughi ane, chəyi mbi ya ywirì bìri anug mɔ̀ʼɔ abə Pità. Mbi ya se ghùmnə Ŋwiye gha, “Ane, à ya kwàʼ tesiʼ gha Ŋwiye fə nàʼ apan abə bəd ne kayi mə̀Ju gha mbe bəŋə fìŋ sìkì inug tibɔ̀ŋ, jəg ìtḛ̀.”

Ɨ̀fàʼì 16:31

Mbi ya ywìtì ibo gha, “Nɔ̀ŋɔ fìŋ igun Anɔŋisəg Yeso, àghò biri pum, àghò tì bəd məjìm mbe ne yaʼi ine inga nəb.”

Ɨ̀fàʼì 17:30

A mbègtog, chəyi Ŋwiye ya nɔŋi atog ane inug mbe ne bəd yaya ghìyə̀ abəŋ. Si ya gha, inga nyùmə̀ isəg gho̰, wì fə ghà gha bəd məjìm inga isiŋi ijìm mbe bəŋi ìtɔb fìŋ sìkì inug tibɔ̀ŋ.

Ɨ̀fàʼì 19:17

Mə̀Ju məjìm fɔrɔ bəd ne kayi mə̀Ju ne yaya chùghə a Efesùs ya zug anug azo̰, ibɔ gwì awɔb. Mbɔb yaya se taŋà ghùmnə Anɔŋisəg Yeso.

Ɨ̀fàʼì 2:38

Pità ya ywìtì gha, “Wə̀d imɔʼ imɔʼ abɔ̀ʼ inən bəŋə ìzi fìŋ chì ane inug tibɔ̀ŋ bə̀ niŋ mənib ane ikum Yeso Kristo ni chwi gha Ŋwiye fə waʼ inug tibɔ̀ŋ məd. Mbə̰ mə̀ ghì ane, Ŋwiye biri nèʼ awən nàʼ àzi Azwighi inən.

Ɨ̀fàʼì 2:40

Pità ya ghàm inug nɔʼ nɔʼ inɔb pàti awɔb bə̀ boʼ ibo inɔb gha, “Mbə̀ duwə awən inga ngəʼ ze ne biri nyi igun ikəri bəd gho̰ ne ghìyə̀ inug tibɔ̀ŋ.”

Ɨ̀fàʼì 20:23

Anug ne Azwighi Ŋwiye ghi mə kyeri ya gha, nəb ndəŋ fɔrɔ ngəʼ te ghɔ̀mɔ̀ amə inga tikye aben ijìm ne mə ghò.

Ɨ̀fàʼì 20:24

Ane, chəyi mə̀ nìŋə ìmə ìtḛ̀ ane aghi mɔ̀ʼɔ. Mə ya kə̀bə̀ ni màni àfàʼì ze ne Anɔŋisəg Yeso nàʼi inum. Àfàʼì ze ya ni ghà ikən chɔm imbə̀ʼ ìchɔ̀mì we ne Ŋwiye we fàʼà.

Ɨ̀fàʼì 24:24

Ane ineg mɔ̀ʼɔ ya chè, Gɔbnà Feligs tì iweg məd ne ikum məd ya Drùsilà ya yeʼe. Drùsilà ya yaʼ Ju. Wì ya yeʼe pè chà bəd, mbi ghò kàrì Pɔl imbə̀ʼ icheg ne wì yaya kə̀bə̀ ni zug inug mbe ne Pɔl yaya ghàmà imbə̀ʼ anug ni nɔ̀ŋì ibḛfiŋ igun Yeso Kristo.

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Ɨ̀fàʼì 26:20

Mə ya bì ko ghà Ìngam Ŋwiye a Dàmaskòs, nɔ̀ʼ angu ghà a Jèrusalèm, nɔ̀ʼ angu ghà inga isiŋi ijìm inga Jùdeyà bə̀ fɔrɔ inga iben mbe ne kayi mə̀Ju. Mə yaya ghà gha bəd bəŋə ìtɔb fìŋ sìkì inug tibɔ̀ŋ bèni abɔ̀ʼ Ŋwiye. Mə yaya bə̀ ghà gha bəd se ghìyə̀ inug mbe ne chwìye gha mbi fə bə̀ŋì ìtɔb fìŋ sìkì inug tibɔ̀ŋ.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Ɨ̀fàʼì 3:19

Ane, mbə̀ bəŋə ìtən fìŋ, waʼ inug tibɔ̀ŋ, ghò abɔ̀ʼ Ŋwiye, ni ghì gha wì waʼ ìmbən inug tibɔ̀ŋ.

Ɨ̀fàʼì 8:25

Anyumə̀ ne Pità tì Jɔn ya fə mə̀ti inug mbe ne mbɔb ya kyeri imbə̀ʼ anug ìfɔ̀n Ŋwiye, bə̀ ghà ìngam Anɔŋisəg, mbi ya nɔ̀ʼ bə̀ndì ko ghò a Jèrusalèm. Mbi yaya yḛ̀ nè ghà ikən chɔm inga isiŋi nɔʼ nɔʼ a Sàmarìyà.

Rm 1:14

Mə bèrì anug ne mə̀ mənyìʼ fàʼ abə bəd məjìm: Mə bèrì ni fàʼ abə mə̀Grig fɔrɔ abə bəd mbe ne kayi mə̀Grig, bə̀ fɔrɔ abə bəd mbe ne kyeri anug fɔrɔ abə bəd mbe ne yaʼi abəŋ.

Rm 1:16

Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Rm 10:9

Àmə yaʼ ane àghò fìʼì ìwe ichug ghà gha, Yeso ya Anɔŋisəg bə̀ bḛ inga ìze fìŋ gha Ŋwiye ya zwemni aməd ane iwu, àghò biri pum.

Rm 2:4

Àghò we wa wèghè inug chɔm nɔʼ nɔʼ mbe ne Ŋwiye we ghìyə̀ ine anjìm fìŋ chɔm məd bə̀ fɔrɔ icheg ne Ŋwiye we nyìmbe fìŋ tì ine, icheg ne wì sàŋi gha àghò be ghìyə̀ inug mbe ne chəyi mbi koʼi? Kə̀ chəyi àghò kyèri gha Ŋwiye ya ghìyə̀ fìŋ chɔm ine, nàʼà apan ine gha àghò bəŋi fìŋ sìkì inug tibɔ̀ŋ?

Rm 4:24

À ya fɔrɔ ina, mba mbe ne nɔŋi ibḛfiŋ igun məd we ne ya zwemne Yeso, ìwa Anɔŋisəg ane iwu.

Rm 5:1

Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

1 Kɔrèn 1:22

Mə̀Ju yaya kə̀bə̀ ni bàd inug yeti yeti. Àsi mə̀Grig yaya kə̀bə̀ ni zug yaʼ inug ne beri iwe.

2 Kɔrèn 7:10

Tesiʼ ya gha, àsɔ̀mnì ze ne Ŋwiye ghi ya ni ghì gha bəd bəŋə ìtɔb fìŋ sìkì inug tibɔ̀ŋ si pum. Ane, chəyi kyere mɔ̀ʼɔ inga iku àsɔ̀mnì we. Àsi àsɔ̀mnì ne à ya wə̀d-aku ghi, ze ya ghìyə̀ wə̀d kùyə.

Gàlesìyà 2:16

Tè kyèri àza aghi kwàʼ tesiʼ gha, chəyi tì wə̀d təm kòʼ imbìghè abə Ŋwiye anjìm icheg ne wì nɔŋi mə̀nɔ̀ʼɔ̀ Muse. Wə̀d ne təmi kòʼ imbìghè abə Ŋwiye ya wə̀d ne nɔŋi ìwi ibḛfiŋ igun Yeso Kristo. Ane, mba mə̀Ju fə bə̀ nɔ̀ŋì ibḛfiŋ igun Yeso Kristo ni ghì gha tè təm kòʼ. Tè təm kòʼ anjìm ìwa ibḛfiŋ igun Kristo, kayi anjìm icheg ne tì nɔŋi anug ne mə̀nɔ̀ʼɔ̀ Muse mbe kə̀bə̀. Chəyi tì wə̀d təm kòʼ anjìm icheg ne wì nɔŋi mə̀nɔ̀ʼɔ̀ Muse.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Gàlesìyà 3:22

Si ya gha, Ìngam Ŋwiye ghà gha, inug tibɔ̀ŋ mbe kɔ̀rɔ bəd məjìm inga isəg. Ìngam Ŋwiye ghà ane ni ghì gha bəd kyeri gha, aghi ze ne mbi ya kàʼi ni nàʼ abə bəd anjìm ìwɔb ibḛfiŋ igun Ŋwiye ze tì mbi nàʼ məyi abə bəd mbe ne bḛ Yeso Kristo.

Efesùs 1:15

Ni ko ane nyumə̀ ne mə̀ ya zughi gha mbə̰ fə nɔ̀ŋì ìwən ibḛfiŋ igun Anɔŋisəg Yeso Kristo, bə̀ zug gha mbə̰ mbe kɔ̀ŋɔ̀ bəd Ŋwiye məjìm,

Kòlosè 2:5

Ka chəyi awum abɔ̀ʼ inən, mbə̀ kyeri gha mə we kɔ̀ndɔ awən mà nyumə̀ ijìm. Mbə̀ bə kyèri gha, mə kɔ̀ŋ ni bàd icheg ne mbə̰ mbe ghìyə̀ inug ne koʼi bə̀ bàd icheg ne ìwən ibḛfiŋ təmi kà igun Kristo.

Filemɔ̀n 1:5

Mə ya wènde awe ane imbə̀ʼ icheg ne mə we zùghə icheg ne àghò nɔŋi ìwe ibḛfiŋ igun Anɔŋisəg Yeso Kristo bə̀ zùghə icheg ne àghò we kɔ̀ŋɔ̀ bəd Ŋwiye məjìm.

1 Jɔn 5:1

Wə̀d ne bḛ gha Yeso ya Wə̀d we ne Ŋwiye zɔ̀ʼi ya wə̀d Ŋwiye. Wə̀d ne kɔ̀ŋi Mbaʼ ya bə̀ kɔ̀ŋɔ̀ ŋwan məd.

1 Jɔn 5:5

Wə̀d ne tì wì màʼ chè inug inga isəg àkə we? À ya məyi wə̀d ne bḛ gha Yeso ya Ŋwan Ŋwiye.