Ɨ̀fàʼì 2:46 - Ikan feg

⁴⁶ Ineg ijìm, mbi yaya chè imbìghè ni ya fète inga ikam mbàn Ŋwiye. Mbi yaya jə̀ghə itari anəb anəb ane igyendi fɔrɔ ane fìŋ ifibì.

Meta’

⁴⁶ Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

Ɨ̀fàʼì 2:46 ပူးပေါင်းရင်းမြစ်များ

Matìyò 6:22

Yeso ya chè imbìghè gha, “Ighə ya anam abə nyàmnyɔd. Ìwe ighə mə̀ yaʼ ìwi chɔm, ìze nyàmnyɔd ijìm biri zen.

Lk 11:41

Ane, mbə̀ naʼa ighi ijìm ne yaʼi inga ìtən itoʼ fɔrɔ inga ìmbən ikaŋ abə bəd ne chəyi àzɔb. Mbə̰ mə̀ ghì ane, ìmbən ighi ijìm biri si zen icheg ne mə̀nɔ̀ʼɔ̀ chwi.

Lk 24:30

Anyumə̀ ne mbi ya chughi aseg ni jəg, Yeso ya niŋ ngə̀ŋ mə̀kara, nàʼ məyakà abə Ŋwiye, si bə̀ʼri, ghàpì tì inɔb.

Lk 24:53

Mbi ya se ghò inga mbàn Ŋwiye ineg ijìm ni ghùmnə Ŋwiye.

Ɨ̀fàʼì 16:34

Wì ya ghì ane, niŋ awɔb mbi ghò inga nəb, pè nàʼ ighijəg inɔb. Məd tì bəd məjìm mbe ne ya yaʼi ibo inga nəb ya taŋ gyen icheg ne mbɔb fə bḛ Ŋwiye.

Ɨ̀fàʼì 2:42

Bəd Kristo mbe ne ya zi atog ane inug ne bədtɔm yaya chwìte ya yaʼ ane ifɔti. Ane, mbi yaya fɔ̀tɔ jə̀ghə itari bə̀ fɔ̀tɔ chàʼrà Ŋwiye.

Ɨ̀fàʼì 20:7

Igun aneg Sɔndè, tì ya fete ni jəg itari. Pɔl yaya chùʼrə nyɔd ni ghò yi isu abɔ̀ʼ. Ane, wì ya nɔ̀ʼ təm ni ghàm inɔb, ghàm anene ghò pè ane àngɔŋ tizimi.

Ɨ̀fàʼì 3:1

Aneg mɔ̀ʼɔ ane mə̀nyùmə̀ mətad tisi, ne ya nyumə̀ ne mbe chàʼrà Ŋwiye, Pità tì Jɔn yaya ghò inga mbàn Ŋwiye.

Ɨ̀fàʼì 5:21

Anyumə̀ ne ituʼ ya chəghi, mbi ya ghò nyi inga mbàn Ŋwiye, ko ni chwiti inug icheg ne angirə̀ we ya gha inɔb. Atog wə̀d igun bəd mbàn Ŋwiye tì bəd mbe ne ya yaʼi tì məd ya ghò kàrì itog bəd ne sàʼa aben məjìm tì itog bəd aben mə̀Ju məjìm gha mbe gho fète inga ìwɔb ichamì. Anyumə̀ ne mbi ya gho fète, mbi ya chà bəd gha mbe gho niŋ bədtɔm mbe inga nəb ndəŋ yèʼe.

Ɨ̀fàʼì 5:42

Mbi ya chè imbìghè ni chwiti inug abə bəd ineg ijìm bə̀ ghà ikən chɔm inga mbàn Ŋwiye fɔrɔ anəb anəb gha Yeso ya Wə̀d we ne Ŋwiye zɔ̀ʼi.

Rm 12:8

Ineʼi wə̀d mə̀ yaʼ ni nəri bəd, wì taŋ zì atog fàʼ kwàʼ icheg chɔm. Ineʼi wə̀d mə̀ yaʼ ni wètì bəd, wì ya bə̀ nàʼà ighi abə bəd ane ìzi fìŋ ijìm. Wə̀d ne ineʼi məd ya ni saʼ bəd, wì ya sàʼa bəd kwàʼ icheg chɔm. Wə̀d ne ineʼi məd ya ni ghì ìchɔ̀mì abə bəd, wì ya bə̀ fàʼà ane ìzi fìŋ ijìm.

1 Kɔrèn 10:16

Toʼ ze ne te no inga anyumə̀ ne te jə̀ghə itari, ne te bə̀ nàʼà məyakà abə Ŋwiye bɔŋ no inga toʼ ze, à ya anəm Kristo ne te no. Ngə̀ŋ ze ne te bə̀ʼrə bə̀ jə̀ghə ya nyàmnyɔd Kristo ne te bə̀ kùrə.

2 Kɔrèn 1:12

Tì ya taŋ tə̀rə̀ awa imbə̀ʼ icheg ne tè kyèri gha tì ya fàʼà inug ijìm ane fìŋ ifibì bə̀ fɔrɔ ane icheg ne zḛ. Tì ya nḛ̀ məyi igun ìchɔ̀mì Ŋwiye mà nyumə̀ ijìm, kayi igun iwe bəd igun isəg. À ya ikuchèg ne te fàʼà inug abə bəd məjìm fɔrɔ inən.

2 Kɔrèn 11:3

Si ya gha, mə we bɔ gha icheg ne jo ya ghum tàmbi If ane iwe mənaŋ, mbi biri bə tambi awən ghì mbə chì ìwən ikɔndi chɔm we ne mbə̀ bèrì ni kɔ̀ŋ Kristo bə̀ zì ìzən fìŋ ijìm igun məd.

Efesùs 6:5

Ìbòʼì, mbə̀ ya zùgrə ìmbən mə̀mbaʼ àfàʼì igun isəg. Mbə̀ taŋ gùndi aseg ghùmni awɔb ane fìŋ ijìm bə̀ kwàʼ icheg ne mbə̰ mbe ghùmnə Kristo.

Kòlosè 3:22

Mbə̰ məfeg, mbə̀ ya zùgrə bəd mbe ne mbə̰ mbe fàʼà inɔb igun isəg kwàʼ ane inug ijìm. Imbə̀ʼ mbə̰ ya zùgrə awən awɔb məyi anyumə̀ ne mbɔb mbe nḛ̀ awən imbə̀ʼ icheg ne mbə̰ mbe kə̀bə̀ gha mbɔb ya gyḛ̀ awən. Mbə̀ ya zùgrə awɔb kwàʼ ane fìŋ zḛ zḛ imbə̀ʼ icheg ne à ya ighumni ne mbə̰ mbe nàʼà abə Anɔŋisəg.