Ɨ̀fàʼì 2:42 - Ikan feg

⁴² Bəd Kristo mbe ne ya zi atog ane inug ne bədtɔm yaya chwìte ya yaʼ ane ifɔti. Ane, mbi yaya fɔ̀tɔ jə̀ghə itari bə̀ fɔ̀tɔ chàʼrà Ŋwiye.

Meta’

⁴² Mbɨ nyaʼa zɨ ətu ənɨ ɨnû mbe nɨ bə̂d tom Kristo nyaʼə chwiə. Ɨ mbɨə nyaʼa ənɨ ɨfɔtɨ, əne ɨ mbɨə nyaʼə bəʼrɨə ŋgə̀ŋ jɨg ɨnɔ̂n bə̀ kɔŋgɨ ə Ŋwiə̀ ɨnɔ̂n.

Ɨ̀fàʼì 2:42 ပူးပေါင်းရင်းမြစ်များ

Lk 24:30

Anyumə̀ ne mbi ya chughi aseg ni jəg, Yeso ya niŋ ngə̀ŋ mə̀kara, nàʼ məyakà abə Ŋwiye, si bə̀ʼri, ghàpì tì inɔb.

Lk 24:35

Mə̀mə̀nənùg mbe məbe ne ya bə̀ndì a Emawòs ya si mə̀tì anug ne du inɔb inɔnjì bə̀ mə̀tì icheg ne wì ya bəʼri ngə̀ŋ mə̀kara ghàpì tì inɔb, mbi kə si kyèri gha à ya məd.

Ɨ̀fàʼì 1:14

Mbɔb məjìm yaya kə fète asiŋi afibì chàʼrà Ŋwiye ane fìŋ ifibì. Məfi ìmbi Yeso tì Mèri we ne yaʼi ngɔb məd fɔrɔ mə̀yi ndəŋ yaya bə̀ chàʼrà Ŋwiye abɔ̀ʼ inɔb.

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Ɨ̀fàʼì 2:46

Ineg ijìm, mbi yaya chè imbìghè ni ya fète inga ikam mbàn Ŋwiye. Mbi yaya jə̀ghə itari anəb anəb ane igyendi fɔrɔ ane fìŋ ifibì.

Ɨ̀fàʼì 20:11

Anyumə̀ ne Pɔl ya bə̀ndi kɔʼ ghò inga atog nəb ze ikaŋ, pè jəg itari bə̀ chùghi aseg jəg tì inɔb, wì ya ghàm inɔb anene ituʼ chəg. Wì ya si nɔ̀ʼ ghò yi.

Ɨ̀fàʼì 20:7

Igun aneg Sɔndè, tì ya fete ni jəg itari. Pɔl yaya chùʼrə nyɔd ni ghò yi isu abɔ̀ʼ. Ane, wì ya nɔ̀ʼ təm ni ghàm inɔb, ghàm anene ghò pè ane àngɔŋ tizimi.

Ɨ̀fàʼì 4:23

Icheg ne itog bəd mbàn Ŋwiye tì itog bəd inga aben ya sàŋa Pità tì Jɔn ane, mbɔb ya ghò kwàʼ ati ati pè kɔ̀ti mbin tì bəd ne ya bḛ Yeso, mə̀tì anug ne mbi pati awɔb ghà inɔb.

Ɨ̀fàʼì 4:31

Anyumə̀ ne mbi ya chàʼra Ŋwiye mànì, asiŋi ze ne mbɔb ya fete angu ya ghùd. Azwighi Ŋwiye ya sweg inga inɔb mbɔb məjìm, mbɔb se chètè Ìngam Ŋwiye ne chəyi mbe ywìrè bɔ.

Ɨ̀fàʼì 6:4

Àsi mba, tì biri niŋ ìwa nyùmə̀ ijìm ane anug ni ya chàʼrà Ŋwiye bə̀ chwìte Ìngam Ŋwiye.”

Rm 12:12

Mbə̀ ya gyènde imbə̀ʼ inug mbe ne Anɔŋisəg kàʼi nɔ̀ŋì inən. Anyumə̀ ne mbə̰ mbe chè inga ngəʼ, mbə̀ ya nyìmbe fìŋ. Mbə̀ ya chàʼrà Ŋwiye mà nyumə̀ ijìm.

1 Kɔrèn 10:21

Chəyi tì mbə̰ no inga toʼ Anɔŋisəg ywìrì no inga toʼ izwighi tibɔ̀ŋ. Chəyi tì mbə̰ bə̀ jəg igun fiŋaŋi Anɔŋisəg ywìrì jəg igun fiŋaŋi izwighi tibɔ̀ŋ.

1 Kɔrèn 11:2

Mə we nàʼà məyakà inən imbə̀ʼ icheg ne mbə̰ mbe wènde amə aghəm ajìm. Mbə̰ mbe bə̀ ghìyə̀ inug məyi kwàʼ icheg ne mə̀ ya chwiti inən.

1 Kɔrèn 14:6

Ane, ìmbum məfi fɔrɔ ìtum njàbi, mə mə̀ yèʼe abɔ̀ʼ inən pè se ghàmà inga ìngam ne chəyi mbə̰ mbe zùghə, àze biri wetì awən iye? Chəyi ze biri wètì awən ka, kirənde mə tòʼro tesiʼ we ne yaʼi inga ikən Ŋwiye inən, kə̀ bə̀ ghà anug ne Ŋwiye kə̀bi gha mbə̀ kyeri, kə̀ ghà ikən Ŋwiye inən, kə̀ bə̀ chwìti inug inən.

Gàlesìyà 1:6

Anug ze chè amə imbə̀ʼ icheg ne mə we zùghə gha mbə̰ mbe fə se sàŋà Ŋwiye we ne ya ghi ìchɔ̀mì inən anjìm Kristo, kàrì awən. Mbə̰ mbe sàŋà aməd se bḛ anug ndəŋ gha à ya ikən chɔm.

Efesùs 2:20

Mba ya bəd Ŋwiye ne təmi kà igun ati ze ne bədkə̀n Ŋwiye fɔrɔ bədtɔm Kristo ya bɔmi. Yeso ya iteg ibug nəb mbègtog inga ati nəb ze.

Efesùs 6:18

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

Fìlipì 1:5

Mə ya gyènde imbə̀ʼ icheg ne mbə̀ fɔti abo abɔ̀ʼ inum ni chètì ikən chɔm imbə̀ʼ Yeso Kristo nɔ̀ʼ ane aneg mbègtog ne mbə̀ ya bḛ Kristo pè tèchɔ̀ŋ.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

Kòlosè 4:2

Mbə̀ ziye atog ni ya chàʼrà Ŋwiye mà nyumə̀ ijìm. Mbə̀ ya chàʼrà Ŋwiye bə̀ nɔ̀ŋɔ̀ ikɔndi igun ichaʼri Ŋwiye we. Mbə̀ ya bə̀ nàʼà məyakà abə Ŋwiye mà nyumə̀ ijìm.

2 Timotì 3:14

Àsi awe, àghò che imbìghè ni nɔ̀ŋì inug mbe ne àghò nàni bə̀ bàd gha à ya kwàʼ tesiʼ. Taŋ nyìmi inug mbe imbə̀ʼ icheg ne àghò taŋ kyèri wə̀d ne ya chwi inug mbe ine.

Mə̀Hibrù 10:25

Imbə̀ʼ tì waʼ awa fìŋ ze ne tì beri ni ya fète asiŋi afibì icheg ne bəd mɔ̀ʼɔ fə waʼi. Anug ne tì beri ni ya fàʼà ya ni ya nə̀rə fìŋ abə wə̀d imɔʼ imɔʼ, bə̀ chè imbìghè ni taŋ ghì ane imbə̀ʼ icheg ne aneg ze ne Yeso biri bə̀ndì yeʼe ze se tìnde.

Mə̀Hibrù 10:39

Chəyi tì yaʼi abɔ̀ʼ bəd mbe ne nìme imbə̀ʼ icheg ne mbi bə̀ndi anjìm. Mba ya abɔ̀ʼ bəd mbe ne pùmə imbə̀ʼ icheg ne tì nɔŋi ibḛfiŋ igun Ŋwiye.

1 Jɔn 1:3

Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.

1 Jɔn 1:7

Tì mə̀ yaʼ inga ìzḛzḛ icheg ne məd bə̀ yaʼ inga ìzḛzḛ, nji tì biri yaʼ ane ifɔti mba mba, anəm Yeso Ŋwan Ŋwiye bə̀ sò ìmba inug tibɔ̀ŋ ijìm.

1 Jɔn 2:19

Bəd ìpàb mbo̰ ya yaʼ abɔ̀ʼ ina. Si ya gha, chəyi mbɔb ya yaʼi ane ifɔti tì Kristo icheg ina. Àkə aghi ne mbɔb ya yaʼi ane ifɔti tì Kristo icheg ina, nji chəyi mbɔb ya du. Icheg ne mbɔb du, ze chwi gha chəyi mbɔb ya yaʼi ìmba bəd.

Jûd 1:20

Àsi awən, ìmbum mə̀sə̀ʼ ne mə̀ taŋ kɔ̀ŋ, mbə̀ che imbìghè ni ghì inug ne biri ghì mbə̰ kweg inga ìwən ibḛfiŋ we ne zḛ mànì. Mbə̰ ya chàʼrà Ŋwiye icheg ne Azwighi ze nàʼà ika inən.