Ɨ̀fàʼì 2:40 - Ikan feg

⁴⁰ Pità ya ghàm inug nɔʼ nɔʼ inɔb pàti awɔb bə̀ boʼ ibo inɔb gha, “Mbə̀ duwə awən inga ngəʼ ze ne biri nyi igun ikəri bəd gho̰ ne ghìyə̀ inug tibɔ̀ŋ.”

Meta’

⁴⁰ Pità nyaʼa ghà mɨŋgam cherə nɔnɔʼ əmbɨ mɨ̀mə̌d, kəərɨ mɨ̀mə̌d ghà ni, “Mbə̀ jwɨ rɨ ɨŋga ŋgəʼ ze nɨ bɨrɨ nyɨ ɨgwɨ ɨghəm bə̂d wɔ̂ nɨə ghɨ̀ ɨnû rɨbɔ̀ŋ.”

Ɨ̀fàʼì 2:40 ပူးပေါင်းရင်းမြစ်များ

Matìyò 12:34

Mbə̰ ya kwàʼ ifighi! Tì mbə̰ bəd fìŋ tibɔ̀ŋ ghàm ìngam chɔm? Imbə̀ʼ wə̀d ya ghàmà anug ne yaʼi ibo inga fìŋ?

Matìyò 16:4

Iwaŋ bəd gho̰ ne ghìyə̀ inug tibɔ̀ŋ ne chəyi mbe bə̀ nɔ̀ŋɔ̀ fìŋ igun Ŋwiye ya kə̀bə̀ ni bàd yaʼ ayeti anug. Si ya gha, chəyi Ŋwiye biri ghì ayeti anug inən chèyi ane àze ne ya du abə Jonà.” Yeso ya ghàm ane, si nɔ̀ʼ sàŋì awɔb ghò yi.

Matìyò 17:17

Yeso ya ywìtì gha, “Chəyi iwaŋ bəd gho̰ tèchɔ̀ŋ beri ibḛfiŋ. Mbɔb mbe ghìyə̀ inug ne chəyi mbi koʼi. Mə kə ywìri chughi tì inən ane agha ne sa iye? Mə̀ kə anìŋ ywìri nyimi fìŋ tì inən ane agha ne bə sa iye? Mbə̀ niŋ ŋwan mbaŋà we yèʼe nàʼ inum.”

Matìyò 23:33

Mbə̰ ya kwàʼ jo! Mbə̰ ya kwàʼ ifighi! Mbə̀ kə dù inga ngəʼ ze ne yaʼi inga asiŋi ichə iye?

Mk 8:38

Atog abə wə̀d mɔ̀ʼɔ mə̀ ya nìrè imbə̀ʼ amə fɔrɔ imbə̀ʼ ìmə ìngam inga ikəri bəd gho̰ ne chəyi we ghùmnə Ŋwiye, ne we bə̀ ghìyə̀ yaʼ inug tibɔ̀ŋ, nji atog abə Ŋwan Wə̀d biri bə nìd imbə̀ʼ tengàŋ anyumə̀ we ne wì ywirì yèʼe tì ìmbi mbè angirə̀ ìzḛzḛ tì ika we ne Mbaʼ nàʼi ibo gha wì tumbə isəg.”

Lk 16:28

imbə̀ʼ icheg ne mə beri ìmbum məfi məta̰. Tɔm aməd wì gho pàtì awɔb imbə̀ʼ mbi ghum nɔ̀ʼ yèʼe inga asiŋi ichə aŋa.›

Lk 21:36

Mbə̀ ya we awən, chàʼrà Ŋwiye gha Ŋwiye ghiyə awən mbə kyeri inɔnjì ni nòrò abə inug mbe ne biri ghum dù. Ŋwiye bə ghì gha mbə koʼo ni təm imbìghè abə Ŋwan Wə̀d.”

Jn 21:25

Yeso ya fàʼ iyeti inug nɔʼ nɔʼ ndəŋ. Àkə aghə ne mbi kə bèrì ni ŋwàʼrì inug mbo̰ ijìm, nji chəyi igun isəg gho̰ ijìm biri kòʼ ane asiŋi ni nɔ̀ŋì ìŋwàʼrì mbe inga.

Ɨ̀fàʼì 10:42

Wì ya ghà ina gha tì gha Ìngam Ŋwiye abə bəd bə̀ ghì bəd kyeri gha məd ya Wə̀d we ne Ŋwiye chɔ̀ʼi nɔ̀ŋì gha wì saʼ bəd ne yaʼi izɔm tì bəd ne fə ku.

Ɨ̀fàʼì 15:32

Judàs tì Sayilàs ne ya yaʼi bədkə̀n Ŋwiye yaya ghà inug nɔʼ nɔʼ ne nə̀rə fìŋ bə̀ ghìyə̀ gha ibḛfiŋ abə bəd Kristo mbe təm kà.

Ɨ̀fàʼì 20:11

Anyumə̀ ne Pɔl ya bə̀ndi kɔʼ ghò inga atog nəb ze ikaŋ, pè jəg itari bə̀ chùghi aseg jəg tì inɔb, wì ya ghàm inɔb anene ituʼ chəg. Wì ya si nɔ̀ʼ ghò yi.

Ɨ̀fàʼì 20:2

Anyumə̀ ne Pɔl ya yaʼi a Màsèdonìyà, wì yaya yḛ̀ iben iben nè nə̀rə fìŋ abə bəd mbe ne ya nɔŋi ìwɔb ibḛfiŋ igun Yeso Kristo. Wì ya si ghò pè a Gris.

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

Ɨ̀fàʼì 20:24

Ane, chəyi mə̀ nìŋə ìmə ìtḛ̀ ane aghi mɔ̀ʼɔ. Mə ya kə̀bə̀ ni màni àfàʼì ze ne Anɔŋisəg Yeso nàʼi inum. Àfàʼì ze ya ni ghà ikən chɔm imbə̀ʼ ìchɔ̀mì we ne Ŋwiye we fàʼà.

Ɨ̀fàʼì 20:9

Ŋwan ajɔŋ mɔ̀ʼɔ ne ikum məd ya Utikùs ya chughi igun windò. Icheg ne Pɔl ya ghàmi tàn, ŋwan we ya fèn a ngwḛ. Wì ya gwḛ nə̀d si bu fen ikaŋ nəb ne yaʼi awaŋ atad. Mbi ya si swìʼi gwe məd ne wì fə ku.

Ɨ̀fàʼì 28:23

Mbi ya nɔ̀ŋì aneg ne mbi biri ywiri ghò bàd Pɔl. Anyumə̀ ne aneg ze ya kòʼi, mbi ya dù kwàʼ mbɔb nɔʼ nɔʼ ghò a asiŋi ze ne Pɔl yaya chùghə. Wì ya ko tòʼrì anug imbə̀ʼ anug ìfɔ̀n Ŋwiye ni ko isusu ghò pè ikwikwiri. Wì ya tòʼrì inug inga àŋwàʼrì mə̀nɔ̀ʼɔ̀ Muse bə̀ tòʼrì inug inga ìŋwàʼrì mbe ne bədkə̀n Ŋwiye ya ŋwàʼri ghì mbi kyeri gha inug mbe ne te ghà imbə̀ʼ Yeso ya tesiʼ.

Ɨ̀fàʼì 4:36

Jòseb ne ya ŋwan inga inəbi Levì ya wə̀d mɔ̀ʼɔ abɔ̀ʼ bəd mbe ne ya bḛ Kristo. Məd ya nɔ̀ʼ a Sayiprùs. Bədtɔm Kristo ya chùb ikum məd ane Bànabàs. (Ikum gho̰ ya ni gha, ŋwan ne nə̀rə fìŋ abə bəd.)

2 Kɔrèn 5:20

Mba ya bəd ne təmi ane ikum Kristo. À ya icheg ni gha Ŋwiye we chè anjìm ina bòʼo ibo abə bəd. Ane tì we bòʼo ibo inən ane ikum Kristo gha mbə̀ mànì achɔb tì Ŋwiye.

2 Kɔrèn 6:17

Anɔŋisəg ghà gha, “Mbə̀ duwə inga inɔb yaʼ awən icha. Imbə̀ʼ mbə̰ bète awən aghi ne chəyi ze zḛ, mə biri niŋ awən ane inum.”

Gàlesìyà 5:3

Mə ya anìŋ ywìrè ghà kɔ̀mbɔ̀ abə wə̀d ne bḛ gha mbe ŋwed aməd gha, tengàŋ mənyìʼ nɔ̀ŋì mə̀nɔ̀ʼɔ̀ Muse kwàʼ məjìm.

Efesùs 4:17

Mə ya anìŋ ghà inən ywìrè bèʼre ane ikum Anɔŋisəg gha imbə̀ʼ mbə̰ ya chùghə awən icheg bəd mbe ne kayi mə̀Ju. Ìtɔb tikɔndi ya kwàʼ ati ako.

Fìlipì 2:15

Mbə̰ mə̀ ghì ane, nji chəyi bəd biri bèrì anug tibɔ̀ŋ mɔ̀ʼɔ ni ghà imbə̀ʼ awən. Mbə biri zen icheg bɔn Ŋwiye ne chəyi anug tibɔ̀ŋ mɔ̀ʼɔ igun inən. Ane, mbə biri yaʼ icheg titəm iməg ne zùʼə igun nyùmə̀ isəg àpiye gho̰ ne bəd mbe ghìyə̀ inug tibɔ̀ŋ.

1 Tèsàlonikà 2:11

Mbə̰ kyèri gha tì ya nyimi awən icheg ne mbaʼ we nyìme ìmbi bɔn.

1 Timotì 4:16

Àghò we awe imbə̀ʼ ìwe ikuchèg fɔrɔ imbə̀ʼ inug mbe ne àghò we chwìte. Nyimbi fìŋ ane inug mbo̰ imbə̀ʼ icheg ne àghò mə ghì ane, àghò biri pumni ìwe nyɔd bə̀ pùmni bəd mbe ne àghò we chwìte inug inɔb.

1 Pità 5:12

À ya Sayilàs wèti amə ni ŋwàʼrì iki ìngam gho̰ ne mo we chà inən. Məd ya kwàʼ ìwa ifi ne taŋ zì ibḛfiŋ igun Kristo. Àŋwàʼrì azo̰ ya ni nəri awən bə̀ bḛ gha aŋa ya kwàʼ ìchɔ̀mì tesiʼ ne Ŋwiye ghi inən. Mbə̀ təm kà inga ìchɔ̀mì we.