Ɨ̀fàʼì 2:4 - Ikan feg

⁴ Azwighi Ŋwiye ya sweg inga inɔb mbɔb məjìm. Ane, mbi ya si ko se ghàmà tìngam iben ndəŋ icheg ne Azwighi Ŋwiye yaya nàʼà ika inɔb.

Meta’

⁴ Əzwî ə Zeŋɨ ə nyaʼa swi ɨŋga mɨ̀mə̌d mɨjìm, əne mbɨ nyaʼa kɔ gham mɨŋgam ɨbeŋ cherə, ɨchî nɨ Əzwî ze ə nyaʼa naʼ ɨka əmbɨ mɨ̀mə̌d.

Ɨ̀fàʼì 2:4 ပူးပေါင်းရင်းမြစ်များ

Matìyò 10:19

Anyumə̀ ne mbi gwi awən, imbə̀ʼ mbə̰ nwìʼe awən ìwən nyɔd imbə̀ʼ anug ne mbə̀ biri ghà, kə̀ imbə̀ʼ icheg ne mbə̀ biri ghàm. Nyùmə̀ we mə̀ kòʼ, Ŋwiye biri ghì gha mbə̀ kyeri anug ni ghà

Mk 16:17

Bəd mbe ne bḛ biri ghì ineni inug mbo̰: Mbi biri kamni izwighi tibɔ̀ŋ chì inga bəd ane ìmə ikum; mbi biri ghàm tìngam iben ndəŋ;

Lk 1:15

Wì biri yaʼ ijiʼi wə̀d imbìghè abə Anɔŋisəg. Imbə̀ʼ wì no yi mənoʼ ka ka ka. Azwighi Ŋwiye biri sweg inga məd ni ko ane nyùmə̀ ne mbi biri gwi aməd.

Lk 1:41

Kwàʼ anyumə̀ ne Àlisabèd ya zughi ichaʼri ìwi Mèri, ŋwan ya nəki ibo inga fibum. Azwighi Ŋwiye ya bə̀ sweg inga Àlisabèd.

Lk 1:67

Azwighi Ŋwiye ya sweg inga Zàkàriyà, mbaʼ ìwi Jɔn, wì ghà ikən Ŋwiye gha,

Lk 12:12

À ya Azwighi Ŋwiye biri mə̀tì anug ne mbə̀ biri ghà ane nyùmə̀ we.”

Lk 21:15

Imbə̀ʼ mbə̰ nwìʼè awən nyɔd ane imbə̀ʼ icheg ne mə̀ biri nàʼ iwe fɔrɔ ìngam inən ne chəyi tì ìwən wə̀d ìpàb mɔ̀ʼɔ chè awən.

Lk 4:1

Yeso ya bə̀ndì igyi Jodàn tì Azwighi Ŋwiye inga məd iswighi. Azwighi Ŋwiye ya niŋ aməd ghò inga ibad zɔbi.

Jn 14:26

Si ya gha, ìmə Mbaʼ biri chà Àwètìbə̀d ane ìmə ikum. À ya wə̀d ne nàʼà tikə abə bəd. Məd ya Azwighi Ŋwiye. Wì biri chwi inug ijìm inən, bə̀ ghì mbə̰ ya wènde inug ijìm mbe ne mə gha inən.

Jn 20:22

Wì ya ghàm ane si zwèg igun inɔb, ghà inɔb gha, “Azwighi Ŋwiye yeʼe igun inən.

Ɨ̀fàʼì 1:5

Jɔn yaya nàʼà mənib inən, si ya gha, chəyi agha biri sà, Ŋwiye biri nàʼ àzi Azwighi inən.”

Ɨ̀fàʼì 1:8

Si ya gha, mbə biri bèrì ika anyumə̀ ne Azwighi Ŋwiye yeʼe igun inən. Mbə̰ biri si dù ghò ane ika we si yaʼ bəd ne ghà inug imbə̀ʼ amə mà isiŋi ijìm. Mbə̰ biri ko a Jèrusalèm, ghò inga aba aben Jùdeyà ajìm tì inga aba aben Sàmarìyà ajìm fɔrɔ inga iben mbe ne yaʼi igun isəg ijìm.”

Ɨ̀fàʼì 10:46

Anug ya chè awɔb imbə̀ʼ icheg ne mbi ya zug icheg ne bəd mbe yaya ghàmà tìngam iben ndəŋ bə̀ ghùmnə Ŋwiye. Pità ya si ghà gha,

Ɨ̀fàʼì 10:47

“Wə̀d ne tì wì ton gha imbə̀ʼ tì naʼa awa mənib abə bəd mbo̰ ne Azwighi Ŋwiye fə yeʼe igun inɔb kwàʼ icheg ne ze ya bə yeʼe igun ina, àkə we?”

Ɨ̀fàʼì 11:15

Icheg ne wì ya ghàmi ane, mə̀ ya ko ni ghàm, Azwighi Ŋwiye yeʼe igun inɔb kwàʼ icheg ne ze ya bə yèʼe igun ina igun aneg Pentekɔ̀d.

Ɨ̀fàʼì 11:24

Bànabàs yaya kwàʼ wə̀d chɔ̀m ne ya taŋ nɔ̀ŋì ibḛfiŋ igun Ŋwiye. Azwighi Ŋwiye ya bə̀ sweg inga məd. Ane, bəd nɔʼ nɔʼ ne ya zughi anug ne wì yaya ghà ya nɔ̀ŋì ìwɔb ibḛfiŋ igun Anɔŋisəg Yeso, ìwɔb inɔ̰ ywìrì taŋ yètè.

Ɨ̀fàʼì 13:52

Si ya gha, bəd mbe a Antìyɔ̀g ne ya zi ibḛfiŋ igun Kristo ya taŋ gyen. Azwighi Ŋwiye ya bə̀ taŋ swe awɔb.

Ɨ̀fàʼì 13:9

Azwighi Ŋwiye ya sweg inga Sɔl ne mbi yaya bə̀ kàrà ane Pɔl. Ane, wì ya nèn Èlayimàs kwàʼ igun ìfe ghà ibo gha,

Ɨ̀fàʼì 15:8

Ane, Ŋwiye ne kyeri fìŋ abə bəd məjìm fə chwi gha zìye fə bə̀ chɔʼ awɔb icheg ne we bə̀ nàʼà àzi Azwighi inɔb kwàʼ icheg ne wì ya bə nàʼ ina.

Ɨ̀fàʼì 19:6

Anyumə̀ ne Pɔl ya nɔŋi ìmbi ibo igun inɔb, Azwighi Ŋwiye ya yeʼe igun inɔb, mbi ko se ghàmà tìngam iben ndəŋ bə̀ ko se ghà ikən Ŋwiye.

Ɨ̀fàʼì 2:11

Mba ya mə̀Ju fɔrɔ bəd ne bəŋi ìtɔb fìŋ bḛ anug Ŋwiye mə̀Ju. Mba mɔ̀ʼɔ ya bə̀ məKred tì məÀrabìyà. Mba məjìm mbe zùghə icheg ne bəd Kristo mbo̰ mbe ghàmà inga ìta tìngam aben, mə̀tə̀ iyeti inùg ne Ŋwiye fàʼi!”

Ɨ̀fàʼì 2:3

Mbi ya bàd ighi mɔ̀ʼɔ ne yaʼi icheg tinemi iywid. Ti ya ghàpà ghò nàŋa igun wə̀d imɔʼ imɔʼ abɔ̀ʼ inɔb.

Ɨ̀fàʼì 4:31

Anyumə̀ ne mbi ya chàʼra Ŋwiye mànì, asiŋi ze ne mbɔb ya fete angu ya ghùd. Azwighi Ŋwiye ya sweg inga inɔb mbɔb məjìm, mbɔb se chètè Ìngam Ŋwiye ne chəyi mbe ywìrè bɔ.

Ɨ̀fàʼì 4:8

Azwighi Ŋwiye ya sweg inga Pità, wì si ywìtì inɔb gha, “Bəd ne sàʼa aben tì itog bəd inga aben,

Ɨ̀fàʼì 6:3

Ane, ìmba məfi fɔrɔ ìta njàbi, mbə̀ chɔʼ mbaŋà ìsàmbe abɔ̀ʼ inən ne mbə̀ kyeri gha ìwɔb ikuchèg bɔ̀ŋ, bə̀ kyèri gha mbɔb bèrì Azwighi Ŋwiye inga inɔb bə̀ bèrì iwe. Tì biri zì àfàʼì azo̰ ni ghàpì tijəg inɔb ikye abo.

Ɨ̀fàʼì 6:5

Anug azo̰ ne mbi ya gha ya bɔ̀ŋ abə inɔ̰ bəd we ijìm. Ane, mbi ya chɔʼ Stifə̀n ne ibḛfiŋ məd ya taŋ kà. Azwighi Ŋwiye ya bə̀ sweg inga məd. Mbi ya bə̀ chɔʼ Filip tì Prokorùs tì Nìkanò tì Timòn tì Pàmenà fɔrɔ Nikolàs we a Antìyɔ̀g ne ya bḛ anug Ŋwiye mə̀Ju.

Ɨ̀fàʼì 6:8

Ŋwiye ya taŋ ghì ìchɔ̀mì abə Stifə̀n bə nàʼ ika ibo. Ane, wì ya ghì iyeti inug kyen kyen bəd bàd.

Ɨ̀fàʼì 7:55

Si ya gha, Stifə̀n ne Azwighi Ŋwiye ya sweghi inga məd ya nɔ̀rì atog nèn ikaŋ, bàd ìzḛzḛ njandi njandi Ŋwiye bə̀ bàra Yeso ne wì yaʼi itəmi aba abo jəghi Ŋwiye.

Ɨ̀fàʼì 8:17

Anyumə̀ ne Pità tì Jɔn ya nɔŋi ìmbɔb ibo igun inɔb, Azwighi Ŋwiye ya yeʼe igun inɔb.

Ɨ̀fàʼì 9:17

Ane, Ànàniyàs ya ghò nyi inga nəb ze, pè nɔ̀ŋì ìmbi ibo igun Sɔl, si ghà ibo gha, “Sɔl, ìmə ifi, Anɔŋisəg Yeso we ne du ghàm ine inɔnjì icheg ne àghò we kə̀ yèʼe aŋa, wì fə chà amə ine ni ghì gha àghò ywirì bàd isiŋi, Azwighi Ŋwiye bə yèʼe igun ine.”

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

1 Kɔrèn 12:10

Azwighi Ŋwiye ze nàʼà ika ni fàʼ iyeti inug abə wə̀d imɔʼ. À ya àzewən ze bə̀ nàʼà ika abə wə̀d ndəŋ ni ghà ikən Ŋwiye. À ya Azwighi Ŋwiye ze bə̀ nàʼà ika abə wə̀d imɔʼ gha wì kyeri icha ne yaʼi inga azwighi chɔm tì azwighi tibɔ̀ŋ. À ya Azwighi Ŋwiye ze amɔʼ ze bə̀ nàʼà ika ni ghàm tìngam iben ndəŋ abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni tòʼrì anug ne mbi gha inga tìngam iben ndəŋ abə wə̀d ndəŋ.

1 Kɔrèn 13:1

Ka mə kyèri ni ghàm tìngam bəd inga iben ijìm igun isəg, bə̀ kyèri ni ghàm tìngam mbè angirə̀, àmə chəyi mə kɔ̀ŋɔ̀ bəd, mo ya kwàʼ icheg aba apan kə̀ kwàʼ icheg fìngɔ̀ŋì.

1 Kɔrèn 13:8

Chəyi àkɔ̀ŋì biri nɔʼ mèg. Àsi ineʼi ni ghà ikən Ŋwiye, wi biri mèg. Ineʼi ni ghàm tìngam aku aku biri bə mèg. Ineʼi ni kyeri inug biri bə mèg.

1 Kɔrèn 14:18

Mə nàʼ məyakà abə Ŋwiye gha mə we ghàmà inga tìngam iben ndəŋ chè awən mbə̰ məjìm.

1 Kɔrèn 14:5

Mə kɔ̀ŋ gha mbə̰ məjìm ya ghàmà ane tìngam iben ndəŋ. Si ya gha, anug ne mə̀ taŋ kɔ̀ŋ ya gha mbə̀ ya ghà ikən Ŋwiye. Ze bɔ̀ŋ ane imbə̀ʼ icheg ne wə̀d ne ghà ikən Ŋwiye wè chè wə̀d ne ghàmà tìngam iben ndəŋ, kirənde wə̀d mɔ̀ʼɔ we angu ni tòʼrì anug ze ne məd we ghà ni ghì gha ifeti bəd Ŋwiye ijìm we təm kà.

Efesùs 3:19

Mə we bə̀ chàʼrà Ŋwiye gha mbə̀ kyeri gha, icheg ne Kristo kɔ̀ŋi awən we chè icheg ne tì bəd kyeri. Mbə̰ mə̀ taŋ kyèri icheg ne wì kɔ̀ŋi awən, nji ìwən ikuchèg biri si yaʼ icheg ìwi Ŋwiye.

Efesùs 5:18

Imbə̀ʼ mbə̰ si no awən be imbə̀ʼ icheg ne mbə̰ mə̀ no mənoʼ be, mbə biri nyi inga anug ni nɔ̀kì mə̀yi kə̀ mbaŋà abu abu. Mbə̀ saŋa yaʼ Azwighi Ŋwiye ze sweg inga inən.

Efesùs 6:18

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

1 Pità 1:12

Ŋwiye ya chwi abə bədkə̀n məd gha chəyi àzɔb àfàʼì ya yaʼi ni wètì awɔb. Mbɔb yaya fàʼà yaʼ ni wètì awən. Mbɔb yaya ghà inug mbe ne mbə̰ ya fə zughi abə bəd mbe ne yaya chètè ikən chɔm. À ya ikən chɔm we ne Azwighi Ŋwiye ze ne wì ya chà tì ikaŋ àbɔ̀ŋɔ, ze ya naʼi ika inɔb ni ghà. Anug azo̰ yaya kwàʼ anug kyen ne fɔrɔ mbè angirə̀ yaya kə̀bə̀ ni kyeri.

2 Pità 1:21

Chəyi wə̀d mɔ̀ʼɔ ne tì wì toʼrì imbə̀ʼ icheg ne chəyi ikən Ŋwiye mɔ̀ʼɔ ya yeʼe imbə̀ʼ icheg ne wə̀d-aku ya kə̀bi. À ya Azwighi Ŋwiye ya ghì gha bəd gha ikən Ŋwiye.