Ɨ̀fàʼì 2:39 - Ikan feg

³⁹ Anug ze ne Ŋwiye ya kàʼi ya inən fɔrɔ abə ìmbən bɔn, bə̀ fɔrɔ abə bəd məjìm mbe ne yaʼi asà agha. À ya abə bəd mbe ne Anɔŋisəg, ìwa Ŋwiye kàri awɔb gha mbe yaʼ ìmbi bəd.”

Meta’

³⁹ Ənû zɔ̂ nɨ Ŋwìə̀ nyaʼa kaʼi yɨ ɨ nən, yɨ əmbɨ mbə bɔn bə̀ fɔrɨ əmbɨ ə bə̂d mɨ̀jìm mbe nɨ yeʼ əsa əgha, əne yɨə wə̀d jìm we nɨ Ŋwìə̀ a Ə̀nùŋɨ̀sɨg tɔŋ ni wɨ̀ yeʼe əsɨ ni.”

Ɨ̀fàʼì 2:39 ပူးပေါင်းရင်းမြစ်များ

Ɨ̀fàʼì 10:45

Anug ze ya chè mə̀Ju mbe ne ya bḛ Kristo, ne ya bə nɔ̀ʼ a Jopà bèni abɔ̀ʼ Pità. Mbi ya yeti imbə̀ʼ icheg ne mbi ya bàd gha Ŋwiye fə bə̀ nàʼ ineʼi we ne yaʼi Azwighi Ŋwiye abə bəd mbe ne kayi mə̀Ju.

Ɨ̀fàʼì 14:27

Anyumə̀ ne mbi ya pe a Antìyɔ̀g, mbi ya feti bəd Kristo məjìm, ghà inug ijìm mbe ne Ŋwiye ya ghi anjìm inɔb bə̀ ghà icheg ne wì ya fìʼì inɔnjì abə bəd mbe ne kayi mə̀Ju gha mbe nɔŋi ibḛfiŋ igun Kristo.

Ɨ̀fàʼì 15:14

Sayimùn fə tòʼrì icheg ne Ŋwiye ya fə bi chwi gha zìye bèrì fìŋ igun bəd ne kayi mə̀Ju. Ŋwiye ghì ane icheg ne wì chɔ̀ʼi bəd nɔʼ nɔʼ abɔ̀ʼ inɔb niŋ ane ìmbi bəd.

Ɨ̀fàʼì 15:3

Ifeti bəd Kristo ya chà awɔb ane, mbi nɔ̀ʼ ko ghò. Mbi ya chè inga Fònisìyà fɔrɔ inga Sàmarìyà. Mbi ya chè angu ane, nè ghà inɔb gha, bəd ne kayi mə̀Ju fə bḛ Kristo. Anug azo̰ ya ghì bəd Kristo məjìm se taŋ gyènde.

Ɨ̀fàʼì 15:8

Ane, Ŋwiye ne kyeri fìŋ abə bəd məjìm fə chwi gha zìye fə bə̀ chɔʼ awɔb icheg ne we bə̀ nàʼà àzi Azwighi inɔb kwàʼ icheg ne wì ya bə nàʼ ina.

Rm 11:29

À ya ane imbə̀ʼ icheg ne Ŋwiye fə mə̀ chɔʼ wə̀d mɔ̀ʼɔ ane ìwi, fə bə̀ ghì ìchɔ̀mì abə tengàŋ, chəyi məd Ŋwiye we ywìrè kɔ̀pɔ ìzi fìŋ ka.

Rm 8:30

Bəd mbe ne Ŋwiye ya chì awɔb nɔ̀ŋì icha, wì ya kàrì awɔb gha mbe yaʼ ìmbi bəd. Mbɔb mbe ne wì ya kàri awɔb, wì ya ghì mbi təm kòʼ ibo imbìghè, bə̀ si nàʼ ighumni inɔb.

Rm 9:24

Mba ya bəd mbe ne məd chɔʼi; kayi məyi inga mə̀Ju, à ya fɔrɔ inga bəd ne kayi mə̀Ju.

Rm 9:4

Mbɔb ya mə̀Izre. À ya mbɔb ne Ŋwiye ya be niŋ ane ìmbi bəd. À ya inɔb ne Ŋwiye ya be chwi ìwe ìzḛzḛ. À ya mbɔb ya wàd ikan tì Ŋwiye. À ya inɔb ne Ŋwiye ya nàʼi ìmbi mə̀nɔ̀ʼɔ̀. À ya mbɔb ne Ŋwiye ya ghì mbɔb se ghùmnə aməd. À ya mbɔb ne wì ya bə̀ kàʼ inug nɔʼ nɔʼ inɔb.

1 Kɔrèn 7:14

Ze yaʼ ane imbə̀ʼ icheg ne mbi biri niŋ mbaŋà ze gha wè təm zen anjìm iweg məd we ne kyeri Ŋwiye. Mbi biri bə̀ niŋ iweg məd gha wè təm zen anjìm inɔm məd we ne kyeri Ŋwiye. Àmə chəyi ane, nji chəyi ìmbɔb bɔn biri zen. Tesiʼ ya gha, mbi biri niŋ mbɔb bɔn gha mbe zen.

Efesùs 1:18

Mə we bə̀ chàʼrà Ŋwiye gha wì ghiyə ìmbən itog zen imbə̀ʼ mbə̀ kyere aghi ze ne wì kàri awa gha tì nɔŋɔ ikɔndi ghɔ̀m. À ya ìchɔ̀mì kyen we ne wì ya kàʼi abə bəd məd

Efesùs 2:12

À ya yaʼ anyumə̀ we, chəyi mbə̰ ya yaʼi ane ifɔti tì Kristo. Chəyi mbə̰ ya bə yaʼ bəd Izre. Chəyi mbə̰ ya beri apan ane ikan we ne Ŋwiye ya kàʼi abə ìmbi bəd. Chəyi mbə̰ ya bə yaʼ bəd Ŋwiye. Mbə̰ ya yaʼ igun isəg aŋa ne chəyi mbə̀ ya nɔŋi ikɔndi igun Ŋwiye.

Efesùs 4:4

Nyàmnyɔd ya məyi imɔʼ. Azwighi ya bə̀ məyi amɔʼ. Anug ni nɔ̀ŋì ikɔndi ghɔ̀m icheg ne Ŋwiye ya kàri awən ya bə̀ məyi amɔʼ.

2 Tès 1:11

À ya aton ne te chàʼrà Ŋwiye mà nyumə̀ ijìm imbə̀ʼ awən gha ìwa Ŋwiye ghiyə mbə̀ ya chùghə ane ikuchèg ne wì ya kàri awən gha mbə̀ chughi. Tì we bə̀ chàʼrà Ŋwiye gha, wì ghiyə mbə̀ ya fàʼà inug chɔm mbe ne mbə̀ kə̀bi ni fàʼ, bə̀ mànì àfàʼì ze ne mbə̰ mbe fàʼà anjìm ìwən ibḛfiŋ.

2 Timotì 1:9

Ŋwiye fə pumni awa bə̀ kàrì awa gha tì chughi inga ìzḛzḛ. Kayi wì kàri awa imbə̀ʼ anug mɔ̀ʼɔ ne tì ya fàʼi. À ya anjìm ìchɔ̀mì məd fɔrɔ anjìm icheg ne wì ya fə chùʼri nɔ̀ŋì. Ìchɔ̀mì gho̰ ya Ŋwiye ya ghi ina anjìm Yeso Kristo bɔŋ wì ya se tànga isəg.

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

Mə̀Hibrù 9:15

Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

2 Pità 1:10

Ane, ìmbum məfi fɔrɔ ìtum njàbi, mbə̀ kirə ika ni chughi kwàʼ məyi icheg bəd ne Ŋwiye ya kàri bə̀ chɔʼ gha mbə̀ yaʼ ìmbi bəd. Mbə̰ mə̀ chùghi ane, nji chəyi mbə̀ biri nɔʼ ghi anug tibɔ̀ŋ.

2 Pità 1:3

Ŋwiye fə chè anjìm ìwi ika nàʼ ighi ijìm ne tì koʼi ni bèrì ni chughi ane ikuchèg ne ghùmnə aməd. Wì fə nàʼ ane anjìm icheg ne tì kyeri aməd. Wì ya kàrì awa gha tì bere ati inga ighumni məd bə̀ fɔrɔ inga ìchɔ̀mì məd.

Ɨnû 17:14

Mbi biri màʼ ibid tì Ŋwan njə̀g. Si ya gha, Ŋwan njə̀g tì bəd mbe ne wì kàrì awɔb bə̀ chɔʼ awɔb fɔrɔ bəd mbe ne nɔ̀ŋɔ̀ fìŋ igun məd biri màʼ ibid chè awɔb. Mbi biri màʼ ibid chè imbə̀ʼ icheg ne məd ya Anɔŋisəg abə itog bəd ijìm fɔrɔ Ifɔn abə məfɔn.”

Ɨnû 19:9

Angirə̀ we ya ghà inum gha, “Ŋwàʼra anug azo̰. Ŋwiye zì àbɔrɔ̀bɔd igun bəd mbe ne mbi kaʼi ane iteri inami Ŋwan njə̀g.” Angirə̀ we ya ywìrì ghà gha, “Aŋa ya kwàʼ tìngam tesiʼ ne Ŋwiye ghàmi.”