Ɨ̀fàʼì 2:38 - Ikan feg

³⁸ Pità ya ywìtì gha, “Wə̀d imɔʼ imɔʼ abɔ̀ʼ inən bəŋə ìzi fìŋ chì ane inug tibɔ̀ŋ bə̀ niŋ mənib ane ikum Yeso Kristo ni chwi gha Ŋwiye fə waʼ inug tibɔ̀ŋ məd. Mbə̰ mə̀ ghì ane, Ŋwiye biri nèʼ awən nàʼ àzi Azwighi inən.

Meta’

³⁸ Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Ɨ̀fàʼì 2:38 ပူးပေါင်းရင်းမြစ်များ

Matìyò 28:19

Ane, mbə̀ gho inga iben ijìm ghò ghì bəd yaʼ ìmbum mə̀mə̀nənùg. Mbə̀ naʼa mənib inɔb inga ikum Mbaʼ tì Ŋwan fɔrɔ Azwighi Ŋwiye.

Matìyò 3:2

Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Matìyò 3:6

Mbi yaya pè bḛ ìmbɔb inug tibɔ̀ŋ. Ane, wì yaya nàʼà mənib inɔb inga igyi Jodàn.

Matìyò 4:17

Ni ko anyumə̀ we se ghò imbìghè, Yeso ya se ghàmà Ìngam Ŋwiye. Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Mk 1:15

Wì yaya gha, “Nyùmə̀ fə kòʼ. Anug ìfɔ̀n Ŋwiye fə tinde. Mbə̀ bəŋə ìtən fìŋ, bḛ ikən chɔm gho̰.”

Mk 16:16

Wə̀d ne bḛ, niŋ mənib, wì biri pum. Àsi wə̀d ne chəyi wì bḛ, Ŋwiye biri zì isaʼi igun məd.

Lk 24:47

Mbi ya bə̀ ŋwàʼrì gha, ikən chɔm gho̰ ya mbi biri chètì ane ikum məd, ni ko a Jèrusalèm ghò pè inga iben ijìm gha, Ŋwiye biri waʼ inug tibɔ̀ŋ abə bəd mbe ne bəŋi ìtɔb fìŋ sìkì inug tibɔ̀ŋ.

Lk 3:10

Inɔ̰ bəd we ya biri gha, “Tì si ghənə?”

Ɨ̀fàʼì 10:43

Bədkə̀n Ŋwiye məjìm yaya ghà inug imbə̀ʼ aməd gha Ŋwiye biri chè anjìm məd waʼ inug tibɔ̀ŋ abə wə̀d ijìm ne nɔŋi fìŋ igun məd.”

Ɨ̀fàʼì 10:48

Ane, wì ya gha mbe naʼa mənib abə bəd mbe ane ikum Yeso Kristo. Anyumə̀ ne bəd mbe ya fə niŋi mənib mbe, mbi ya ghà abə Pità gha wì chughi abɔ̀ʼ inɔb ane inun ineg mɔ̀ʼɔ bɔŋ nɔ̀ʼ.

Ɨ̀fàʼì 13:38

Ìmbum məfi fɔrɔ ìtum njàbi, icheg ne ze yaʼi anìŋ, anug ne mə̀ kəbi gha mbə̀ kyeri ya gha, Ŋwiye we chè anjìm Yeso wàʼa inug tibɔ̀ŋ bəd.

Ɨ̀fàʼì 16:15

Anyumə̀ ne mbi ya fə nàʼi mənib ibo fɔrɔ abə bəd məjìm mbe ne ya yaʼi ibo inga nəb, wì ya boʼ ibo ina, ghà gha, “Mbə̰ mə̀ niŋ gha mo ya wə̀d ne fə nɔŋi fìŋ igun Anɔŋisəg Yeso, mbə̀ yeʼe chùghi inum inga achan.” Wì ya ghà ane, nyi aton ina anene tì gho chùghi ibo inga achan.

Ɨ̀fàʼì 17:30

A mbègtog, chəyi Ŋwiye ya nɔŋi atog ane inug mbe ne bəd yaya ghìyə̀ abəŋ. Si ya gha, inga nyùmə̀ isəg gho̰, wì fə ghà gha bəd məjìm inga isiŋi ijìm mbe bəŋi ìtɔb fìŋ sìkì inug tibɔ̀ŋ.

Ɨ̀fàʼì 20:21

Mə ya fə ghàm abə mə̀Ju fɔrɔ mə̀Grig gha mbe bəŋi fìŋ sìkì inug tibɔ̀ŋ, bə̀ndì yèʼe abɔ̀ʼ Ŋwiye, bə̀ nɔ̀ŋì ibḛfiŋ igun Anɔŋisəg Yeso.

Ɨ̀fàʼì 22:16

Ane, àghò kə amad anìŋ ghɔ̀mɔ̀ aghə? Nɔ̀ʼɔ titighe, niŋ mənib, dèg abə Anɔŋisəg wì so ìmbe inug tibɔ̀ŋ.›

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Ɨ̀fàʼì 26:20

Mə ya bì ko ghà Ìngam Ŋwiye a Dàmaskòs, nɔ̀ʼ angu ghà a Jèrusalèm, nɔ̀ʼ angu ghà inga isiŋi ijìm inga Jùdeyà bə̀ fɔrɔ inga iben mbe ne kayi mə̀Ju. Mə yaya ghà gha bəd bəŋə ìtɔb fìŋ sìkì inug tibɔ̀ŋ bèni abɔ̀ʼ Ŋwiye. Mə yaya bə̀ ghà gha bəd se ghìyə̀ inug mbe ne chwìye gha mbi fə bə̀ŋì ìtɔb fìŋ sìkì inug tibɔ̀ŋ.

Ɨ̀fàʼì 3:19

Ane, mbə̀ bəŋə ìtən fìŋ, waʼ inug tibɔ̀ŋ, ghò abɔ̀ʼ Ŋwiye, ni ghì gha wì waʼ ìmbən inug tibɔ̀ŋ.

Ɨ̀fàʼì 5:31

Ŋwiye ya nɔ̀ aməd ane, nɔ̀ŋì ibo aba abo jəghi ane Atog wə̀d igun bəd məjìm fɔrɔ ane Wə̀d ne pùmnə bəd, ni gha məd we tì wì ghì mə̀Izre bə̀ŋì fìŋ sìkì inug tibɔ̀ŋ, Ŋwiye waʼ ìmbɔb inug tibɔ̀ŋ.

Ɨ̀fàʼì 8:12

Si ya gha, anyumə̀ ne mbi ya zughi ikən chɔm imbə̀ʼ anug ìfɔ̀n Ŋwiye bə̀ zug ikən chɔm imbə̀ʼ Yeso Kristo ne Filip yaya ghà, mbaŋà fɔrɔ mə̀yi ya bḛ bə̀ niŋ mənib.

Ɨ̀fàʼì 8:20

Si ya gha, Pità ya ywìtì ibo gha, “Àghò nim tì ìwe ikab icheg ne àghò kɔ̀ndi gha àghò we tì àghò zon ineʼi ne Ŋwiye we nàʼà abə bəd ane ikab!

Rm 6:3

Chəyi mbə̀ kyeri gha icheg ne tì ya niŋi mənib ni yaʼ ane ifɔti tì Yeso Kristo, mba ya icheg bəd ne bə ku tì Yeso.

Efesùs 1:7

À ya anjìm anəm Yeso ne Ŋwiye ya zeri awa anyumə̀ ne wì ya waʼi ìmba inug tibɔ̀ŋ. Wì ya ghì ane anjìm ìchɔ̀mì kyen məd

Tayitùs 3:5

chì awa inga ngəʼ. Wì ya chì awa inga ngəʼ imbə̀ʼ icheg ne wì beri àsɔ̀mnəfiŋ igun ina, kayi imbə̀ʼ inug chɔm ne tì ya ghi. Wì ya pumni awa icheg ne Azwighi Ŋwiye ya sò awa tì zen bə̀ bə̀ŋì awa tì si yaʼ icheg bɔn bɔd. Azwighi Ŋwiye ya bə̀ nàʼ ìtḛ̀ feg ina.

1 Pità 3:21

Mənib mbe ya si yaʼ icheg mənib mbo̰ ne mbə̰ mbe nìŋə amad anìŋ ni chwi gha mbə̰ fə pum. Anyumə̀ ne mbə̰ mbe nìŋə mənib, à ya kayi ni sò tifiŋi inən igun nyɔd. À ya anug ni chwi gha mbə̰ bḛ Ŋwiye ane fìŋ zḛ zḛ. Ane, mbə̰ fə pum anjìm icheg ne Yeso Kristo ya zweme ane iwu.