Ɨ̀fàʼì 2:33 - Ikan feg

³³ Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Meta’

³³ Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.

Ɨ̀fàʼì 2:33 ပူးပေါင်းရင်းမြစ်များ

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Mk 16:19

Anyumə̀ ne Anɔŋisəg Yeso ya fə ghàmi abə mə̀mə̀nənùg mbe, Ŋwiye ya niŋ aməd ikaŋ àbɔ̀ŋɔ. Wì ya pè chùghi aba abo jəghi Ŋwiye.

Lk 24:49

Mə biri nàʼ Azwighi Ŋwiye ze ne ìmə Mbaʼ ya kàʼi gha zìye biri nàʼ inən. Si ya gha, mbə̀ chughi a Jèrusalèm aŋa ghɔ̀m, pè ane nyùmə̀ ne Azwighi Ŋwiye yeʼe ikaŋ àbɔ̀ŋɔ igun inən si nàʼ ika inən.”

Jn 14:16

Mə biri ghì gha, ìmə mbaʼ naʼa Àwètìbə̀d ndəŋ ne biri chughi tì inən ane ighə̀m imɔʼ.

Jn 14:26

Si ya gha, ìmə Mbaʼ biri chà Àwètìbə̀d ane ìmə ikum. À ya wə̀d ne nàʼà tikə abə bəd. Məd ya Azwighi Ŋwiye. Wì biri chwi inug ijìm inən, bə̀ ghì mbə̰ ya wènde inug ijìm mbe ne mə gha inən.

Jn 15:26

Wì ya chè imbìghè ni gha, “Àwètìbə̀d biri yeʼe . Mə biri ghì ìmə Mbaʼ chà aməd inən. Məd ya Azwighi ne nɔ̀ʼɔ̀ abə ìmə Mbaʼ. Wì ya gha tesiʼ. Anyumə̀ ne wì yèʼe, wì biri tòʼrì inug imbə̀ʼ amə abə bəd.

Jn 17:5

Ìmə Mbaʼ, ghìyə mə beri ighumni we ne tì ya fɔrɔ bèrì bɔŋ àghò ya se tànga isəg.”

Ɨ̀fàʼì 1:4

Aneg mɔ̀ʼɔ, icheg ne wì ya yaʼi tì inɔb, wì ya pati awɔb gha, “Imbə̀ʼ mbə̰ nɔʼɔ awən a Jèrusalèm. Mbə̀ chughi aŋa ghɔ̀m ineʼi we ne mə̀ ya gha inən gha ìmə Mbaʼ ya kàʼ ni chà inən.

Ɨ̀fàʼì 10:45

Anug ze ya chè mə̀Ju mbe ne ya bḛ Kristo, ne ya bə nɔ̀ʼ a Jopà bèni abɔ̀ʼ Pità. Mbi ya yeti imbə̀ʼ icheg ne mbi ya bàd gha Ŋwiye fə bə̀ nàʼ ineʼi we ne yaʼi Azwighi Ŋwiye abə bəd mbe ne kayi mə̀Ju.

Ɨ̀fàʼì 2:17

Wì ya gha, ‹Ŋwiye gha, inga ineg mbe ne se nwḭ̀yḛ̀, mə biri chà àmə Azwighi igun bəd məjìm. Ìmbən bɔn mbaŋà fɔrɔ bɔn àyi biri se ghà ikən Ŋwiye. Ìmbən bɔn ijɔŋ biri se bàrà inati njə̀m. Ìmbən inṵ bəd biri bə se bèrè njə̀m.

Ɨ̀fàʼì 5:31

Ŋwiye ya nɔ̀ aməd ane, nɔ̀ŋì ibo aba abo jəghi ane Atog wə̀d igun bəd məjìm fɔrɔ ane Wə̀d ne pùmnə bəd, ni gha məd we tì wì ghì mə̀Izre bə̀ŋì fìŋ sìkì inug tibɔ̀ŋ, Ŋwiye waʼ ìmbɔb inug tibɔ̀ŋ.

Rm 5:5

Ikɔndi chɔm we ne tì nɔŋi ni ghɔ̀m, chəyi wi biri ghì gha tì bere tìnìrètog imbə̀ʼ icheg ne Ŋwiye fə zì àzi àkɔ̀ŋì inga ìta fìŋ anjìm Azwighi məd ze ne wì nàʼi ina.

Gàlesìyà 3:14

Kristo ya ghì ane ni gha àbɔrɔ̀bɔd ze ne Ŋwiye ya kàʼi abə Abràham, ze biri bə yeʼe abə bəd mbe ne kayi mə̀Ju anjìm ibḛfiŋ igun Yeso Kristo. Àzo̰ ghì gha mba ina bə bèrì Azwighi Ŋwiye ze ne Ŋwiye ya kàʼi gha tì biri bèrì anjìm ibḛfiŋ igun Yeso Kristo.

Efesùs 1:13

Mbə̰ ya bə̀ si yaʼ bəd Kristo anyumə̀ we ne mbə̀ ya zughi ikən tesiʼ, bḛ. À ya ikən chɔm we ghi mbə̰ pum. Mbə̰ ya bḛ Kristo, Ŋwiye bə̀ nàʼ àzi Azwighi inən icheg ne wì ya kàʼi ane aneni ne chwìye gha mbə̰ ya si bəd məd.

Efesùs 4:8

Àzo̰ ya kwàʼ anug ze ne Ìngam Ŋwiye gha gha, “Anyumə̀ ne wì ya kɔʼi ikaŋ àbɔ̀ŋɔ, wì ya niŋ bəd mbe ne wì ya zeri awɔb chì ane anug àbòʼì ghò tì inɔb; bə̀ nàʼ tineʼi abə ìmbi bəd.”

Tayitùs 3:6

Ŋwiye ya chè anjìm Yeso Kristo ne pùmnə awa nàʼ àzi Azwighi ina abu abu.

Mə̀Hibrù 10:12

Àsi Kristo ne yaʼi àza atog wə̀d igun bəd mbàn Ŋwiye, wì ya nàʼ ìwi nyɔd ane aghi àfàtì ni sò inug tibɔ̀ŋ bəd ane ighə̀m imɔʼ. Wì ya si chùghi aba abo jəghi abə Ŋwiye.

Mə̀Hibrù 2:9

Tì we bàrà Yeso ne Ŋwiye ghì wì beri ìzḛzḛ fɔrɔ ighumni. Si ya gha, Ŋwiye ya ghì wì beri ati ne to kə chè àzi mbè angirə̀ ane iki nyumə̀ ni gha anjìm àsɔ̀mnəfiŋ Ŋwiye wì zə̰ ngəʼ ane iki nyumə̀ bə̀ ku atog abə bəd məjìm.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.