Ɨ̀fàʼì 19:29 - Ikan feg

²⁹ Kwàʼ ati, àbùrì kyen ya ko inga asiŋi ze ajìm. Mbi ya gwì Gayòs tì Àristakùs. À ya mbɔb mbe ne ya nɔ̀ʼi a Màsèdonìyà ne yaya yḛ̀ tì Pɔl. Mbi ya sìmì awɔb ghò igun ìsàmi kyen ze inga aben ze.

Meta’

²⁹ Ə̀bùùrɨ̀ ə nyaʼa swi ɨŋga əsɨ ze əjìm. Əne bə̂d mɔʼɔ nyaʼa gywɨ̀ ə Gayùs mbɨ Àristakùs nɨ nyaʼə rɨ ə Màsèdonià. Ɨ mbɨə nyaʼə bə̀ yènə̀ mbɨ Pɔ̂l. Mbɨ nyaʼa gywɨ̀ əne sùŋ mɨ̀mə̌d nɨŋ wò ə sǎm əferɨ.

Ɨ̀fàʼì 19:29 ပူးပေါင်းရင်းမြစ်များ

Ɨ̀fàʼì 13:5

Anyumə̀ ne mbi ya pe a Sàlamìs, mbi ya ghàm Ìngam Ŋwiye inga məchamì Ŋwiye mə̀Ju. Mbi ya yaʼ angu tì Jɔn Mag ne yaya wètè awɔb.

Ɨ̀fàʼì 16:12

Tì ya nɔ̀ʼ angu ghò a Filipì, ne yaʼi aben kyen inga aba isəg ze a Màsèdonìyà. À ya Rom yaya tùmbə aben ze. Tì ya chughi angu ane ineg nɔʼ nɔʼ.

Ɨ̀fàʼì 16:9

Àsi izimi we, anatì njə̀m mɔ̀ʼɔ ya chè Pɔl. Wì ya bàd mbaŋà mɔ̀ʼɔ inga anatì njə̀m ze ne ya təmi se bòʼo ibo ghà ibo gha, “Bani yèʼe wètì awa a Màsèdonìyà.”

Ɨ̀fàʼì 17:8

Anyumə̀ ne bəd mbe inga aben ze fɔrɔ itog bəd mbe ne sàʼa aben ya zughi anug ze, ze ya taŋ nàʼ ngəʼ inɔb.

Ɨ̀fàʼì 19:21

Anyumə̀ ne anug imbə̀ʼ bɔn ìmbi Sefà ya fə che, Pɔl ya nɔ̀ŋì inga ìzi fìŋ ni chè a Màsèdonìyà bə̀ chè a Akìyà ghò a Jèrusalèm. Wì ya gha, “Mə mə̀ pè angu, mə mənyìʼ ghò pè a Rom.”

Ɨ̀fàʼì 19:22

Wì ya chà Timotì tì Èrastùs ne ya mbaŋà te tibe ne yaya wètè aməd gha mbe gho a Màsèdonìyà. Àsi məd, wì ya si chùghi yi a Esìyà ane ineg mɔ̀ʼɔ.

Ɨ̀fàʼì 19:32

Àbùrì ya nyi inga ifeti we. Bəd mɔ̀ʼɔ yaya kyḛ ghà anug amɔʼ, mə̀mbin se kyḛ ghà àzi ndəŋ. Ze ya yaʼ ane imbə̀ʼ icheg ne, chəyi bəd nɔʼ nɔʼ ya bi kyèri aton ne bəd ya fete.

Ɨ̀fàʼì 20:34

Mbə̰ kyèri àzən aghi gha mə ya fàʼ kwàʼ ane ìmbum ibo ni nèg ìmə nyɔd bə̀ nèg bəd mbe ne yaya yḛ̀ tì inum.

Ɨ̀fàʼì 20:4

Bəd ne yaya yḛ̀ tì Pɔl yaya: Sopatà ŋwan ìwi Pirùs ne ya wə̀d inga Bèriyà fɔrɔ Àristakùs tì Sèkundùs ne ya bəd inga aben Tèsàlonikà fɔrɔ Gayòs ne ya wə̀d inga aben Debè fɔrɔ Timotì fɔrɔ Tichikùs tì Tròfimùs ne ya bəd inga aben Esìyà.

Ɨ̀fàʼì 21:30

Ze ya ghì àbùrì nyi a Jèrusalèm. Bəd ya si chùʼri nyɔd yèʼe gwì Pɔl, sùŋì aseg, chì inga mbàn Ŋwiye, wùpì tinuʼ ikam tijìm.

Ɨ̀fàʼì 21:38

Àghò kə kayi wə̀d Ijìb we ne ya ghum yèʼe chìkì aben, nè zwète bəd, bə̀ niŋ bəd chuʼ tikwè ghò inga tibad zɔbi tì inɔb?”

Ɨ̀fàʼì 27:2

Tì ya nyi abaŋ igyi ne ya nɔ̀ʼi a Àdràmitìyùm. Abaŋ igyi ze ya bèrì ni nɔ̀ʼ se yḛ̀ nè tə̀mə ane isiŋi mbe inga Esìyà ne yaʼi iban igyi. Mbaŋà mɔ̀ʼɔ ne ikum məd ya Àristakùs, ne ya nɔ̀ʼi a Tèsàlonikà inga Màsèdonìyà ya yaʼ tì ina.

Rm 16:23

Gayòs ne mə chùghə ibo inga achan tì bəd Kristo mbe ne nyìme ifeti ibo inga nəb mbe bə̀ chàʼrà awən. Èrastùs ne nɔ̀ŋɔ̀ ikab aben inga asiŋi azo̰ tì Kwatùs ne yaʼi ìwa ifi we bə̀ chàʼrì awən.

1 Kɔrèn 1:14

Mə nàʼ məyakà abə Ŋwiye imbə̀ʼ icheg ne chəyi mə̀ ya nàʼi mənib abə wə̀d mɔ̀ʼɔ abɔ̀ʼ inən chèyi ane Krispòs tì Gayòs.

1 Kɔrèn 4:9

Àze chwi inum gha, Ŋwiye fə nɔ̀ŋì awa mba bədtɔm gha tì yaʼ bəd ne si nwḭ̀yḛ̀. Mba ya icheg bəd ne mbi fə niŋi isɔbi isaʼi ni zweti awa imbìghè abə mbè angirə̀ fɔrɔ bəd məjìm igun isəg.

2 Kɔrèn 8:19

À ya tifeti bəd Ŋwiye chɔʼi aməd gha we yaʼ abɔ̀ʼ ina icheg ne tì niŋi ighi mbe ne mbə nàʼi ni ghò a Jerusalèm. Aŋa ya àfàʼì ne nàʼà ighumni abə Anɔŋisəg. Ighi mbo̰ ne mbə naʼi ya bə̀ chwìye gha tè bèrì fìŋ chɔm ni wètì bəd.

Kòlosè 4:10

Àristakùs ne mə̀ yaʼi inga nəb ndəŋ tì məd we chàʼrà awən. Mag we ne məd tì Bànabàs yaʼi bɔn ane bɔn wə̀d ifibì we bə̀ chàʼrà awən. Mbə̰ fə zug inug imbə̀ʼ aməd. Məd mə̀ yèʼe, mbə̀ niŋ aməd kwàʼ icheg chɔm.

Filemɔ̀n 1:24

Mag tì Àristakùs tì Demàs fɔrɔ Lug ne yaʼi bəd àfàʼì Kristo icheg inum mbe bə̀ chàʼrà awe.

3 Jɔn 1:1

À ya mo ne yaʼi atog wə̀d igun ifeti bəd Kristo, ŋwàʼri àŋwàʼrì azo̰. Mə ya ŋwàʼrà anìŋ ine àghò Gayòs, ìmə ìsə̀ʼ ne mə̀ taŋ kɔ̀ŋ.